កម្ពុជាដំណឹង

Covid-19 ៖ កម្ពុជា​រកឃើញ​អ្នក​ឆ្លងរោគ កើនឡើង​ជិត១០០នាក់

តួលេខកំពុងបោះពួយ ទៅមុខ គួរឲ្យព្រួយបារម្ភ។ មកដល់ម៉ោងនេះ ក្រសួងសុខាភិបាលកម្ពុជា បានអះអាងបានរកឃើញ ករណីឆ្លងជំងឺ«Covid-19» កើនឡើង​ជិត១០០នាក់ (៨៤នាក់) បន្ទាប់ពីក្រសួងបានរកឃើញ មនុស្ស៣១នាក់ បានឆ្លងជំងឺនេះ បន្ថែមពីលើតួលេខ ៥៣នាក់ កាលពីថ្ងៃសៅរ៍។

សេចក្តីប្រកាសព័ត៌មាន របស់ក្រសួងសុខាភិបាល បានឱ្យដឹងថា ករណីថ្មីទាំងនេះ ត្រូវបានរកឃើញ នៅក្នុងខេត្តព្រះសីហនុ និងមួយភាគធំ ត្រូវបានរកឃើញ នៅសណ្ឋាគារមួយកន្លែង ដែលជនជាតិបារាំង២នាក់ បានស្នាក់នៅ និងត្រូវបានរកឃើញ កាលពីថ្ងៃសៅរ៍ ថាបានឆ្លងជំងឺកូវីដ១៩

ករណីរកឃើញថ្មីទាំងនោះ កើតឡើងទៅលើអ្នកទេសចរណ៍បារាំង ចំនួន២៩នាក់ ខណៈអ្នកទេសចរណ៍បារាំង វ័យចំណាស់​ពីរនាក់ផ្សេង ត្រូវបានរកឃើញ ថាមានមេរោគនេះ កាលពីថ្ងៃសៅរ៍រួចហើយ។ រីឯពីរករណីថ្មីទៀត កើតឡើង ទៅលើជនជាតិខ្មែរ ដែលជាមគ្គុទេសទេសចរ ឲ្យក្រុមអ្នកទេសចរណ៍បារាំង ដែលមានចំនួនសរុប ៣៦នាក់ (៥នាក់ មិនត្រូវបានរកឃើញ មានផ្ទុកមេរោគ កូវីដ១៩ទេ)។

ក្រសួងសុខាភិបាល បានអះអាងទៀតថា បច្ចុប្បន្នជនជាតិបារាំង ទាំង២៩នាក់ និងជនជាតិខ្មែរ ២នាក់ ដែលផ្ទុកមេរោគកូវីដ១៩ ត្រូវបានដាក់ព្យាបាល ឱ្យនៅដាច់ដោយឡែក តាមបន្ទប់ នៅក្នុងសណ្ឋាគារមួយ ដោយមានការបិទជាបណ្តោះអាសន្ន និងមិនឱ្យមានការចេញចូល ដោយគ្មានភារកិច្ចឡើយ។

សូមបញ្ជាក់ដែរថា ករណីឆ្លងជំងឺរលាកផ្លូវដង្ហើម ប្រភេទថ្មី នៅកម្ពុជា ដែលមានចំនួន៨៤នាក់នោះ រួមមាន ស្រី២១នាក់ ប្រុស៦៣នាក់ ដែលក្នុងនោះ មានចិន១នាក់ (នៅខេត្តព្រះសីហនុ បានជាសះស្បើយ) អង់គ្លេស៣នាក់ (ក្នុងនោះ មាន១នាក់បានជាសះស្បើយ) កាណាដា១នាក់ ប៊ែលហ្សិក១នាក់ បារាំង៣៣នាក់ (ក្នុងនោះ មានកូនប្រុសបង្កើត អាយុ៤ខែ) ម៉ាឡេស៊ី១២នាក់ និងខ្មែរ៣៣នាក់៕



លំអិតបន្ថែមទៀត

កម្ពុជា

ធនាគារ​អភិវឌ្ឍ​អាស៊ី៖ ឆ្នាំ២០២០នេះ កម្ពុជា​នឹងបាត់បង់ ៣៩០ ០០០​ការងារ

ធនាគារអភិវឌ្ឍអាស៊ី «ADB / BAD» បានព្យាករថា កម្ពុជានឹងបាត់បង់ការងារ ប្រមាណជា ៣៩០ ០០០កន្លែង ក្នុងឆ្នាំ២០២០នេះ បណ្ដាលមកពីផលប៉ះពាល់ នៃជំងឺ​រាតត្បាត​កូវីដ-១៩ (Covid-19)។ ...
កម្ពុជា

អង្គការ​ពលកម្ម​អន្តរជាតិ​ថាគ្រោះ​«រលំអគារ»​ចិន ពិតជា​អាច​បង្ការបាន

ហេតុការណ៍​នៃការ«រលំអគារ» សាងសង់ដោយសហគ្រាសចិន នៅខេត្តព្រះសីហនុ ដែលបណ្ដាលឲ្យស្លាប់ និងរបួសច្រើនសិបនាក់ ជាការរំលឹកមួយ អំពីហានិភ័យ ដែលកម្មករកម្ពុជា ត្រូវប្រឈមជារៀងរាល់ថ្ងៃ ហើយទាមទារឲ្យមានវិធានការបន្ទាន់។ នេះ បើតាមសេចក្ដីថ្លែងការណ៍ របស់អង្គការពលកម្មអន្តរជាតិ ...
កម្ពុជា

Covid-19៖ កម្ពុជារកឃើញអ្នកជំងឺ ២៣នាក់​​ថ្មីទៀត​ សរុប​២២៥នាក់

ប្រទេសកម្ពុជាបានអះអាងថា ខ្លួនរកឃើញករណីអ្នកឆ្លង «កូវីដ១៩ (Covid-19)» ចំនួន ២៣នាក់​​ថ្មីទៀត​ ដែល​នាំ​​ឱ្យ​ករណី​អ្នកជំងឺសរុប កើនឡើងដល់​២២៥នាក់។ នេះ បើតាម​សេចក្ដីប្រកាសព័ត៌មាន របស់​ក្រសួង​សុខាភិបាល​កម្ពុជា ដែលចេញផ្សាយ កាលពីមុន​នេះ​បន្តិច។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...