កម្ពុជាដំណឹង

ខ្មែរនៅអ៊ឺរ៉ុប នឹងធ្វើ​បាតុកម្ម​នៅមុខ អ.ស.ប ចុងខែ​នេះ ក្នុងក្រុងហ្សឺណែវ

បាតុកម្មមួយ ត្រូវបានគ្រោងរៀបចំធ្វើ នៅថ្ងៃទី៣០ ខែមករា ឆ្នាំ២០១៩ ខាងមុខ នៅក្បែរអគារអង្គការសហប្រជាជាតិ ផ្នែកសិទ្ធិមនុស្ស ក្នុងក្រុងហ្សឺណែវ ប្រទេសស្វីស ដើម្បីទាមទារ ឲ្យមានការគោរពសិទ្ធិមនុស្ស និងការដឹកនាំ តាមបែបប្រជាធិបតេយ្យ នៅក្នុងប្រទេសកម្ពុជា។ នេះ បើតាមសេចក្ដីជូនដំណឹងមួយ របស់ក្រុមអ្នករៀបចំបាតុកម្ម ដែលទស្សនាវដ្ដីមនោរម្យ.អាំងហ្វូ ទើបនឹងទទួលបាន តាមរយៈសារអេឡិចត្រូនិក កាលពីប៉ុន្មានម៉ោងមុន។

បាតុកម្មខាងលើ ដែលរៀបចំឡើង ដោយក្រុមអ្នកគាំទ្រគណបក្សសង្គ្រោះជាតិ នៅក្នុងប្រទេសបារាំង និងមកពីបណ្ដាប្រទេសមួយចំនួន នៅជាបព្រំដែនបារាំង ត្រូវបានគ្រោងធ្វើឡើង​នៅក្នុងឱកាស នៃកិច្ចប្រជុំ «វគ្គត្រួតពិនិត្យជាសកល» ស្តីពីសិទ្ធិមនុស្ លើកទី៣២ របស់អង្គការសហប្រជាជាតិ ដែលក្នុងនោះ មានការត្រួតពិនិត្យ ទៅលើប្រទេសកម្ពុជាមួយផង។

ក្នុងពេលភ្លាមៗ ទស្សនាវដ្ដីមិនអាចទាក់ទងអ្នករៀបចំបាតុកម្ម ដើម្បីសាកសួរលំអិតបន្ថែម ពីបាតុកម្មខាងលើនេះទេ។ ប៉ុន្តែបើរំឮកឡើងវិញ អំពីបាតុកម្មចុងក្រោយ ដែលត្រូវបានរៀបចំធ្វើ នៅខាងមុខអគារសហភាពអ៊ឺរ៉ុប ក្នុងរាជធានី ព្រុចសែល (ប៊ែលហ្សិក) កាលពីអំឡុងខែតុលា ឆ្នាំកន្លងទៅ ទទួលបានការចូលរួមសន្ធឹកសន្ធាប់ណាស់ ពីសំណាក់ពលរដ្ឋខ្មែរ និងពលរដ្ឋដើមកំណើតខ្មែរ រស់នៅក្នុងទ្វីបអ៊ឺរ៉ុប។

សម្រាប់រដ្ឋាភិបាលកម្ពុជា ក៏បានត្រៀមចូលរួម ក្នុងកិច្ចប្រជុំ របស់អង្គការសហប្រជាជាតិ លើកទី៣២នេះដែរ។ លោក កែវ រ៉េមី ប្រធាន​គណៈកម្មាធិការ​សិទ្ធិ​មនុស្ស ដែលជាសេនាធិការមួយ របស់របបដឹកនាំក្រុងភ្នំពេញ នឹងចាកចេញពីប្រទេសកម្ពុជា នៅថ្ងៃទី២៧ ខែមករាខាងមុខ ដើម្បីធ្វើដំណើរ​មកកាន់​ប្រទេសស្វីស ក្នុងក្រុងហ្សឺណែវ។

នៅលើបណ្ដាញសង្គម លោក កែវ រ៉េមី បានអះអាងថា៖

«មកដល់ពេលនេះមាន ៨៣ ប្រទេសហើយ ដែលបានចុះឈ្មោះ រង់ចាំខ្ញុំនៅហ្សឺណែវ ត្រៀមផ្តល់មតិ និងអនុសាសន៍ដល់កម្ពុជា ទៅលើរបាយការណ៍សិន្ធិសញា្ញ ក្រោមការពិនិត្យជាសកល តាមកាលកំណត់ “UPR”។»៕

មកដល់ពេលនេះមាន ៨៣ ប្រទេសហើយ ដែលបានចុះឈ្មោះរង់ចាំខ្ញុំនៅហ្សឺណែវត្រៀមផ្តល់មតិនិង អនុសាសន៍ដល់កម្ពុជាទៅលើរបាយការណ៍សិន្ធិសញា្ញក្រោមការពិនិត្យជាសកលតាមកាលកំណត់ UPR ៕

Gepostet von Keo Remy am Dienstag, 22. Januar 2019


លំអិតបន្ថែមទៀត

កម្ពុជា

សម រង្ស៊ី៖ «នីកូឡា ម៉ាឌូរ៉ូ ដូច ហ៊ុន សែន»

គូបដិបក្ខផ្នែកនយោបាយដ៏ស្រួចស្រាវ របស់លោកនាយករដ្ឋមន្ត្រី ហ៊ុន សែន បានប្រដូចបុរសខ្លាំងកម្ពុជារូបនេះ ទៅនឹងប្រធានាធិបតីវេណេស៊ុយអេឡា លោក នីកូឡា ម៉ាឌូរ៉ូ (Nicolas Maduro) ដោយពន្យល់ឡើងថា ករណីមេដឹកនាំទាំងពីរ ...
ទិដ្ឋភាពដុតបំផ្លាញលំនៅដ្ឋានពលរដ្ឋ នៅចំពោះពលរដ្ឋ ដែលជាម្ចាស់លំនៅដ្ឋាន។ (រូបថតអង្គការសង្គមស៊ីវិល)
កម្ពុជា

តុលាការថៃ នឹងសម្រេចស្អែក​​លើ​បណ្ដឹង​ពលរដ្ឋខ្មែរ ដែលប្ដឹង​ក្រុមហ៊ុនស្ករ​​ថៃ

តុលាការថៃ ដែលស្ថិតក្នុងភាគខាងត្បូង រាជធានីបាងកក នឹងចេញសេចក្តីសម្រេច នៅថ្ងៃសុក្រ ទី៣១ ខែកក្កដាស្អែក លើបណ្តឹងជាសមូហភាពឆ្លងដែនដំបូងបង្អស់ នៅក្នុងតំបន់អាស៊ីអាគ្នេយ៍ ដែលប្ដឹងដោយពលរដ្ឋកម្ពុជា ប្រឆាំងក្រុមហ៊ុនស្ករថៃដ៏ធំមួយ ឈ្មោះ «Mitr ...
កម្ពុជា

មន្ត្រី CNRP ត្រូវខុទ្ទកាល័យ​ប្រធានាធិបតី​បារាំងទទួលជួប​ នៅសប្ដាហ៍​ក្រោយ

ខុទ្ទកាល័យប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) នឹងទទួលជួបតំណាងរបស់គណបក្សសង្គ្រោះជាតិ នៅសប្ដាហ៍​ក្រោយ ដើម្បីអនុញ្ញាតឲ្យពួកគេដាក់ញត្តិទាមទារ និងជម្រាបជូនប្រធានាធិបតីបារាំង ពីស្ថានភាពវិបត្តិនយោបាយ នៅកម្ពុជា។ នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...