រាជធានី ភ្នំពេញ ដែលរដ្ឋាភិបាលកម្ពុជា ដាក់ឈ្មោះថា ជា«ក្រុងគុជ» ជាប់លេខទី១២៥ ពីក្នុងចំណោមក្រុងធំៗ ទាំង១៤០ នៅលើពិភពលោក។ លេខរៀងនេះ ត្រូវបានចាប់ទុកថា ជាក្រុងដែលមានគុណភាពជីវិតអន់បំផុត បើប្រៀបធៀបនឹងក្រុងធំៗ នៅក្នុងតំបន់។

ចំណាត់ថ្នាក់ របស់សហគ្រាសអង់គ្លេស ជំនាញ​ខាងការស្រាវជ្រាវ​សេដ្ឋកិច្ច ឈ្មោះ «The Economist Intelligence Unit (EIU)» បានធ្វើការសិក្សា ដោយឯករាជ្យ ទៅលើគុណភាពជីវិត និងការរស់នៅក្នុងទីក្រុងធំៗទាំងនោះ ដោយសង្កត់ធ្ងន់ទៅលើ គុណភាព​សន្តិសុខ​និងសុវត្ថិភាព (ទាក់ទងនឹងឧក្រិដ្ឋកម្ម​មានហនិភ័យ) – សេវាកម្មថែទាំសុខភាព និងការអប់រំ-វប្បធម៌ និងគុណភាពនៃបរិស្ថាន និងហេដ្ឋារចនាសម្ព័ន្ធ។

សម្រាប់ឆ្នាំ២០១៨នេះ សហគ្រាសជំនាញខាងលើ ដែលមានទីស្នាក់ការ នៅរាជធានី​ឡុងដ៍ ចក្រភពអង់គ្លេស បានដាក់រាជធានីភ្នំពេញ នៃរាជាណាចក្រកម្ពុជា ទៅក្នុងចំណាត់ថ្នាក់ លេខ ១២៥ ដែលជាចំណាត់ថ្នាក់មួយ ទាបជាងក្រុងដទៃទៀត ក្នុងតំបន់អាស៊ីអាគ្នេយ៍ និងអាស៊ីខាងកើត។

រដ្ឋធានី/ក្រុងធំៗទាំងនោះ រួមមាន តូក្យូ (៧) សិង្ហបូរី (៣៧) តៃប៉ិ (៥៨) សេអ៊ូល (៥៩) ប៉េកាំង (៧៥) គូឡាឡំពួរ (៧៨) បាងកក (៩៨) ប្រ៊ុយណេ (១០១) ម៉ានីល (១០៣) ហាណូយ (១០៧) ហូជីមិញ (ព្រៃនគរ – ១១៦) និងរដ្ឋធានីចាកាតា (១១៩)។

ចំណាក់ថ្នាក់​ទីក្រុង​ឬរដ្ឋធានី ដែលបានផ្ដល់គុណភាពជីវិត ថាមានកម្រិតខ្ពស់ជាងគេបំផុត នៅលើពិភពលោក បានធ្លាក់ទៅលើរដ្ឋធានី​វីយ៉ែន នៃប្រទេសអូទ្រីស ដោយបំបាក់ក្រុង​មែលប៊ន នៃប្រទេសអូស្ត្រាលី ដែលធ្លាប់កាន់តំណែង ជាម្ចាស់ចំណាត់ថ្នាក់លេខមួយ តាំងពី៥ឆ្នាំកន្លងមក ឲ្យនៅលេខ២។ បន្ទាប់ពីរដ្ឋធានី​វីយ៉ែន និងក្រុងមែលប៊ន ខាងក្រោមនេះ ជាក្រុងធំៗចំនួន៨ទៀត ដែលបានជាប់លេខ ជាបន្តបន្ទាប់ រួមមាន៖

– ប្រទេសជប៉ុន មានក្រុងពីរ៖ អូសាកា (៣) តូក្យូ (៧)
– ប្រទេសកាណាដា មានក្រុង៣៖ កាលហ្គារី (៤) វេនគូវ័រ (៦) និងតូរ៉ុងតូ (៧ស្ទួន)
– ប្រទេសអូស្ត្រាលី មានក្រុង២ (ទៀត)៖ ស៊ីដនី (៥) និងអាដេឡែត (១០)
– និងប្រទេសដាណឺម៉ាក មានក្រុង១៖ កូផេនអាក (៩)។

រីឯក្រុងទាំង១០ ចុងក្រោយ ដែលមានគុណភាពជីវិត អន់ជាងគេបង្អស់ (មិនគួរឲ្យរស់នៅ សេវាកម្មសុខភាពតិចតួច ជួបនឹងការបាញ់បោះ កាប់ចាក់ មិនលោះពេល…) និងអន់ជាង«ក្រុងគុជ» រួមមាន៖

រដ្ឋធានី​ដាការ (សេណេហ្គាល់ /១៣១) អាល់ហ្សេរ (អាល់ហ្សេរី /១៣២) ឌូអាឡា (កាមើរូន /១៣៣) ទ្រីប៉ូលី (លីប៊ី /-១៣៤) ហារ៉ារ (ហ្សឹមបាវ៉េ /១៣៥) ព័រម័រ៉េប៊ី (ហ្គីណេថ្មី / ១៣៦) ការ៉ាឈី (ប៉ាគីស្ដង់ /១៣៧) ឡាកូស (នីហ្សេរីយ៉ា /១៣៨) ដាកា (បង់ក្លាដេស /១៣៩) និងរដ្ឋធានី ដាម៉ាស (ស៊ីរី /១៤០)៕



You may also like

របាយការណ៍

ឈ្មោះ​ប្រទេស និង​រដ្ឋធានីនានា នៅ​ជុំវិញ​ពិភពលោក ជា​ខេមរភាសា

ដើម្បីអនុញ្ញាតឲ្យអ្នកសរសេរ និងអ្នកអាន ឯកភាពគ្នា​ក្នុងការហៅ​ឈ្មោះប្រទេស និង​រដ្ឋធានីនានា នៅជុំវិញ​ពិភពលោក​នោះ គណៈកម្មការជាតិភាសាខ្មែរ (ហៅកាត់ គ.ជ.ភ.ខ ស្ថិតក្រោម​ឱវាទទីស្ដីការគណៈរដ្ឋមន្ត្រី) បាន​ចេញ​បញ្ជី​មួយ សរសេរឈ្មោះប្រទេស និង​រដ្ឋធានីនានា នៃបណ្ដាប្រជាជាតិទាំងនោះ។ ...
លោក សែន សទ្ធា។ (រូបភាពប្រិយមិត្តហ្វេសប៊ុក)
កម្ពុជា

ស្នងការខេត្តក្រចេះ៖​ ស្រាបៀ​១កំប៉ុង​ផឹកគ្នា​៤នាក់ ទើបស្រវឹង​ដួល​ម៉ូតូស្លាប់

សម្រាប់ស្នងការនគរបាលខេត្តក្រចេះ លោក លន់ សុផាត បានអះអាងថា សកម្មជនព្រៃឡង់ លោក សែន សទ្ធា រួមនឹងគ្នីគ្នា៣នាក់ទៀត បានទិញ«ស្រាបៀ១កំប៉ុងផឹកគ្នា៤នាក់» ទើបបណ្ដាលឲ្យស្រវឹង មុននឹងជិះម៉ូតូធ្លាក់ស្នាមភ្លោះ ...
កំសាន្ដ

«ជួប ទះ»វិលមកជាថ្មី… តែម្ដង​នេះក្លាយជា«ជួប ក្ដិច»!

បើគេនៅចាំមិនភ្លេចទេ តារា «ជួប ទះ» បានរះព្រោងព្រាត នៅលើបណ្ដាញសង្គម កាលពី​អំឡុងខែមីនា ឆ្នាំ២០១៨ នៅថ្ងៃបើកសវនាការ របស់សាលាឧទ្ធរណ៍ លើសំនុំរឿង​លោក កឹម សុខា ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...