កម្ពុជាដំណឹង

សម រង្ស៊ី និយាយពី​«នយោបាយ ចាញ់-ចាញ់ របស់ ហ៊ុន សែន»

មេដឹកនាំប្រឆាំង បានចំអកឲ្យនាយករដ្ឋមន្ត្រីចាស់វស្សា នៅកម្ពុជា អំពីនយោបាយ «ចាញ់-ចាញ់» ក្នុងគម្រោងដាក់បណ្ដឹង ឡើងទៅតុលាការបារាំង ជុំវិញករណីការធ្លាក់ឧទ្ធម្ភាគចក្រ ដែលបណ្ដាលឲ្យលោក ហុក ឡងឌី ស្លាប់កាលពីឆ្នាំ២០០៨។

លោក សម រង្ស៊ី បានលើកឡើងថា បន្ទាប់ពីលោកបានលើកឡើង អំពីការវាយប្រហារ ដោយគប់គ្រាប់បែកដៃ នៅឆ្នាំ១៩៩៧ ការធ្វើឃាតតារាសំដែង ពិសិដ្ឋ ពីលិកា នៅឆ្នាំ១៩៩៩ និងការធ្វើឃាតអ្នកធ្វើអត្ថាធិប្បាយនយោបាយ កែម ឡី នៅឆ្នាំ២០១៦ កាលពីយប់ម្សិលម៉ិញនោះរួច លោក ហ៊ុន សែន បានប្រែចិត្តគំនិត ពីការដាក់ពាក្យបណ្ដឹង ទៅតុលាការបារាំងនោះវិញ។

មេដឹកនាំប្រឆាំង បានសរសេរ នៅលើទំព័រហ្វេសប៊ុករបស់លោក បង្ហាញពីលទ្ធភាពពីរ ដែលលោកនាយករដ្ឋមន្ត្រី ហ៊ុន សែន ត្រូវប្រកាន់យក។ លោកបានសរសេរ ដូចការដកស្រង់​ទាំងស្រុង​ខាងក្រោមថា៖

«លទ្ធភាពទី ១- បើ ហ៊ុន សែន នៅតែហ៊ានប្តឹងពីខ្ញុំ ទៅតុលាការបារាំង ពេលនោះគាត់ច្បាស់ជាជួបបញ្ហាធំហើយ ពីព្រោះនៅចំពោះមុខតុលាការឯករាជ្យ ដូចតុលាការបារាំងនេះ គាត់មិនអាចបិទបាំងការពិតបានទេ ដូចអ្វីដែលគាត់ធ្លាប់តែធ្វើ នៅចំពោះមុខ តុលាការអាយ៉ងរបស់គាត់ នៅប្រទេសកម្ពុជា។»

«លទ្ធភាពទី ២- បើ ហ៊ុន សែន សម្រេចចិត្តជាចុងក្រោយ ថាគាត់មិនប្តឹងពីខ្ញុំទៅតុលាការបារាំងទេ ពេលនោះ គាត់បង្ហាញពីភាពកំសាករបស់គាត់ ហើយគាត់ដូចជាសារភាព ថាគាត់ជាឃាតករមែន ក្នុងរឿងដែលខ្ញុំរៀបរាប់ ពីខាងលើ។»

«នយោបាយ ចាញ់-ចាញ់»

កាលពីម្សិលម៉ិញ លោក ផៃ ស៊ីផាន អ្នកនាំពាក្យរដ្ឋាភិបាលក្រុងភ្នំពេញ បានអះអាងថា លោកនាយករដ្ឋមន្ត្រី ហ៊ុន សែន និងលោកឧបនាយករដ្ឋមន្ត្រី ស ខេង កំពុងរួមគ្នារៀបចំឯកសារ ប្ដឹងគូបដិបក្ខនយោបាយរបស់ផងខ្លួន ទៅកាន់តុលាការក្នុងប្រទេស​បារាំង។

ចេញពីក្នុងកិច្ចប្រជុំពេញអង្គគណៈរដ្ឋមន្រ្តី អ្នកនាំពាក្យបានអះអាងថា បណ្ដឹងនោះ មានបំណង «ស្វែងរកតម្លៃយុត្តិធម៌សកល» ជូនមេដឹកនាំទាំងពីរ ដែលលោក សម រង្ស៊ី បានចោទប្រកាន់ជាសាធារណៈថា លោក ហ៊ុន សែន ជាអ្នកសម្លាប់នាយឧត្តមសេនីយ៍ ហុក ឡងឌី និងថា លោក ស ខេង បានរៀបចំផែនការ ដើម្បីផ្ដួលរំលំរដ្ឋាភិបាល ដែលដឹកនាំដោយលោក ហ៊ុន សែន។

តែសម្រាប់លោក សម រង្ស៊ី បានពន្យល់តាមរយៈលទ្ធភាពទាំងពីរខាងលើថា ទោះលោក ហ៊ុន សែន យកមួយណា ក៏បុរសខ្លាំងកម្ពុជាចាញ់ដែរ។ លោកបន្តចំអកដាក់លោក ហ៊ុន សែន ដោយប្រើពាក្យ«ខ្លាំងៗ»ថា៖

«យុទ្ធវិធីមួយដ៏ល្អ ដើម្បីបញ្ចប់របបផ្តាច់ការ ឲ្យបានឆាប់នៅកម្ពុជា គឺធ្វើឲ្យ ហ៊ុន សែន ឆ្កួត!»

០៨ មិថុនា ២០១៩ / 08 June 2019 – Hun Sen's lose-lose policy. នយោបាយ ចាញ់-ចាញ់ របស់ ហ៊ុន សែន ហ៊ុន សែន បានប្រកាសថា…

Publiée par Sam Rainsy sur Samedi 8 juin 2019


លំអិតបន្ថែមទៀត

កម្ពុជា

CIA ទម្លាយថា CPP អាចកែរដ្ឋធម្មនុញ្ញ«បើកផ្លូវឲ្យចិន»ដាក់យោធានៅកម្ពុជា

របបដឹកនាំឯកបក្សក្រុងភ្នំពេញ អាចនឹងធ្វើវិសោធនកម្ម ទៅលើច្បាប់រដ្ឋធម្មនុញ្ញ ដែលជាច្បាប់កំពូលរបស់ប្រទេស ដើម្បី«បើកផ្លូវឲ្យចិន ឈានទៅដាក់មូលដ្ឋាយោធា នៅលើទឹកដីកម្ពុជា»។ នេះ បើតាមការរបាយការណ៍ប្រចាំឆ្នាំមួយ របស់លោក «Daniel Ray Coats»​ ...
កម្ពុជា

សន្និសីទ​អ្នក​គាំទ្រCNRP៖ គ្មាន​ការ​បែកបាក់​គ្នា​ទេ!

គ្មាន​ការ​បែកបាក់​គ្នា​ទេ! ក្រុមអ្នកគាំទ្រគណបក្សសង្គ្រោះជាតិ ដែលមកពីច្រើនតំបន់ នៅជុំវិញពិភពលោក បានជួបប្រជុំគ្នា នៅក្រុង អាត្លង់តា (ភាគខាងកើតសហរដ្ឋអាមេរិក) និងបានប្រកាសរួមគ្នាថា ការកោះឲ្យមានជាសន្និសីទពិភពលោកនេះ មិនមែនជាសញ្ញាណនៃការបែកបាក់ រវាងក្រុមអ្នកស្និតនឹងលោក សម ...
កម្ពុជា

EU ដាក់​កម្ពុជា​ជាផ្លូវការ ទៅក្នុង​«បញ្ជីខ្មៅ»​នៃ​ការលាង​លុយ​កខ្វក់

«បញ្ជីខ្មៅ»ថ្មី​នៃក្រុមប្រទេសទាំង២២ ដែលបរាជ័យ​ក្នុងការប្រយុទ្ធ ទល់នឹង​ការលាង​លុយ​កខ្វក់ និងហិរញ្ញប្បទាន សម្រាប់​បណ្ដាញ​ភេរវកម្ម ត្រូវបានសហភាពអ៊ឺរ៉ុប «EU» ចេញ​ផ្សាយ​ជាផ្លូវការហើយ។ សេចក្ដីប្រកាសព័ត៌មាន របស់គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាល​នៃ​សហភាព​អ៊ឺរ៉ុប) ដែលទស្សនាវដ្ដី​មនោរម្យ.អាំងហ្វូ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...