មុននឹង​ទៅជួប​លោក ហ៊ុន សែន ដោយផ្ទាល់ បណ្ដាជនទាំងឡាយ ត្រូវធ្វើតេស្ដិ៍ជាមុនសិន។ នេះ ជាបញ្ជារបស់​នាយករដ្ឋមន្ត្រីកម្ពុជា បន្ទាប់ពីលោកបានធ្វើចត្តាឡីស័ក សម្រាប់រយៈពេល១៤ថ្ងៃ ជាលើកទី៣ ខណៈរូបលោក​ទទួលបាន ការចាក់វាក់សាំង បង្ការជំងឺកូវីដ-១៩ (Covid-19) ចំនួនពីរដូស​ តាំងពីច្រើនសប្ដាហ៍មុនរួចហើយ។

បុរសខ្លាំងនៅកម្ពុជា បានសរសេរនៅលើបណ្ដាញសង្គម នៅមុននេះបន្តិចថា៖

«ថ្ងៃនេះក្រុមគ្រូពេទ្យ បានមកយកសំណាកខ្ញុំ ទៅធ្វើតេស្តជាលើកចុងក្រោយ បន្ទាប់ពីការធ្វើចត្តាឡីស័ក រយៈពេល​១៤ថ្ងៃ។ លទ្ធផល​ពីមន្ទីរពិសោធន៍ បានបញ្ជាក់ថា ខ្ញុំអវិជ្ជមានពីកូវីដ-១៩ ដែលខ្ញុំត្រូវបញ្ចប់​ការធ្វើចត្តាឡីស័ក ត្រឹមល្ងាច​ថ្ងៃទី២ ខែកក្កដា ឆ្នាំ២០២១នេះ។»

លោក ហ៊ុន សែន លើកឡើងថា ពីក្នុងចំណោម​មេដឹកនាំអាស៊ាន រូបលោក​ជាមេដឹកនាំ​តែម្នាក់គត់ ដែលធ្វើ​ចត្តាឡីស័ក​ច្រើនជាងគេ ដល់ទៅ៣ដង ក្នុងរយៈពេល៨ខែ។ លោកបន្តថា ដើម្បីកុំឲ្យមានការធ្វើចត្តាឡីស័ក ជាលើក​ទី៤ បណ្ដាជនដែលត្រូវមកជួបលោក ដោយផ្ទាល់ ត្រូវធ្វើតេស្ដិ៍​ជាមុនសិន។

នាយករដ្ឋមន្ត្រី​តាំងពី​៣៦ឆ្នាំ បានសរសេរថា៖

«ដើម្បីធានាថាពុំមាន [ការធ្វើចត្តាឡីស័ក ជា]លើកទី៤ មនុស្សដែលត្រូវជួបខ្ញុំ ត្រូវបានធ្វើតេស្តជាមុន យ៉ាង​ហោចណាស់​គឺការធ្វើតេស្តរហ័ស និងកាន់តែធានាសម្រាប់ទាំងអស់ គឺការមិនជួបគ្នាដោយផ្ទាល់ និងជំនួស​ដោយ​ការជួបគ្នា តាមប្រព័ន្ធបច្ចេកវិទ្យាព័ត៌មានវិញ។»

វិធានបង្ការការឆ្លងមេរោគកូវីដ-១៩ ដែលចេញផ្សាយ ដោយអង្គការសុខភាពពិភពលោក (WHO /OMS) បាន​កំណត់​ឲ្យបណ្ដាជន ដែលចេញដើរជួបគ្នា ត្រូវពាក់ម៉ាស់គ្របច្រមុះនិងមាត់ រក្សាគម្លាត១,៥ម៉ែត្រពីគ្នា និងមាន​ទឹកអាកុលលាងដៃជាប្រចាំ។ គម្លាតសុវត្ថិភាព ត្រូវបានប្រទេសជាច្រើន កាត់បន្ថយមកនៅត្រឹមតែ១ម៉ែត្រ ឬតិច​ជាងនេះ ដោយមានរបាំងការពារ (ជាកញ្ចក់ ឬរនាំងជ័រថ្លា)។

អង្គការសុខភាពពិភពលោក ក៏បានបញ្ជាក់ដែរថា ហានិភ័យនៃការឆ្លងជំងឺដ៏ចង្រៃ នឹងត្រូវកាត់បន្ថយ ក្នុងកម្រិត​ជាអតិបរមា សម្រាប់​បណ្ដាជន​ដែលទទួលបានការចាក់វ៉ាក់សាំង ចំនួនពីរដូសរួចហើយ សម្រាប់វ៉ាក់សាំង​ទាំងឡាយ​ណា ដែលអង្គការនេះ​​បានប្រកាស​ទទួលស្គាល់៕



លំអិតបន្ថែមទៀត

កីឡា និងបច្ចេកវិទ្យា

រ៉ូណាល់ដូ ប្រកាសសង្គ្រាមប្រឆាំង កូកាកូឡា !

កាយវិការរបស់ម្ចាស់បាល់មាស ៥ជំនាន់ កីឡាករ គ្រីស្យាណូ រ៉ូណាល់ដូ (Cristiano Ronaldo) អាចបង្ក​ការក្ដៅ​ក្រហាយ ដល់ក្រុមហ៊ុនភេសជ្ជៈយក្សរបស់អាមេរិក កូកាកូឡា (Coca Cola)។ ក្នុងថ្ងៃចន្ទទី១៤ ...
កម្ពុជា

ហ៊ុន សែន៖ «បើ​ចង់​រួច​បម្រាម​ហាម​ធ្វើ​នយោបាយ ត្រូវ​ស្នើ​ម្នាក់​ម្ដងៗ មក​នាយករដ្ឋមន្ត្រី»

បណ្ដាជនទាំងឡាយណា ដែលត្រូវតុលាការហាមឃាត់ ធ្វើសកម្មភាពនយោបាយ ហើយមានបំណងចង់រួចខ្លួន ចេញពីបម្រាមនេះ ត្រូវធ្វើសំណើរម្នាក់ម្ដងៗ ឡើងទៅនាយករដ្ឋមន្ត្រី ដើម្បីឲ្យលោកពិនិត្យមើល ថាតើជននោះ មានលក្ខណៈសម្បត្តិ អាចត្រូវលោកទូលស្នើ ទៅព្រះមហាក្សត្រ ឲ្យលើកលែងបម្រាមនោះ ...
កម្ពុជា

Covid-19៖ ជប៉ុន​ព្យួរ​ទិដ្ឋាការ​ចំពោះ​ប្រទេស​ជាច្រើន រួមទាំង​​កម្ពុជា

រាជាណាចក្រជប៉ុន បានប្រកាសបិទទឹកដីរបស់ខ្លួន ដោយព្យួរទិដ្ឋាការ និងផ្អាក​ការផ្ដល់​ទិដ្ឋាការ សម្រាប់ជនបរទេស មកពីច្រើនប្រទេស រួមទាំង​កម្ពុជា ដើម្បីអ្វីមួយ ដែល​ប្រទេស​នេះអះអាងថា ដើម្បីពង្រឹងវិធានការ បង្ការ និងទប់ស្កាត់ជំងឺ «Covid-19» ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...