កម្ពុជាដំណឹង

ម៉ៅ មុនីវណ្ណ អំពាវនាវ​ឲ្យពលរដ្ឋ​«តស៊ូ» ដើម្បីទាមទារ​ឲ្យដោះលែង រ៉ុង ឈុន

លោក ម៉ៅ មុនីវណ្ណ ថ្លែងកាលពីថ្ងៃទី៤ ខែកញ្ញា ឆ្នាំ២០១៦ នៅចំពោះរូបថតនិមិត្តរូប នៃគណបក្សសង្គ្រោះជាតិ។ (រូបថតហ្វេសប៊ុក)
លោក ម៉ៅ មុនីវណ្ណ ថ្លែងកាលពីថ្ងៃទី៤ ខែកញ្ញា ឆ្នាំ២០១៦ នៅចំពោះរូបថតនិមិត្តរូប នៃគណបក្សសង្គ្រោះជាតិ។ (រូបថតហ្វេសប៊ុក)

លោក ម៉ៅ មុនីវណ្ណ មន្ត្រីជាន់ខ្ពស់គណបក្សសង្គ្រោះជាតិ ដែលមានកូតា មកពី​គណបក្ស​សិទ្ធិមនុស្ស បានធ្វើការ​អំពាវនាវ នៅមុននេះបន្តិច ឲ្យពលរដ្ឋ«តស៊ូ»ដោយអហិង្សា ដើម្បី​ទាមទារឲ្យដោះលែង​លោក រ៉ុង ឈុន ដែលត្រូវអាជ្ញាធរ​របបក្រុងភ្នំពេញ ចាប់ខ្លួន​កាលពី​យប់​ថ្ងៃទី​៣១ ខែកក្កដាកន្លងមក។

ការអំពាវនាវរបស់លោក មុនីវណ្ណ ធ្វើឡើងនៅលើបណ្ដាញសង្គម ដោយភ្ជាប់មក​ជាមួយ​នូវ​រូបថត របស់លោកសាស្ត្រាចារ្យ រ៉ុង ឈុន និងមានអក្សរធំៗ សរសេរបញ្ជាន់​ពីលើថា «តស៊ូឡើង​បងប្អូន»។

«តស៊ូឡើង​បងប្អូន» គឺជាសម្រែករបស់លោក រ៉ុង ឈុន នៅខណៈពេល នៃការចាប់​បញ្ជូន​ខ្លួនលោក ចូលក្នុងរថយន្ដ ដោយកងសន្តិសុខ របស់សាលារាជធានី កាលពីច្រើនឆ្នាំមុន។

វីដេអូ នៃសម្រែករបស់ប្រធានសហភាពសហជីពកម្មកររូបនេះ ត្រូវបានលោក សម រង្ស៊ី ប្រធានស្ដីទីគណបក្សសង្គ្រោះជាតិ យកមកបង្ហោះ នៅលើទំព័រ​ហ្វេសប៊ុករបស់លោក កាលពី​ម្សិលម៉ិញ នៅក្នុងសារអំពាវនាវមួយ របស់មេដឹកនាំប្រឆាំង ដែលបានអំពាវនាវ​ឲ្យពលរដ្ឋ «រួបរួមគ្នា ងើបឈរឡើង តស៊ូ​ទាំងអស់​គ្នា» ដើម្បីឈានទៅប្ដូររបបដឹកនាំ របស់​លោក​នាយករដ្ឋមន្ត្រី ហ៊ុន សែន។

ប៉ុន្តែសម្រាប់លោក ម៉ៅ មុនីវណ្ណ បានធ្វើការអំពាវនាវខ្លី និងស្រាលជាងលោក សម រង្ស៊ី។ មន្ត្រីជាន់ខ្ពស់​គណបក្សប្រឆាំង​រូបនេះ បានសរសេរថា៖

«សូមបងប្អូន ជនរួមជាតិខ្មែរគ្រប់មជ្ឈដ្ឋាន ចូលរួមតស៊ូដោយអហឹង្សា ទាមទារឲ្យមាន​ការដោះលែង​លោក​ រ៉ុង​ ឈុន​ ដោយគ្មានលក្ខខណ្ឌ​ ដោះលែង ​ៗ ៗ ៗ ៗ។»

ក្នុងពេលកន្លងមក លោក ម៉ៅ មុនីវណ្ណ មិនបានលាក់លៀមទេថា លោកមានជំហរជំទាស់នឹងលោក សម រង្ស៊ី។ ថ្មីៗនេះ លោក មុនីវណ្ណ ថែមទាំងបានបង្ហោះសារ ប្រៀបធៀបលោក សម រង្ស៊ី និងគណបក្សប្រជាជនកម្ពុជា របស់លោកនាយករដ្ឋមន្ត្រី ហ៊ុន សែន ថាជាក្រុម«តែមួយ»នោះទៀតផង៕

សូមបងប្អូនជនរួមជាតិខ្មែរគ្រប់មជ្ឈដ្ឋានចូលរួមតស៊ូដោយអហឹង្សាទាមទារឲ្យមានការដោះលែងលោក​ រ៉ុង​ ឈុន​ ដោយគ្មានលក្ខណ័​ ដោះលែង​ៗៗៗៗ។

Posted by Mao Monyvann on Sunday, 2 August 2020


លំអិតបន្ថែមទៀត

កម្ពុជា

កាសែតបារាំងបង្ហើបថា មេធាវី​ម្នាក់​បាន​ជួប ហ៊ុន សែន មុន​ដាក់បណ្ដឹង

មុន​ដាក់បណ្ដឹង – សារព័ត៌មានបារាំងដ៏ធំ ឈ្មោះ«Le Progrès» បានបង្ហើបឲ្យដឹងថា មេធាវីជាតិបារាំងម្នាក់ ដែលស្ថិតក្នុងចំណោមមេធាវី ទាំងបីនាក់ បានធ្វើដំណើរទៅប្រទេសកម្ពុជា ដើម្បីជួបដោយផ្ទាល់ ជាមួយលោកនាយករដ្ឋមន្ត្រី ហ៊ុន ...
កម្ពុជា

សម រង្ស៊ី ថា ហ៊ុន សែន បញ្ជាឲ្យ​ហូប​«នំបញ្ចុក»​រួមគ្នា ជាការធ្វើតាម CNRP

ពេលនេះ ឈានមកដល់វគ្គដណ្ដើមកម្មសិទ្ធិបញ្ញាគ្នា នៃ«ទិវានំបញ្ចុក»។ ខណៈលោក ហ៊ុន​ សែន ខ្លួនលោក និងក្រុមអ្នកគាំទ្រ ប្រកាសថា ការជួបជុំគ្នាទទួលទាន«នំបញ្ចុក»នេះ ជាការសាមគ្គីជាតិ ដែលប្រកាសចេញ ដោយ«សម្ដេចតេជោ​នាយករដ្ឋមន្ត្រី»នោះ ...
កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអះអាងថា លោកមិនខ្វល់ចំពោះសំដី អ្នកទាំងឡាយណា ដែលនិយាយ​ជំនួសលោក កឹម សុខា ប្រធានគណបក្សនោះទេ បើទោះជាអ្នកនោះ ជា«កូនក្នុងខោ-កូនក្រៅខោ»របស់លោក ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.