កម្ពុជាដំណឹង

ក្រសួងថា ភ្លៀងជន់​ដូចនៅ​ក្រុង​ព្រះសីហនុ ក៏​កើតមាន​នៅ​ប្រទេស​ផ្សេង​ដែរ

ក្រសួងថា – សម្រាប់ក្រសួងធនធានទឹក និងឧតុនិយម បានបកស្រាយនៅមុននេះបន្តិចថា ការជន់លិចផ្ទះសម្បែងទាំងឡាយ ក្នុងព្រឹកនេះ បណ្ដាលមកពីតំបន់ទាំងនោះ រងឥទ្ធិពលពីប្រព័ន្ធសម្ពាធទាប និងខ្យល់មូសុងនិរតីខ្លាំង និងបានលើកឡើងទៀតថា មិនមែនកើតមាន តែនៅកម្ពុជាទេ។

ក្នុងព្រឹកថ្ងៃសុក្រនេះ អ្នកក្រុងព្រះសីហនុ មួយភាគ បានភ្ញាក់ពីដំណេក ជាមួយនឹងផ្ទះសម្បែង ទ្រព្យសម្បត្តិរបស់ផងខ្លួន ជន់លិច បន្ទាប់ពីមានភ្លៀងធ្លាក់មួយមេ កាលពី​យប់មិញ។ រូបភាពជាច្រើន ដែលត្រូវបានបង្ហោះ នៅលើបណ្ដាញសង្គម បានឲ្យដឹង អំពីស្ថានភាពធ្ងន់ធ្ងរ នៃការជន់លិចនោះ ដែលមានកម្ពស់ដល់ទៅជាង១ម៉ែត្រ ក្នុងតំបន់មួយចំនួន។

ក្រសួងថា «បាននិងកំពុង…»

នៅចំពោះហេតុការណ៍ដ៏រន្ធត់ ក្រសួងធនធានទឹក និងឧតុនិយម ដែលមានតួនាទីព្យាករណ៍ (ឲ្យដឹងជាមុន) អំពីស្ថានភាពឧតុនិយម នៅលើផ្ទៃប្រទេស បានចេញសេចក្តីប្រកាស នៅព្រឹកថ្ងៃសុក្រនេះ បញ្ជាក់ថា៖

«ឥទ្ធិពលនៃប្រព័ន្ធសម្ពាធទាប និងខ្យល់មូសុងនីរតីខ្លាំង (…) ពិសេសយោងតាមស្ថានភាពជាក់ស្ដែង យើងឃើញថា មានតំបន់មួយចំនួន បាននិងកំពុង បន្តជួបនូវកង្វះខាតទឹកនៅឡើយ (…) តែក៏នៅមានខេត្តមួយចំនួនទៀត ភ្លៀងក៏បន្តធ្លាក់ខ្លាំង យ៉ាងគំហុក។»

«ការលិចលង់ ដែលបាននិងកំពុង កើតមានមកនេះ គឺបណ្ដាលមកពីបាតុភូតិធម្មជាតិ។ ចំពោះស្ថានភាពបែបនេះ មិនមែនមានតែកម្ពុជាយើងនោះទេ សូម្បីតែបណ្ដាប្រទេស ដែលហៅថាជឿនលឿន និងអភិវឌ្ឍ ក៏មិនអាចចៀសរួចផងដែរ។»

ផ្ទុយទៅវិញ ក្រុមអ្នកឃ្លាំមើល មិនបានគិតដូច្នេះទេ។ ពួកគេបានប្រើប្រាស់បណ្ដាញសង្គម ដើម្បីរិះគន់យ៉ាងចាស់ដៃ ទៅលើការដឹកនាំ របស់របបក្រុងភ្នំពេញ ជាពិសេសទៅលើនយោបាយ លប់បឹងបួរក្នុងក្រុង (ឬនៅជិតក្រុង) និងគ្មាននយោបាយពង្រីកប្រព័ន្ធលូច្បាស់លាស់ មុននឹងធ្វើការអភិវឌ្ឍន៍តំបន់ ណាមួយនោះ។

ខាងក្រោមនេះ ជាការដកស្រង់មួយចំនួន ពីការលើកឡើង របស់ក្រុមអ្នកឃ្លាំមើល៖

ផល ប៉ះពាល់ អវិជ្ជមាន ធ្ងន់ធ្ងរ នៃ គោល នយោបាយអភិវឌ្ឍន៍ របស់ រដ្ឋាភិបាល កម្ពុជា ដែល ស្រប តាម គំរោង one Belt one Road របស់ ចិន ដែល មិន អាច នាំ ក្រុង ព្រះសីហនុ ឲ្យ ដូច ក្រុង សិង្ហបុរី ដែល រដ្ឋាភិបាល ប្រកាស ចង់ បាន នោះ ទេ…

Posted by COMFREL on Thursday, August 8, 2019


នៅ កំពង់សោម ទាំង កឺកឺ និង ហ្វេន កុំកុំ គឺ គេច មិន រូច ពី ការ លិច លង់ ដោយ អន្លើ! ផ្ទះ លោក ប្រធាន អនុប្រធាន មន្ទីរ រៀបចំ ដែនដី លិច ទេ?

Posted by San Chey on Thursday, August 8, 2019


ភ្លៀង ធ្លាក់ ច្រើន ថ្ងៃ នៅ ក្រុង ព្រះ សីហនុ មិន មែន ជា រឿង ចំលែក ទេ ប៉ុន្ដែ ចំលែក ត្រង់ ថា ធ្លាក់ ភ្លៀង តែ ប៉ុន្មាន ម៉ោង សោះ លិច ស្ទើ គ្រប់ ទី កន្លែង?

Posted by ថុន រដ្ឋា on Thursday, August 8, 2019


លោក មឿន តុលា ឆ្ងល់!

Posted by Cambodia My love on Friday, August 9, 2019


លំអិតបន្ថែមទៀត

កម្ពុជា

ហ៊ុន សែន បដិសេធ​ព័ត៌មាន​ពី​«ហត្ថលេខា​សម្ងាត់»​ឲ្យចិន​ប្រើ​មូលដ្ឋាន​ទ័ព

បុរសខ្លាំងកម្ពុជា បានចេញមុខបដិសេធ​ដោយផ្ទាល់ ដើម្បីប្រតិកម្មតប នឹងការចុះផ្សាយរបាយការណ៍មួយ របស់សារព័ត៌មានអាមេរិកដ៏ធំ ឈ្មោះ «The Wall Street Journal» ដែលអះអាងថា កម្ពុជាបានចុះ«ហត្ថលេខា​សម្ងាត់» ដើម្បីអនុញ្ញាតឲ្យចិនកុម្មុយនីស្ដិ៍ ...
វិភាគ អត្ថាធិប្បាយ

អ្នកវិភាគ៖ ក្នុង​សោកនាដកម្ម​នៅខេត្ត​ព្រះសីហនុ ប្រើ«អភិក្រមទី៥»​មិនបានទេ

អភិក្រមទី៥ ពីក្នុងចំណោមអភិក្រមទាំង៥ របស់លោកនាយករដ្ឋមន្ត្រី ហ៊ុន សែន ជាអភិក្រមសម្រាប់ការអនុវត្ត «ដោយអន្លើៗ» និង«ដោយដុំៗ» ហើយមិនអាចយកទៅអនុវត្ត ក្នុងសោកនាដកម្ម នៃគ្រោះរលំអគារចិន កាលពីចុងសប្ដាហ៍មុន នៅខេត្តព្រះសីហនុបានទេ។ ...
កំសាន្ដ

សកម្មជន​ទាំងនេះ​សង្គ្រោះ​ហ្វូក​សមុទ្រ ពី​សំណាញ​​នេសាទ

បេសកកម្ម របស់ក្រុមសកម្មជន ការពារធម្មជាតិទាំងនេះ គឺជួយរំដោះសត្វ ហ្វូកសមុទ្រ ឲ្យរួចផុត ពី​សំណាញ​​នេសាទ ខ្សែសន្ទូច ឬកាកសំណល់ផ្សេងៗ ដែលមាននៅក្នុងសមុទ្រ និងដែលអាចបំផ្លាញជីវិត របស់សត្វទាំងនេះបាន។ ពួកគេជាសមាជិក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...