កម្ពុជាដំណឹង

សម រង្ស៊ី ប្ដូរជំហរ​ឲ្យរក្សា«របបក្រុងភ្នំពេញ» តែត្រូវដក ហ៊ុន សែន មួយចេញ

មេដឹកនាំប្រឆាំងបានប្រកាសពីរដ្ឋធានីប៉ារីស ប្រទេសបារាំង ថាក្រុមរបស់លោកមិនទាមទារ ឲ្យប្ដូរ«របបក្រុងភ្នំពេញ»សព្វថ្ងៃទៀតទេ ដោយគ្រាន់តែដកបុរសខ្លាំងកម្ពុជាមួយចេញ ជាការគ្រប់គ្រាន់។ លោក សម រង្ស៊ី បានការពារជំហរថ្មីរបស់លោក និងក្រុមលោកនេះ ថាគឺដើម្បីបង្រួបបង្រួមអ្នកស្នេហាជាតិ ទាំងពីរគណបក្សធំៗ នៅកម្ពុជា។

ប្រធានស្ដីទីគណបក្សប្រឆាំងបានថ្លែងដូច្នេះ នៅក្នុងកិច្ចសម្ភាសមួយ ជាមួយវិទ្យុអាស៊ីសេរី កាលពីប៉ុន្មានម៉ោងមុន ដោយអះអាងថា លោក ហ៊ុន សែន តែម្នាក់បានធ្វើឲ្យក្ដៅក្រហាយ ទៅដល់មន្ត្រីជាច្រើន នៅក្នុងគណបក្សប្រជាជនកម្ពុជា ដែលកំពុងកាន់អំណាច និងទៅដល់តំបន់ទាំងមូល។

លោក សម រង្ស៊ី បានបញ្ជាក់ថា៖

«ជំហានទីបី ដែលខ្ញុំសូមប្រកាសឥឡូវនេះ គឺគណបក្សសង្គ្រោះជាតិយើងមិនទាមទារឲ្យប្ដររបបទេ យើងបើកទូលំទូលាយ យើងបោះដៃទៅរកគណបក្សកាន់អំណាច ទៅរកគណបក្សប្រជាជនកម្ពុជា ពីព្រោះមានតែគណបក្សតែពីរនេះទេ ដែលនឹងកំណត់វាសនាប្រទេសកម្ពុជា។»

នៅចំពោះការស្នើឲ្យបញ្ជាក់ឡើងវិញ ពីសំណាក់លោក ជុន ច័ន្ទបុត្រ អ្នកសារព័ត៌មានវិទ្យុអាស៊ីសេរី ជុំវិញជំហរឲ្យរក្សា«របបក្រុងភ្នំពេញ»នោះ មេដឹកនាំប្រឆាំងបានពន្យល់​ថា៖

«យើងគិតពិចារណាអំពីលទ្ធភាពធ្វើការជាមួយគណបក្សប្រជាជនកម្ពុជា តែសុំឲ្យដកលោក ហ៊ុន សែន ចេញ។ ដូរលោក ហ៊ុន សែន ជាជំហានទីមួយ។ កាលណាដូរលោក ហ៊ុន សែន គឺយើងគាំទ្រការផ្លាស់ប្ដូរលោក ហ៊ុន សែន និងក្រុមគ្រួសារ ហ៊ុន សែន ឲ្យចេញសិន។ ខ្ញុំជឿថា នៅក្នុងជួរគណបក្សប្រជាជនកម្ពុជា មានគេអត់ចូលចិត្ត ហ៊ុន សែន ច្រើនណាស់ ពីព្រោះ ហ៊ុន សែន គាត់បន្តុបតែកូនគាត់ គាត់លើកតែក្រុមគ្រួសារគាត់ គាត់ប៉ះពាល់គេឯងច្រើនណាស់ ក្នុងយោធាក៏អញ្ចឹង ក្នុងរដ្ឋបាលក៏អញ្ចឹង ហើយក្នុងសេដ្ឋកិច្ចក៏អញ្ចឹងដែរ។»

លោក សម រង្ស៊ី ដែលកំពុងរស់នៅនិរទេសខ្លួន បានថ្លែងបន្តថា៖

«លោក ហ៊ុន សែន ដែលទៅចូលដៃជាមួយចិននេះ គឺជួញសត្រូវច្រើនណាស់។ (…) ហ៊ុន សែន ផ្លាត់ស្នៀតមួយទៀត ផ្លាត់ស្នៀតទីមួយ គឺរំលាយគណបក្សសង្គ្រោះជាតិ ហើយផ្លាត់ស្នៀតទីពីរ គឺទៅចូលដៃជាមួយចិន វាប៉ះពាល់ផលប្រយោជន៍ ដូចប្រទេសជប៉ុន ប្រទេសវៀតណាម ប្រទេសឥណ្ឌូនេស៊ី ប្រទេសអូស្ត្រាលី ប្រទេសថៃ រហូតទៅដល់ប្រទេសឥណ្ឌា។ អញ្ចឹង ហ៊ុន សែន គាត់ជួញសត្រូវច្រើនណាស់។»៕



លំអិតបន្ថែមទៀត

កម្ពុជា

ហ៊ុន សែន ធ្វើពិធីទទួល«វ៉ាក់សាំងចិន»​ថ្ងៃ៧កុម្ភៈ រួចចាក់​នៅ​ថ្ងៃ១០កុម្ភៈ

នាយករដ្ឋមន្ត្រីកម្ពុជា លោក ហ៊ុន សែន បានឲ្យដឹងថា «វ៉ាក់សាំងចិន»ដើម្បីបង្ការជំងឺកូវីដ-១៩ (Covid-19) ដែលជាជំនួយរបស់ប្រទេសចិន នឹងបញ្ជូនមកដល់កម្ពុជា នៅថ្ងៃទី០៧ ខែកុម្ភៈខាងមុខ។ នេះបើតាមសារជាសម្លេងមួយ ដែលទស្សនាវដ្ដីមនោរម្យ.អាំងហ្វូ ...
កម្ពុជា

ការតែងតាំង ហុ៊ន ម៉ាណែត «តាម​ទំនើងចិត្ត» ជា​«លក្ខន្តិកៈ​ឧក្រិដ្ឋកម្ម»

ការតែងតាំងលោក ហ៊ុន ម៉ាណែត ជាកូន ឲ្យមានតំណែងឡើងខ្ពស់ ជាបន្តបន្ទាប់ ពី​សំណាក់​លោក ហ៊ុន សែន ជាឪពុកត្រូវបានអ្នកវិភាគ មើលឃើញជាការតែងតាំង តាមតែ​អំណាចទំនើងចិត្ត ដែលជា«លក្ខន្តិកៈ​ឧក្រិដ្ឋកម្ម»ប្រជាធិបតេយ្យផ្ទៃក្នុង។ ...
កម្ពុជា

ហ៊ុន សែន មិនបាន​ទៅបី​ចៅស្រី​ទើបនឹងកើត ព្រោះជំងឺ​«Covid-19»

Covid-19 ៖ លោកនាយករដ្ឋមន្ត្រី ហ៊ុន សែន ទើបនឹងប្រកាសឲ្យដឹង ថាលោកមានចៅថ្មី​មួយរូបទៀត។ តែផ្ទុយពីគ្រួសារលោក ក្នុងនោះរួមទាំងភរិយាលោកផង ដែលបានទៅ​ចាប់បី​ទារិកាថ្មី បុរសខ្លាំងកម្ពុជាអះអាងថា លោកមិនអាច​ទៅបីចៅ«ទី២១»រូបនេះ បានឡើយ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.