កម្ពុជាដំណឹង

EU នឹង​មិនផ្អាក​ការសម្រេច​របស់ខ្លួន ក្នុង​ការព្យួរ​«EBA»​ពីកម្ពុជា​ឡើយ

គ្មានទេ! គ្មានការឆ្លើយតប ជាវិជ្ជមានឡើយ ពីសំណាក់សហភាពអ៊ឺរ៉ុប (EU) ចំពោះ​សំណើរ​​​របស់​​ក្រុម​​សហគ្រិនកម្ពុជា ដែលចង់ឲ្យសហភាព​អ៊ឺរ៉ុបយោគយល់ ដោយផ្អាក ឬពន្យាពេល​​ការសម្រេចព្យួរ ប្រព័ន្ធអនុគ្រោះពន្ធ ហៅថា «EBA» ពីប្រទេសកម្ពុជា ក្រោមហេតុផល​នៃ​ការរាតត្បាត ជំងឺ«Covid-19»។ នេះ បើតាមប្រភពច្បាស់ការណ៍មួយ ដែល​ទស្សនាវដ្ដី​មនោរម្យ.អាំងហ្វូ ទទួលបានក្នុងថ្ងៃនេះ។

ក្រុមសហគ្រិនកម្ពុជា ដែលក្នុងនោះរួមមាន សមាគមកាត់ដេរនៅកម្ពុជា (GMAC) សមាគមស្បែកជើងកម្ពុជា (CFA) និងសភាពាណិជ្ជកម្មអ៊ឺរ៉ុប (EuroCham) បាន​សរសេរ​លិខិតរួមគ្នាមួយ ចុះថ្ងៃទី២ ខែមិថុនា ទៅកាន់ប្រធានគណៈកម្មការអ៊ឺរ៉ុប អ្នកស្រី «Ursula von der Leyen» ដើម្បីស្នើសុំសហភាពអ៊ឺរ៉ុប ដែលជាទីផ្សារនាំចេញធំជាងគេ របស់កម្ពុជា ឱ្យពិចារណា​ឡើងវិញ ចំពោះការសម្រេចរបស់ខ្លួន។

ការសម្រេចរបស់សហភាពអ៊ឺរ៉ុប ដែលធ្វើឡើង កាលពីដើមខែកុម្ភៈ បានកំណត់​ឲ្យយក​ពន្ធឡើងវិញ ប្រមាណជា​២០% ទៅលើ៤០មុខទំនិញ ដែលនាំចេញពីកម្ពុជា និងនាំចូល​ទៅក្នុង​ទីផ្សារ របស់​សហភាព ទាំង២៧ប្រទេស។ ការសម្រេចនេះ នឹងត្រូវចូលជាធរមាន នៅ៦ខែក្រោយ ពោល​គឺនឹង​​ត្រូវអនុវត្តន៍ ចាប់ពីខែសីហា​ខាងមុខ​តទៅ។

លិខិតរបស់ក្រុមសហគ្រិនកម្ពុជា បានសរសេរថា បន្ថែមពីលើវិបត្តិជំងឺ «Covid-19» ដែលបង្កផលប៉ះពាល់ យ៉ាងធ្ងន់ធ្ងរនោះ វិស័យវាយណភ័ណ្ឌកម្ពុជា នឹងត្រូវ​រងទម្ងន់​មួយ​ទៀត តាមរយៈការសម្រេចខាងលើ របស់សហភាពអ៊ឺរ៉ុប។ លិខិតនោះ បានសរសេរថា៖

«ប្រសិនបើគណៈកម្មការអ៊ឺរ៉ុប អនុញ្ញាតឱ្យការព្យួរប្រព័ន្ធ “EBA” ចូលជាធរមាន នៅក្នុង​ខែសីហាខាងមុខនេះ វាអាចបណ្តាលឱ្យមានការដួលរលំ យ៉ាងឆាប់រហ័ស នៃឧស្សាហកម្ម​កាត់ដេរ ស្បែកជើង និងទំនិញផ្សេងទៀត ដែលកំពុងរងគ្រោះ ដោយសារការរាតត្បាត រួចជាស្រេច​ហើយនេះ។»

លិខិតរួមស្នើសុំការពន្យារពេលនៃការដក EBA ដោយសារបញ្ហាវិប្បត្តិ COVID-19 និងសេចក្តីថ្លែងការណ៍រួមចំពោះអ្នកសារព័ត៌មាន។Joint…

Gepostet von GMAC – Garment Manufacturers Association in Cambodia am Dienstag, 2. Juni 2020

ប៉ុន្តែមន្ត្រីសហភាពអ៊ឺរ៉ុបមួយរូប ដែលស្និតនឹងសំនុំរឿង បានអះអាងពីការបដិសេធ ចំពោះ​ការស្នើសុំ ឲ្យពិចារណាឡើងវិញណាមួយ ចំពោះការសម្រេច របស់សហភាពអ៊ឺរ៉ុប ដោយ​ហេតុ​ថា អ៊ឺរ៉ុបបានដើរមកដល់ នីតិវិធីចុងក្រោយ និងបាន​ប្រើយន្ដការ ជាច្រើន​ណាស់​​រួចមកហើយ។

មន្ត្រីអ៊ឺរ៉ុបរូបនោះ ដែលមិនបញ្ចេញអត្តសញ្ញាណ ដោយហេតុថា ខ្លួនគ្មានភាពចាំបាច់ ដើម្បីធ្វើប្រតិកម្មជាផ្លូវការ ចំពោះករណីខាងលើ បានបញ្ជាក់ថា សហភាពអ៊ឺរ៉ុប​អាច​ពិចារណា​ឡើងវិញ ចំពោះការសម្រេចរបស់ខ្លួន តែនៅក្នុងលក្ខខណ្ឌ​មួយគត់ គឺកម្ពុជា​ត្រូវ​​ធ្វើឲ្យមានភាពប្រសើរឡើង គួរឲ្យទទួលយកបាន ចំពោះដំណើរការ នៃលិទ្ធិប្រជាធិបតេយ្យ ការគោរព​សិទ្ធិ​មនុស្ស សិទ្ធិការងារ និងសិទ្ធិនយោបាយ​។

នៅក្នុងចំណោម​លក្ខខណ្ឌទាំងនោះ សហភាពអ៊ឺរ៉ុបនៅតែទាមទារ ឲ្យគណបក្ស​សង្គ្រោះជាតិ ដែលត្រូវបានរំលាយ យ៉ាងតក់ក្រហល់ ដោយតុលាការកម្ពុជា អាចមាន​ដំណើរការ ជាធម្មតាឡើងវិញ នឹងការបោះបង់ចោល នូវការចោទប្រកាន់ទាំងឡាយ ប្រឆាំងនឹងមេដឹកនាំគណបក្សនេះ។

តែការទាមទារ​របស់ «EU» ដែលមានចែង នៅក្នុងកិច្ចព្រមព្រៀង «EBA» មិនមែនជាអ្វី ដែលលោកនាយករដ្ឋមន្ត្រី ហ៊ុន សែន  ត្រៀមនឹងធ្វើតាមនោះទេ ដោយលើកហេតុផល ម្ដង​ហើយម្ដងទៀត ថាកម្ពុជាមិន​យក​អធិបតេយ្យភាព​ខ្លួន ទៅដូរ​នឹងប្រព័ន្ធអនុគ្រោះ​អ្វីឡើយ៕



លំអិតបន្ថែមទៀត

កម្ពុជា

សម រង្ស៊ី ពន្យុះឲ្យ ហ៊ុន សែន ប្ដឹងលោកបន្ថែម ឲ្យច្រើនករណីទៀត

នៅចំពោះគម្រោងដាក់ពាក្យបណ្ដឹង ពីសំណាក់លោកនាយករដ្ឋមន្ត្រី ហ៊ុន សែន ឡើងទៅតុលាការបារាំងនោះ លោក សម រង្ស៊ី បានស្វាគមន៍គម្រោងនេះ ដើម្បីអ្វីមួយ ដែលមេដឹកនាំប្រឆាំង លើកឡើងថា ជាការតតាំងគ្នាដោយយុត្តិធម៌ ...
កំសាន្ដ

Covid-19៖ តំណាងមេបា​ក្រុង​ញ៉ូយក​​ប្រកាស​ចំណង​មង្គលការ​ ពីជាន់ទី៤

បញ្ហា បណ្ដាលមកពីមេរោក «កូរូណា» ឬ«Covid-19» ! តំណាងមេបាម្នាក់ នៅក្រុងញូយក បានប្រកាស«ពីជាន់ទី៤» នៃអាគារស្នាក់នៅ ដើម្បីរៀបអាពាហ៍ពិពាហ៍ ឲ្យស្ត្រីអាមេរិកាំងពីររូប កាលពីថ្ងៃសុក្រកន្លងមក។ ទស្សនាវដ្ដី ...
ដំណឹង

Covid-19៖ ករណីឆ្លង​ផ្ទុះខ្លាំង​នៅ​​ប្រទេស​ឈីលី រួមទាំងរដ្ឋមន្ត្រី២នាក់

ក្នុងប្រទេសឈីលី ករណីឆ្លងបានកើនឡើងខ្លាំង ជាមួយនឹង​ការរកឃើញ​អ្នកជំងឺ ៤,៨៩៥​នាក់ កាលពីថ្ងៃម្សិលម៉ិញ ក្នុងនោះមាន រួមទាំងរដ្ឋមន្ត្រី២នាក់ នៃរដ្ឋាភិបាល​ប្រធានាធិបតី លោក «Sebastian Piñera» នោះផង។ មកដល់ថ្ងៃនេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...