កម្ពុជាដំណឹង

សំណង់​«គ្មានច្បាប់»​នៅកម្ពុជា នឹង… មិនឲ្យ​ភ្ជាប់​ទឹកភ្លើង ឬ​លូ​ទឹក​រដ្ឋ​ឡើយ

ពីថ្ងៃនេះតទៅ រាល់សំណង់ដែល​«គ្មានច្បាប់»អនុញ្ញាតទាំងឡាយ ក្នុងប្រទេសកម្ពុជា នឹងរងចំណាត់ការ ពីរដ្ឋាភិបាលកម្ពុជា ដូចជា មិនអនុញ្ញាតឲ្យភ្ជាប់បណ្ដាញទឹកស្អាត – អគ្គិសនី ឬលូទឹកសាធារណៈ របស់រដ្ឋនោះឡើយ។ នេះ បើតាមសេចក្ដីជូនដំណឹង (សជណ) មួយ ដែលចេញក្នុងថ្ងៃសុក្រនេះ ដោយរដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី តាមបញ្ជារបស់នាយករដ្ឋមន្ត្រី លោក ហ៊ុន សែន។

ផ្ទុយទៅវិញ «សជណ»ចុះលេខ​៩៤៨​ខាងលើ មិនបានបញ្ជាក់ថា រាល់សំណង់ខុសច្បាប់ទាំងនោះ នឹងត្រូវអាជ្ញាធរផ្អាក ឬបិទការដ្ឋាន មិនឲ្យសាងសង់បាន តទៅទៀតទេ។

សេចក្ដីជូនដំណឹង ដែលចុះហត្ថលេខាដោយលោក ហ៊ីង ថូរ៉ាក់ស៊ី រដ្ឋលេខាធិការប្រចាំការ នៃទីស្ដីការគណៈរដ្ឋមន្ត្រី បានសរសេរថា ដោយយោងតាមលិខិតខុទ្ទកាល័យ និងចំណារ«ដ៏ខ្ពង់ខ្ពស់បំផុត» របស់លោក ហ៊ុន សែន រដ្ឋាភិបាលកម្ពុជា​បានសម្រេចដាក់ចេញ នូវវិធានការចាំបាច់មួយចំនួន ចំពោះការដ្ឋានសាងសង់ ឬសំណង់ទាំងឡាយ ដែលគ្មានលិខិតអនុញ្ញាត និង/ឬសាងសង់ ដោយខុសលក្ខណៈបច្ចេកទេស។

សំណង់«គ្មានច្បាប់» និងវិធានការ​«៥មិន»

វិធានការចាំបាច់របស់ «សជណ» មាន៥ចំណុច៖ មិនផ្គត់ផ្គង់​ថាមពល​អគ្គិសនី – មិនឲ្យ​ផ្គត់ផ្គង់​ទឹកស្អាត – មិនឲ្យ​តភ្ជាប់លូ​ចូលបណ្ដាញ​សាធារណៈ – មិនឲ្យ​ផ្ដល់​លិខិត​អនុញ្ញាត​ឲ្យធ្វើ​អាជីវកម្ម និងមិនឲ្យ​ផ្សព្វផ្សាយ​ពាណិជ្ជកម្ម។ «សជណ» បានបញ្ជាក់បន្ថែមថា សំណង់​លំនៅឋាន​ផ្ទាល់ខ្លួន របស់ពលរដ្ឋ មិនរងវិធានការ «៥មិន» ទាំងនេះទេ។

«សជណ»ខាងលើ ធ្វើឡើងនៅពីរសប្ដាហ៍ ក្រោយសោកនាដកម្ម នៃគ្រោះរលំអគារកំពស់៧ជាន់ សាងសង់ដោយសហគ្រាសចិន នៅខេត្តព្រះសីហនុ ដែលបានបណ្ដាលឲ្យមនុស្ស ២៨នាក់ ស្លាប់បាត់បង់ជីវិត ខណៈមនុស្ស ២៦នាក់ផ្សេងទៀត បានរងរបួស។

រដ្ឋាភិបាលលោក ហ៊ុន សែន បានអះអាងថា សំណង់ចិនមួយនេះ គ្មានច្បាប់អនុញ្ញាត ឲ្យសាងសង់ទេ ហើយអាជ្ញាធរខេត្ត ក៏បានចុះទៅហាមឃាត់ដោយផ្ទាល់ ចំនួនពីរដងរួចហើយដែរ៕

រាជរដ្ឋាភិបាល បានសម្រេច ដាក់ចេញ នូវវិធានការចាំបាច់មួយចំនួន ចំពោះការដ្ឋានសំណង់ទាំងឡាយ ដែលគ្មានលិខិតអនុញ្ញាតសាងសង់ និង/ឬសាងសង់ ខុសលក្ខណៈ​បច្ចេកទេស​ លើកលែងតែសំណង់លំនៅឋានផ្ទាល់ខ្លួន របស់ប្រជាពលរដ្ឋ

Posted by ជា សុផារ៉ា-Chea Sophara on Friday, July 5, 2019


លំអិតបន្ថែមទៀត

របាយការណ៍

ពិត​ឬ បុព្វហេតុ ហ៊ុន សែន ទៅ​ហៅ​វៀតណាម​មករំដោះ​​កម្ពុជា?

ជាថ្មីម្ដងទៀត លោក ហ៊ុន សែន បានរំលើកពី«បុព្វហេតុ»របស់លោក ដោយហៅការចាកចេញ​ពីប្រទេស​កម្ពុជា ចូលទៅក្នុងប្រទេស​វៀតណាម ថា​ជា​«ការស្វែង​រកការជួយ​ឧបត្ថម្ភ» ក្នុងការរំដោះជាតិ​ចេញពីរបបខ្មែរក្រហម។ បញ្ហា… ​នៅ​ត្រង់​ថា ពលរដ្ឋ​ខ្មែរ​នៅ​ខ្វះប្រភព​ឯករាជ្យ ដែល​អាច​បញ្ជាក់​ពីប្រវត្តិសាស្ត្រ​ត្រង់នេះ ...
ដំណឹង

ស្ថានទូត​អាមេរិក​និយាយ​ពី «ការ​ទូត​អន្ទាក់​បំណុល»​របស់​ចិន

រដ្ឋាភិបាល​និងស្ថានទូតអាមេរិក បានចែករំលែករបាយការណ៍ស្រាវជ្រាវមួយ របស់ក្រុមអ្នកជំនាញ មកពី​សាកល​វិទ្យាល័យ «ហាវើដ៍ (Harvard)» ដែលនិយាយពី​«ការទូតអន្ទាក់បំណុល»​របស់ប្រទេសចិន ដែលជា​រឿយៗ ទទួលបានលទ្ធផល ជាផ្លែផ្កា​ត្រឡប់​មកវិញ ដោយប្រទេស​កូនបំណុល ត្រូវលុតជង្គង់​នៅទីបំផុត នៅចំពោះ​ប្រទេសចិន ...
កម្ពុជា

កម្ពុជា​មានពេល​៦ខែ ដើម្បី​«ស្ដារស្ថានភាព»​បើចង់រក្សាទុក EBA

ការប្រកាសបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធ «EBA» មិនមែនជាសេចក្ដីសម្រេចចុងក្រោយ របស់សហភាពអ៊ឺរ៉ុប ដែលថានឹងត្រូវព្យួរប្រព័ន្ធអនុគ្រោះពន្ធ ក្នុងពេលនេះទេ។ ប៉ុន្តែសម្រាប់សហភាពអ៊ឺរ៉ុប វាជាការកំណត់ពេលវេលា ដែលមានកាលវិភាគច្បាស់លាស់ ដើម្បីឈានទៅកាន់ទិសដៅនោះ ប្រសិនណាជាប្រទេសកម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...