កម្ពុជាដំណឹង

ផៃ ស៊ីផាន ថា​គ្មាន​ភាព​ចាំបាច់​ចាប់ខ្លួន​អ្នក​រៀបចំ​ទទួល សម រង្ស៊ី នៅ​កូរ៉េ​ទេ

បន្ទាប់ពីគម្រាមរួច នៅមុននេះបន្តិច លោក ផៃ ស៊ីផាន បានប្ដូរជំហរវិញថា របបដឹកនាំក្រុងភ្នំពេញ ដែលមានរូបលោកជាអ្នកនាំពាក្យ គ្មានភាពចាំបាច់ក្នុងការចាប់ខ្លួន ក្រុម«មេក្លោង» ដែលរៀបចំទទួលមេដឹកនាំប្រឆាំង លោក សម រង្ស៊ី នៅកូរ៉េខាងត្បូងនោះទេ។

ការប្ដូរសំដីរបស់មន្ត្រីអ្នកនាំពាក្យរូបនេះ ធ្វើឡើងនៅលើទំព័រហ្វេសប៊ុករបស់លោក បន្ទាប់ពីលោកត្រូវបានប្រព័ន្ធឃោសនា របស់របបក្រុងភ្នំពេញ ស្រង់សំដីយកមកចុះផ្សាយ ដោយដាក់ជាចំណងជើងថា «លោក ផៃ ស៊ីផាន ៖ រាជរដ្ឋាភិបាលអាចចាប់មេក្លោង រៀបចំពិធីទទួលទណ្ឌិត សម រង្ស៊ី នៅកូរ៉េខាងត្បូង»។

ចុមលេងមែនទែនហើយតើ។ខ្ញុំក៏នឹងទៅយកព័ត៌មានអំពីព្រិត្តិការណ៍នេះដែរ។ ប្រិយមិត្តទាំងឡាយ ជួបគ្នាឆាប់ៗនៅសេអ៊ូល និងក្វាងជូ។

Publiée par Chun Chanboth Vuthy Huot sur Jeudi 11 avril 2019


ការចុះផ្សាយនោះ មានថតទាំងសំដីរបស់លោក ផៃ ស៊ីផាន តាមរយៈវីដេអូមួយផង។ ប៉ុន្តែនៅមុននេះបន្តិច មន្ត្រីអ្នកនាំពាក្យរបបក្រុងភ្នំពេញមួយនេះ បានប្ដូរជំហរជាថ្មី ដោយបញ្ជាក់​ថា ការថ្លែងគម្រាមនោះ គ្រាន់តែជា«លទ្ធភាពតាមផ្លូវច្បាប់» ក្នុងកិច្ចចាត់វិធានការ ណាមួយដែលចាំបាច់ប៉ុណ្ណោះ។

លោក ផៃ ស៊ីផាន បានសរសេរថា៖

«ដើម្បីបញ្ចៀសការយល់ច្រឡំ ចំពោះវិធានការប្រឆាំងនឹងក្រុម ឬអង្គការ ដែលត្រៀមលក្ខណៈស្វាគមន៍ទណ្ឌិត សម រង្ស៊ី នៅឯនាយសមុទ្រនោះ គឺរាជរដ្ឋាភិបាលអាចមានលទ្ធភាព តាមផ្លូវច្បាប់ ក្នុងកិច្ចចាត់វិធានការ ដោយប្រការណាមួយជាចាំបាច់។»

ចលនាយុវជនគណបក្សសង្គ្រោះជាតិ នៅប្រទេសកូរ៉េខាងត្បូង បានប្រកាសតាំងពីចុងខែមិនាកន្លងទៅ រៀបចំកម្មវិធីចំនួនបី ដែលនឹងប្រព្រឹត្តិទៅ ក្នុងថ្ងៃទី១៩-២០-២១ ខែមេសាខាងមុខ ដោយមានវត្តមានចូលរួម របស់មេដឹកនាំប្រឆាំង លោក សម រង្ស៊ី។ កម្មវិធីនោះរួមមាន (១) សន្និសីទកូរ៉េ-កម្ពុជា ស្តីពីប្រជាធិបតេយ្យ, សិទ្ធិមនុស្ស, សន្តិភាព (២) សមាជអ្នកប្រជាធិតេយ្យ និង(៣) មហាបាតុកម្មភ្លើងទៀន។

អ្នកនាំពាក្យរបបក្រុងភ្នំពេញ បានប្រកាសពីជំហរថ្មីវិញ ដូច្នេះថា៖

«រាជរដ្ឋាភិបាល ក្រោមការដឹកនាំដ៏ទន់ភ្លន់ និងម៉ឺងម៉ាត់របស់សម្តេចអគ្គមហាសេនាបតីតេជោ ហ៊ុន សែន (…) ដែលលោកមានគុណធម៌ និងសីលធម៌ខ្ពស់នោះ ខ្ញុំផ្ទាល់យល់ឃេីញថា គឺមិនមានតម្លៃ នៃការចាំបាច់ណាមួយ ក្នុងកិច្ចចាត់វិធានការនោះទេ គឺនាំឱ្យមានអរិភាព ឬរូបភាពប្រទូសរ៉ាយរវាងខ្មែរ និងខ្មែរ នៅលើទឹកដីបរទេស ដែលសម្តេច​តេជោ លោកមិនចង់ឃេីញ ករណីនេះកេីតឡេីងនោះឡើយ ដែលអាចបង្ក ឱ្យប៉ះពាល់ដល់មុខមាត់ និងកិត្តិយសជាតិ។»

រីឯប្រព័ន្ធឃោសនាដែលបានស្រង់សំដីមុន របស់លោក ផៃ ស៊ីផាន មកចុះផ្សាយនោះ បានលុបចោលអត្ថបទ ដែលចេញផ្សាយរួចចោលចេញ ហើយជំនួសមកវិញ ដោយអត្ថបទថ្មី (ខ្សែភ្ជាប់តែមួយ) ដែលជាសំដីខាងលើ របស់អ្នកនាំពាក្យ។ បើគេមិនបានតាមដានសាច់រឿង វាដូចជា គ្មានរឿងអ្វីកើតឡើងទាំងអស់៕



You may also like

កម្ពុជា

ផៃ ស៊ីផាន ថារដ្ឋាភិបាល​មិនធ្វើ​ច្បាប់ ដើម្បី​«បំពេញចិត្ត​អង្គការ​ណា»ទេ

រដ្ឋាភិបាលក្រុងភ្នំពេញ បានប្រកាសថា ខ្លួនមិន«បំពេញចិត្ត​អង្គការ​ណា»ទេ នៅចំពោះ​ការអនុម័ត​យ៉ាងតក់ក្រហល់ នូវសេចក្ដីព្រាងច្បាប់​មួយទៀត ស្ដីពីការប្រឆាំង​ការសម្អាត​ប្រាក់ និងហិរញ្ញប្បទានភេរវកម្ម។ នេះ បើតាមការអះអាង របស់លោក ផៃ ស៊ីផាន អ្នកនាំ​ពាក្យ​រដ្ឋាភិបាល។ ...
កម្ពុជា

ហ៊ុន សែន ប្រាប់ឲ្យ​«ចាប់ក្បាល» សម រង្ស៊ី ដោយមិនចាំបាច់​មានបញ្ជា​ពីលោក

នាយករដ្ឋមន្ត្រីកម្ពុជា លោក ហ៊ុន សែន ដែលស្ថិតក្នុងឯកសណ្ឋាន ជាមេទ័ពនៃកងកម្លាំងប្រដាប់អាវុធកម្ពុជា បានប្រាប់កងទ័ព ឲ្យ«ចាប់ក្បាល អាហ្នឹង» ដោយមិនចាំបាច់ មានបញ្ជាពីលោក ដោយហៅការចាប់ខ្លួននោះ ជាការអនុវត្តន៍ច្បាប់។ ...
កម្ពុជា

សម រង្ស៊ី៖ ចិន​យក​កម្ពុជា​ធ្វើអាណានិគម តាម​​លក្ខណៈ​២

មេដឹកនាំប្រឆាំង លោក សម រង្ស៊ី បានថ្លែងពន្យល់ថា តាម​លក្ខណៈ២ ដែលមហាយក្សចិន អាចយកប្រទេសកម្ពុជា ធ្វើជាអាណានិគម។ លក្ខណៈទាំងពីរនោះ ត្រូវបានប្រធានស្ដីទីគណបក្សប្រឆាំង ទម្លាក់កំហុសទាំងស្រុង ទៅលើលោកនាយករដ្ឋមន្ត្រី ...

Comments are closed.

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...
កម្ពុជា

Covid-19៖ កម្ពុជាប្រកាស​រកឃើញ​ករណីឆ្លង កើនឡើង​ដល់៤៣៩នាក់

មកទល់នឹងព្រឹកថ្ងៃអាទិត្យ​ទី១៧ ខែមករា ឆ្នាំ២០២១នេះ កម្ពុជាប្រកាសបានរកឃើញ ករណីឆ្លងជំងឺកូវីដ (Covid-19) កើនឡើង​ដល់៤៣៩នាក់ បន្ទាប់ពីបានរកឃើញករណីឆ្លង លើពលករខ្មែរ​៣នាក់បន្ថែមទៀត ដែលទើបធ្វើដំណើរ​មកពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...