កម្ពុជាដំណឹង

ជំនួប កឹម សុខា និង​ឯកអគ្គរដ្ឋទូត​អាមេរិក និយាយពី​«នីតិរដ្ឋ»

«មិត្តភាព​អាមេរិក-កម្ពុជា – នីតិរដ្ឋ និងសុខភាព​និងសុខមាលភាព របស់ពលរដ្ឋ​កម្ពុជា» ទាំងនេះ ជា​ប្រធានបទដ៏សំខាន់ នៅក្នុងជំនួប រវាងឯកអគ្គរដ្ឋទូតអាមេរិក លោក ប៉ាទ្រីក ម័រហ្វី (Patrick Murphy) និងប្រធាន​​គណបក្ស​សង្គ្រោះជាតិ លោក កឹម សុខា ក្នុងរសៀល​​ថ្ងៃអង្គារ​នេះ។

លោកឯកអគ្គរដ្ឋទូត នៃប្រទេសមហាអំណាច បានលើកឡើងដូច្នេះ នៅលើទំព័រទ្វីសធើរ របស់​​លោក ជាមួយនឹងរូបថតមួយសន្លឹក ដែលបង្ហាញពីជំនួប រវាងរូបលោក និងលោក កឹម សុខា។ លោក ម័រហ្វី បានសរសេរ ជាភាសាអង់គ្លេស និងត្រូវបានពន្យល់ ជា​ខេមរភាសា​ថា៖

«ជាជំនួបដ៏ល្អ ជាមួយឯកឧត្ដម កឹម សុខា សម្រាប់ការពិភាក្សា ដ៏សំខាន់មួយ ស្ដីពី​មិត្តភាព​​អាមេរិក-កម្ពុជា – នីតិរដ្ឋ និងសុខភាព និងសុខមាលភាព របស់ពលរដ្ឋកម្ពុជា នៅចំពោះ​ការរាតត្បាត ជាសកល។»

ជំនួបជាមួយ​ឯកអគ្គរដ្ឋទូតអាមេរិក បានប្រព្រឹត្តិទៅ រេលាម៉ោង៤រសៀល ក្នុងគេហដ្ឋាន​របស់​លោក កឹម សុខា នារាជធានីភ្នំពេញ។ ប៉ុន្តែមិនមែន មានតែលោក ប៉ាទ្រីក ម័រហ្វី ប៉ុណ្ណោះទេ មេដឹកនាំគណបក្សប្រឆាំង នៅបានទទួលជួប ជាមួយឯកអគ្គរាជទូត – ឯក​អគ្គរដ្ឋទូត​ ជាច្រើននាក់ទៀត ដែលសុទ្ធសឹង មកពីប្រទេសប្រជាធិបតេយ្យ នៅក្នុង​ពិភពលោក តាំងពី​ច្រើន​ថ្ងៃ​​មកហើយ។

អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចាត់ទុកជំនួបទាំងនោះ ថាជា​ការសួរ​សុខទុក្ខគ្នាធម្មតា រវាងលោក កឹម សុខា និងមន្ត្រីការទូតបរទេស ដែលជា​«អ្នកស្គាល់គ្នា»។

ប៉ុន្តែលោក កឹម សុខា បានអះអាងតបវិញថា ជំនួបទាំងនេះ មិនគ្រាន់ជា​ជំនួប​សួរសុខទុក្ខ ធម្មតានោះឡើយ។ ប្រធានគណបក្សប្រឆាំង បានបញ្ជាក់ដូច្នេះ នៅក្រោយ​ជំនួប រវាងរូបលោក និង​ឯកអគ្គរដ្ឋទូត​អាមេរិក​ថា៖

«ក្នុងជំនួបនេះ យើងមិនត្រឹមតែ​សួរសុខទុក្ខគ្នា និងក្រុមគ្រួសារផ្ទាល់ទេ ដោយលើស​ពីនេះ​​ទៅទៀត យើងបានពិភាក្សា អំពីបញ្ហាសុខភាព​ និងជីវភាពរស់នៅ របស់​ប្រជាពលរដ្ឋ​ខ្មែរ ក្នុងពេលដែលជំងឺ កូវីដ-១៩​ កំពុងរាលដាល ក្នុងពិភពលោក​ និងពី​ផលវិបាក លើវិស័យ​​សេដ្ឋកិច្ច​ និងសង្គម នៅពេលអនាគត ដែលចាំបាច់ តម្រូវឲ្យមាន​ការរួបរួមគ្នា ដោះស្រាយ​បញ្ហា​ប្រឈម ទាំងនោះ៕»



លំអិតបន្ថែមទៀត

ដំណឹង

Covid-19 ៖ អ៊ីតាលី​បញ្ឈប់​រាល់​សកម្មភាព​ផលិតកម្ម ដែល​មិន​ចាំបាច់

ដើម្បីប្រយុទ្ធទល់នឹងមេរោគ «Covid-19» រដ្ឋាភិបាលអ៊ីតាលី បានសម្រេចបន្ថែមទៀត «បញ្ឈប់រាល់សកម្មភាពផលិតកម្ម នៅលើផ្ទៃប្រទេស ដែល​មិន​ចាំបាច់ ដើម្បីធានាឲ្យបានជូនពលរដ្ឋ នូវក្ដីសុខសាន្ដ និងសេវាកម្មសំខាន់ៗ»។ ខាងលើនេះ ជាការលើកឡើង ក្នុងថ្ងៃនេះ ...
ប្រាសាទអង្គរវត្ត ក្នុងខេត្តសៀមរាប អតីតរាជធានី នៃចក្រភពខ្មែរ។ (រូបថត ប៊ុន ណារុន)
កម្ពុជា

នៅរមណីយដ្ឋាន​អង្គរ អាជ្ញាធរ​អប្សរា​​បើក​«សារមន្ទីរ​ទាំង៣»​ឡើងវិញ

ចាប់ពីថ្ងៃទី០១ ខែមិថុនា ឆ្នាំ២០២០​នេះតទៅ «សារមន្ទីរ​ទាំង៣»របស់អាជ្ញាធរជាតិអប្សរា នឹងបើកទ្វាឡើងវិញ ដើម្បីចូលទស្សនា ដោយមិនគិតថ្លៃ។ នេះ បើតាមសេចក្ដីជូនដំណឹង របស់ស្ថាប័នជាតិមួយនេះ ដែលចុះថ្ងៃខែ តាំងពីថ្ងៃព្រហស្បត្តិ៍ ទី២២ ...
ដំណឹង

Covid-19៖ បារាំងរឹតបន្តឹងបម្រាមគោចរ ចាប់ពីម៉ោង១៨ ទូទាំងប្រទេស

រដ្ឋាភិបាលបារាំង បានសម្រេចរឹតបន្តឹងបម្រាមបន្ថែម នៅចំពោះជំងឺរាតត្បាត កូវីដ១៩ (Covid-19) ដោយដាក់បម្រាមគោចរ ចាប់ពីម៉ោង១៨ នៅគ្រប់ស្រុកភូមិទាំងអស់ នៃប្រទេសបារាំងដីគោក។ នាយករដ្ឋមន្ត្រីបារាំង លោក ហ្សង់ កាស្ដិក ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.