លោក ផៃ ស៊ីផាន អ្នកនាំពាក្យទីស្ដីការគណៈរដ្ឋមន្ត្រី នៃរបបដឹកនាំក្រុងភ្នំពេញ បានប្រកាសឲ្យគេឯងពិចារណា ករណីប្រទេសថៃអនុញ្ញាតឲ្យប្រជាជនចិន អាចចូលប្រទេសថៃ ដោយ​គ្មានទិដ្ឋការ សម្រាប់រយៈពេល យ៉ាងហោចពីរខែ។ មន្ត្រីអ្នកនាំពាក្យរូបនេះ បានសរសេរដូច្នេះ នៅលើបណ្ដាញសង្គម កាលពីម្សិលម៉ិញ ដោយអះអាងថា «នេះជាព័ត៌មាន ក្នុងកិច្ចពិចារណា ចំពោះវត្តមាន និងសារៈសំខាន់ របស់ប្រជាពលរដ្ឋចិន»។

លោក ផៃ ស៊ីផាន បានសរសេរថា៖

«ខ្ញុំបានទទួលព័ត៌មាន ពីទីក្រុងបាងកក ដែលផ្ដល់ទិដ្ឋាការដោយមិនយកថ្លៃ ដល់អ្នកទេសចរណ៍ ចិន ដើម្បីមកកាន់ប្រទេសថៃ យ៉ាងហោចណាស់ មានរយៈពេល២ខែ។ នេះជាគោលនយោបាយ ទាក់ទាញប្រជាពលរដ្ឋចិន ដើម្បីធ្វើដំណើរមក ប្រទេសថៃ រួមទាំងផ្ដល់ឱកាស ក្នុងកិច្ចបណ្ដាក់ទុន នៅក្នុងព្រះរាជាណាចក្រថៃផងដែរ។»

ការលើកឡើងរបស់លោក ផៃ ស៊ីផាន បានធ្វើឡើង នៅខណៈពេលដែលព័ត៌មានជាច្រើន បានអះអាងថា បណ្ដាជនចិនដែលចូលមកក្នុងប្រទេសកម្ពុជា មិនខ្វល់ខ្វាយ ក្នុងការគោរពច្បាប់កម្ពុជា និងហាក់ធ្វើអ្វី តាមទំនើងចិត្ត ដោយសំអាងថា ខ្លួនមានមន្ត្រីគ្រាក់ៗខ្មែរ ជាខ្នងបង្អែក។

ព័ត៌មាន«ពិចារណា» របស់លោក ផៃ ស៊ីផាន ត្រូវបានក្រុមអ្នកប្រើប្រាស់បណ្ដាញសង្គម បញ្ចេញប្រតិកម្មចម្រុះគ្នា។ អ្នកខ្លះគាំទ្រ អ្នកខ្លះថាពិបាក និងអ្នកខ្លះទៀតនិយាយថា មិនអាចទៅរួចជាដើម។

សម្រាប់អតីតមន្ត្រីច្បាប់ លោក ព្រហ្ម គិត បានលើកឡើងថា ព័ត៌មានដែលលើកឡើងនេះ មិនអាចយកមកពិចារណា ដើម្បីប្រដូចប្រទេសកម្ពុជា ទៅនឹងប្រទេសថៃនោះឡើយ។ លោកផ្ដល់ជាគំនិត ដោយសួរឡើងថា៖

«រវាងថៃ និងកម្ពុជា៖ តើការគ្រប់គ្រងជនបរទេស មានលក្ខណៈដូចគ្នាឬទេ? តើការបំបាត់អំពើស៊ីសំណូក ពុករលួយ មានលក្ខណៈដូចគ្នាឬទេ? នៅមានទៀត… រវាងថៃ និងកម្ពុជា តើមានទំងន់ពាណិជ្ជកម្មជាមួយចិន ដូចគ្នាឬទេ?»។

អ្នកវិភាគបានបន្ថែមទៀតថា៖

«ការបើកទិដ្ឋការពីរខែ ឬមួយឆ្នាំ មិនពិបាកទេ ព្រោះមានប្រទេសច្រើន គេធ្វើដូច្នេះដែរ តែវាពិបាក… គឺការខុសគ្នា ដូចដែលខ្ញុំលើកឡើង ខាងលើនេះហើយ!»។

យ៉ាងណា លោក ផៃ ស៊ីផាន បានទទួលស្គាល់ថា បើសិនជាបណ្ដាជនចិនទាំងនោះ បានបង្កបញ្ហានៅក្នុងប្រទេសកម្ពុជា វាគឺជាកំហុសរបស់មន្ត្រីកម្ពុជាខ្លួនឯង ដែលប្រព្រឹត្តិអំពើពុករលួយ។ អ្នកនាំពាក្យរូបនេះ បានលើកឡើងពីដំណោះស្រាយថា៖ «កំពុងរកមធ្យោបាយ [ដែលមាន]ប្រសិទ្ធភាព និងមិនមាន[ឱ្យ]អ្នកណាមួយ បាក់មុខ»៕



លំអិតបន្ថែមទៀត

កម្ពុជា

ផៃ ស៊ីផាន ថារដ្ឋាភិបាល​មិនធ្វើ​ច្បាប់ ដើម្បី​«បំពេញចិត្ត​អង្គការ​ណា»ទេ

រដ្ឋាភិបាលក្រុងភ្នំពេញ បានប្រកាសថា ខ្លួនមិន«បំពេញចិត្ត​អង្គការ​ណា»ទេ នៅចំពោះ​ការអនុម័ត​យ៉ាងតក់ក្រហល់ នូវសេចក្ដីព្រាងច្បាប់​មួយទៀត ស្ដីពីការប្រឆាំង​ការសម្អាត​ប្រាក់ និងហិរញ្ញប្បទានភេរវកម្ម។ នេះ បើតាមការអះអាង របស់លោក ផៃ ស៊ីផាន អ្នកនាំ​ពាក្យ​រដ្ឋាភិបាល។ ...
ដំណឹង

កម្ពុជា​ប្ដឹង EU ឡើងទៅ​តុលាការ​អ៊ឺរ៉ុប​«ឲ្យ​ដកចេញ​វិញ»​ការយក​ពន្ធ​អង្ករ

របបក្រុងភ្នំពេញ រួមនឹងសហព័ន្ធស្រូវអង្ករកម្ពុជា បានសម្រេចកាលពីថ្ងៃទី១១ ខែមេសា ឆ្នាំ២០១៩នេះ ដាក់ពាក្យបណ្ដឹង ឡើងទៅសាលាក្ដីយុត្តិធម៌ របស់សហភាពអ៊ឺរ៉ុប (EU) ដើម្បីទាមទារ«ឲ្យ​ដកចេញ​វិញ នូវសេចក្ដីសម្រេចរបស់គណៈកម្មការអ៊ឺរ៉ុប» ដែលកំណត់កាលពីខែមករា ឲ្យយកពន្ធអង្ករនាំចូល ...
ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...