កម្ពុជាដំណឹង

គេហទំព័រផ្លូវការ CNRP បាន​រលាយរូប​ជាស្ថាពរ ឬជា​បណ្ដោះអាសន្ន?

បើសិនជាមេដឹកនាំគណបក្សប្រឆាំង បានអះអាងថា គណបក្សខ្លួនត្រូវបានរំលាយ តែនៅលើក្រដាសនោះ តែនៅលើប្រព័ន្ធអិនធើណិតវិញ «គេហទំព័រផ្លូវការ»របស់គណបក្សនេះ បានរលប់រូប មិនឃើញមានដំណើរការទៀតទេ។

តាំងពីច្រើនថ្ងៃមកហើយ ពេលគេចុច​ចូលទៅពិគ្រោះ«គេហទំព័រផ្លូវការ» របស់គណបក្សសង្គ្រោះជាតិ ដែលមានអាស័យដ្ឋាន «www.cnrp7.org» គេឃើញមានសំណេរ ជាភាសាអង់គ្លេស សរសេរដាក់ថា «This Account has been suspended» ដែលមានខ្លឹមសារជាខេមរភាសាថា «គណនីមួយនេះ ត្រូវបានព្យួរ»។

ផ្ទុយទៅវិញ ទំព័រហ្វេសប៊ុករបស់គណបក្ស ដែលមានអាស័យដ្ឋាន «www.facebook.com/CNRParty» នៅមានដំណើរការ ហើយគេឃើញ មានការធ្វើបច្ចុប្បន្នភាព នៅលើទំព័រនោះជារឿយៗ។

កាលពីពីរសប្ដាហ៍មុន គេហទំព័រ «www.cnrp7.org» នៅមានដំណើរការនៅឡើយ បើទោះជាគេមិនឃើញមានការបង្ហោះថ្មីៗ ស្ដីពីព័ត៌មាន សេចក្ដីថ្លែងការណ៍ ឬវីដេអូក៏ដោយ។ អ្នកសារព័ត៌មាន របស់ទស្សនាវដ្ដីមនោរម្យ.អាំងហ្វូ បានចូលទៅពិគ្រោះ ហើយនៅតែអាច ស្វែងរកព័ត៌មាន ពីទីនោះបាននៅឡើយ។

មិនអាចទាក់ទងមន្ត្រីគណបក្សសង្គ្រោះជាតិ ដើម្បីសុំការបំភ្លឺ ពីករណីនេះ ក្នុងពេលភ្លាមៗនេះបានទេ។

សម្រាប់អ្នកជំនាញ ខាងព័ត៌មានវិទ្យា លោក សុធា មេត្តា មកពីក្រុងកេប៊ិច ប្រទេសកាណាដា បានពន្យល់ថា បើសិនជាសារ «គណនីមួយនេះ ត្រូវបានព្យួរ» ត្រូវបានបង្ហាញ ជាសាធារណៈបែបនេះ ទំនងជាមូលហេតុ នៃការបិទគេហទំព័រនោះ គឺបណ្ដាលមកពី ម្ចាស់គណនី មិនបានបង់ប្រាក់ ឲ្យបានទៀងទាត់។

ស្ថាប័ន «Whois» ដែលជំនាញខាងការរុករក និងបង្ហាញ ទិន្នន័យថតទុក របស់អាស័យដ្ឋានគេហទំព័រទាំងឡាយ នៅជុំវិញពិភពលោក បានបញ្ជាក់ថា អាស័យដ្ឋាន «www.cnrp7.org» ត្រូវបញ្ជាទិញដោយ លោក យ៉ែម ប៉ុញ្ញឬទ្ធិ តាមរយៈក្រុមហ៊ុនមួយ ឈ្មោះ «BLUEHOST» ដែលមានទីតាំង ក្នុងសហរដ្ឋអាមេរិក។

បើតាមទិន្នន័យរបស់ «Whois» បានឲ្យដឹងទៀតថា អាស័យដ្ឋាន ឬ «Domain Name» នៃ«គេហទំព័រផ្លូវការ» របស់គណបក្សប្រឆាំង ត្រូវបានបង្កើត នៅថ្ងៃទី១៣ ខែមករា ឆ្នាំ២០១៦ និងត្រូវផុតកំណត់ រហូតដល់ឆ្នាំ ២០២០ឯណោះ។

លោក សុធា មេត្តា បានពន្យល់ថា ការបញ្ជាទិញអាស័យដ្ឋាន អាចខុសពីការបញ្ជាទិញ ការផ្ទុកទិន្នន័យ ឬហៅជាភាសាអង់គ្លេស ថា «Host»។ បើការបញ្ជាទិញការផ្ទុកទិន្នន័យ មានលក្ខណៈ ជាការបង់ប្រាក់ប្រចាំខែ ឬឆ្នាំ ហើយមិនមានការបង់ប្រាក់ ឲ្យបានទៀងទាត់នោះ គណនីនៃការបញ្ជាទិញនោះ អាចនឹងត្រូវព្យួរ ឬដាក់ក្នុងការរង់ចាំ ឲ្យម្ចាស់គណនីទៅបង់ប្រាក់។

អ្នកជំនាញបន្តថា ផ្ទុយទៅវិញ អាស័យដ្ឋានគេហទំព័រ ដែលត្រូវបាន​បង់ប្រាក់ជាមុន សម្រាប់រយៈពេល៤ឆ្នាំ នឹងនៅតែមានសុពលភាព រហូតដល់ពេលផុតកំណត់៕



លំអិតបន្ថែមទៀត

កម្ពុជា

សភាអ៊ីតាលី​អនុម័ត​ញត្តិ​ស្នើឲ្យ​ភាគីកម្ពុជា​ជជែកគ្នា និង​ចូលរួម​នីតិវិធីព្យួរ EBA

រដ្ឋសភានៃប្រទេសអ៊ីតាលី ដែលជាសមាជិកដ៏សំខាន់មួយ របស់សហភាពអ៊ឺរ៉ុប បានអនុម័តញត្តិមួយ កាលពីថ្ងៃអង្គារទី១២ ខែកុម្ភៈ ឆ្នាំ២០១៩ ដើម្បីចាត់រដ្ឋាភិបាលរបស់ខ្លួន ឲ្យ«អញ្ជើញ»ភាគីជម្លោះខ្មែរទាំងអស់ធ្វើការជជែកគ្នា និងត្រូវចូលរួមយ៉ាងសកម្ម ក្នុងដំណើរការនីតិវិធី របស់គណៈកម្មការអ៊ឺរ៉ុប ដើម្បីឈានទៅព្យួរប្រទេសកម្ពុជា ...
កម្ពុជា

សម រង្ស៊ី ថា​ពានរង្វាន់​ទទួលបាន​ពីកូរ៉េ មាន​ចំណែក​របស់ កឹម សុខា

មេដឹកនាំប្រឆាំង លោក សម រង្ស៊ី បានថ្លែងឧទ្ទិសពានរង្វាន់ជើងឯកប្រជាធិបតេយ្យ ជូនទៅបណ្ដាជនទាំងឡាយ ដែលបានរួមចំណែកតស៊ូ និងធ្វើពលិកម្ម ដើម្បីលទ្ធិប្រជាធិបតេយ្យ។ ជាពិសេស មេដឹកនាំប្រឆាំងបានបញ្ជាក់ថា ពានរង្វាន់នេះក៏មានចំណែក នៃពលិកម្មរបស់លោក ...
កម្ពុជា

ភរិយា កឹម សុខា ធ្វើ​ដំណើរ​ក្នុង​ចំងាយផ្លូវ ៤០៨០០​គីឡូម៉ែត្រ ដើម្បី​ជួប​ស្វាមី​ក្នុង​គុក​ត្រពាំងផ្លុង

រាប់ពីថ្ងៃដែលប្រធានគណបក្សសង្គ្រោះជាតិ លោក កឹម សុខា ត្រូវបានចាប់ខ្លួន នេះជាការបង្ហោះនៅលើទំព័រហ្វេសប៊ុករបស់លោក ដែលប្រើឈ្មោះលោកដោយផ្ទាល់។ សំណេរនោះ ត្រូវបានបង្ហោះចេញ ក្នុងឱកាសនៃ ថ្ងៃខួបលើកទី ៣៨ នៃអាពាហ៍ពិពាហ៍ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...