លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអះអាងថា លោកមិនខ្វល់ចំពោះសំដី អ្នកទាំងឡាយណា ដែលនិយាយ​ជំនួសលោក កឹម សុខា ប្រធានគណបក្សនោះទេ បើទោះជាអ្នកនោះ ជា«កូនក្នុងខោ-កូនក្រៅខោ»របស់លោក កឹម សុខា ក្ដី។

ការលើកឡើងរបស់មេដឹកនាំប្រឆាំង ធ្វើឡើងក្នុងកិច្ចសម្ភាសមួយ ជាមួយវិទ្យុអាស៊ីសេរី ដើម្បីប្រតិកម្មទៅនឹងសំដី របស់កញ្ញា កឹម មនោវិទ្យា កូនស្រីច្បងរបស់លោក កឹម សុខា ដែលសរសេរ​តាមបណ្ដាញសង្គមទ្វីសធើរ អះអាងថាឪពុកនាងមានបំណង ដឹកនាំ​គណបក្ស​ប្រឆាំង ចូលប្រកួតប្រជែង ក្នុងការបោះឆ្នោតខាងមុខ។

សំណេររបស់កញ្ញា កឹម មនោវិទ្យា ត្រូវបានលប់ចេញវិញ នៅបន្តិចក្រោយមក។ តែយឺតពេលទៅហើយ ដោយហេតុថា សំណេរ​របស់​កញ្ញា ត្រូវបានប្រិយមិត្តរបស់នាង រួមនឹងអ្នកសារព័ត៌មានផង ផ្តិតជាអេក្រង់ (PrintScreen) និងយកទៅផ្សព្វផ្សាយបន្ត យ៉ាង​គគ្រឹកគគ្រេង (រូបខាងក្រោម)។

សម្រាប់លោក សម រង្ស៊ី បានគិតថា ការលើកឡើងរបស់កូនស្រីច្បង នៃលោក កឹម សុខា ទំនងជាធ្វើឡើង ដោយអត្តនោម័តិ។ ប្រធានស្ដីទីរបស់គណបក្សប្រឆាំង ដែលត្រូវតុលាការរបបក្រុងភ្នំពេញរំលាយចោល កាលពីចុងឆ្នាំ២០១៧ បានថ្លែងឡើងថា៖

«ខ្ញុំអត់ឲ្យតម្លៃទាល់តែសោះ ចំពោះអ្នកណានិយាយ ក្នុងនាមមនុស្សម្នាក់ទៀត ជាពិសេសនិយាយក្នុងនាមមនុស្ស ដែលអត់សេរីភាព ក្នុងការនិយាយ អញ្ចឹងពឹងឲ្យគេនិយាយជំនួស។ ពីមុនមានមេធាវី មានសហការីជិតស្និត មាន”កូនក្នុងខោ កូនក្រៅខោ” និយាយជំនួសឪ តែនិយាយលិបលរៗ សរសេររួចលប់ទៅវិញ អត់មានអ្វីច្បាប់លាស់ ខ្ញុំអត់ឲ្យតម្លៃទេ។»

មកដល់ម៉ោងនេះ គេនៅមិនទាន់ឃើញចម្លើយតបតរ ពីសំណាក់កញ្ញា កឹម មនោវិទ្យា មកវិញនៅឡើយ។

យ៉ាងណា លោក សម រង្ស៊ី ដែលកំពុងរស់នៅនិរទេសខ្លួន នៅក្នុងប្រទេសបារាំង នៅបន្តលើកឡើងជាថ្មី អំពីជំនឿរបស់លោក ចំពោះស្មារតី«សម រង្ស៊ី-កឹម សុខា ជាមនុស្សតែមួយ» ដោយអះអាងថា បើលោក កឹម សុខា ចង់បែកពីលោកមែននោះ ម្លេះប្រធាន​គណបក្សសង្គ្រោះ​ជាតិ​រូបនេះ បានធ្វើវារួចហើយ ដើម្បីអ្វីមួយ ដែលលោក សម រង្ស៊ី អះអាងថា ជាការចង់បាន របស់លោក​នាយករដ្ឋមន្ត្រី ហ៊ុន សែន៕



លំអិតបន្ថែមទៀត

វិភាគ អត្ថាធិប្បាយ

អ្នកវិភាគ​លើកពី​គន្លឹះសំខាន់៣ ដែល សម រង្ស៊ី អាច​ជួប​«អ្នកគាំទ្រ»​នៅថៃ

លោក ម៉ែន សុថាវរិន្ទ្រ មន្ត្រីជាន់ខ្ពស់គណបក្សសង្គ្រោះជាតិ បានអះអាង កាលពីយប់ថ្ងៃសៅរ៍ទី២៧ ខែមេសាម្សិលម៉ិញថា បន្ទាប់ពីជំនួបជាមួយ«អ្នកគាំទ្រ» នៅក្នុងប្រទេសកូរ៉េខាងត្បូង មេដឹកនាំប្រឆាំង លោក សម រង្ស៊ី ...
កម្ពុជា

អ្នកនាំពាក្យថា សម រង្ស៊ី អាចត្រូវ​«ក្រុមបាតដៃទី៣»​សម្លាប់ បើហ៊ាន​ចូល​ស្រុក

បើឧត្ដមសេនីយ៍​យោធាច្រើននាក់ ស្និតនាយករដ្ឋមន្ត្រីកម្ពុជា បានប្រកាស​ក្នុងប៉ុន្មានថ្ងៃចុងក្រោយ ត្រៀម​កម្ទេចលោក សម រង្ស៊ី នៅពេលមេដឹកនាំប្រឆាំងរូបនេះ វិលចូលកម្ពុជាវិញនោះ សម្រាប់លោក សុខ ឥសាន វិញ បានអះអាងថា ...
កម្ពុជា

អ្នក​គាំទ្រ CNRP ម្នាក់​ទៀត​ទម្លាយ​ករណី កឹម មនោវិទ្យា ហៅ កែម ឡី ថា​«ភ្លើ និង​ចោលម្សៀត»

«ភ្លើ និង​ចោលម្សៀត» ៖ ការខ្វែងគំនិតគ្នា រវាងក្រុម សម រង្ស៊ី និយម និងក្រុម កឹម សុខា និយម នៅតែបន្តមាន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...