សន្និសីទពិភពលោក នៃក្រុមអ្នកគាំទ្រ​គណបក្ស​សង្គ្រោះជាតិ មកពីជុំវិញពិភពលោក ដែលបានប្រព្រឹត្តិទៅ រយៈពេលពីរថ្ងៃ (ទី១ និងទី២ ខែធ្នូ ឆ្នាំ២០១៨) នៅក្រុងអាត្លង់តា ភាគខាងកើតសហរដ្ឋអាមេរិក គ្រោងនឹងប្រមូលផ្ដុំបណ្ដាសាខា នៃគណបក្សសង្គ្រោះជាតិទាំងអស់ ដែលស្ថិតនៅក្នុងបណ្ដាប្រទេសធំៗ និងគ្រប់ទ្វីប ដើម្បីបង្កើតជា«គណបក្ស​សង្គ្រោះជាតិ​ក្រៅប្រទេស»តែមួយ។ គណបក្សសង្គ្រោះជាតិក្រៅប្រទេសនោះ ហៅជាភាសាអង់គ្លេស «CNRP-Oversea» ឬ «CNRP-O»។

សេចក្ដីសម្រេច របស់អង្គសន្និសីទ ដែលទើបនឹងចេញផ្សាយ ជាសាធារណៈ កាលពីប៉ុន្មាននាទីមុន បានបញ្ជាក់ថា សាខាគណបក្សប្រឆាំងក្រៅប្រទេសមួយនេះ នឹងត្រូវដឹកនាំដោយក្រុមប្រឹក្សាភិបាល ដែលមានសមាជិក១៧រូប ក្នុងនោះ ៧រូបមកពីទ្វីបអាមេរិកខាងជើង ៧រូបមកពីទ្វីបអ៊ឺរ៉ុប និង៣រូប​មកពីទ្វីបអូសេអានី។

ក្រុមប្រឹក្សាភិបាល នៃបណ្ដុំសាខាគណបក្សប្រឆាំង​នៅក្រៅប្រទេសខាងលើ នឹងមានអគ្គលេខាធិការដ្ឋានមួយ ជាសេនាធិការរបស់ខ្លួន ដឹកនាំដោយអគ្គលេខាធិការមួយរូប នៅសហរដ្ឋអាមេរិក និងអគ្គលេខាធិការរងច្រើនរូប មកពីប្រទេសផ្សេងៗ។ សេចក្ដីសម្រេចដដែល នៅបានអះអាងទៀតថា សមាជិកនៃក្រុមប្រឹក្សាភិបាល និងអគ្គលេខាធិការដ្ឋាន ត្រូវមានការចូលរួម ពីស្ត្រីនិងយុវជន។

យ៉ាងណា ការសម្រេចនេះស្ថិតនៅក្នុងលក្ខណៈ ជាគម្រោងនៅឡើយ ដោយអង្គសន្និសីទអះអាង តម្រូវឲ្យមានការសុំយោបល់ ពីគណៈកម្មាធិការ​អចិន្ត្រៃយ៍គណបក្ស ជាមុនសិន។ អ្នកស្រី មូ សុខហួ អនុប្រធានគណបក្ស ត្រូវបានចាត់ឲ្យទទួលតួនាទី ស្នើសុំយោបល់នេះ ហើយគណៈកម្មការអចិន្ត្រៃយ៍ មានពេល១សប្ដាហ៍ ដើម្បីឆ្លើយតបទៅវិញ៕



លំអិតបន្ថែមទៀត

កម្ពុជា

មន្ត្រី CNRP ថា EBA ធ្វើឲ្យ ហ៊ុន សែន ក្លាយជា«ឃាតករ»

ក្រោយការបើកនីតិវិធីរបស់សហភាពអ៊ឺរ៉ុប ដើម្បីឈានទៅព្យួរប្រទេសកម្ពុជា ចេញពីកម្មវិធីអនុគ្រោះពន្ធ «EBA» នោះ ក្រុមមន្ត្រីរបស់គណបក្សសង្គ្រោះជាតិ (CNRP) បានចេញមកធ្វើប្រតិកម្មព្រោងព្រាត ជាពិសេសនៅបន្ទាប់ពីលោកនាយករដ្ឋមន្ត្រី ហ៊ុន សែន បានប្រកាស​ជំហររបស់រដ្ឋាភិបាលលោក ថាមិនយក«ឯករាជភាព ...
កម្ពុជា

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ...
កម្ពុជា

រដ្ឋាភិបាលកម្ពុជា​ព្រមាន​បណ្ដាជន ​ដែល​ត្រៀម​ទៅទទួល សម រង្ស៊ី ចូលស្រុក

ការប្រើប្រាស់ ការវិលត្រឡប់របស់«លោក សម រង្ស៊ី ចូលស្រុក»វិញ បើទោះបីជាតាមរយៈក្រុម ឬអង្គការណាក៏ដោយ ដើម្បីបង្កើតជារូបភាពនយោបាយ ពាក់ព័ន្ធទៅនឹងសកម្មភាព នៃគណបក្សសង្គ្រោះជាតិ ដែលត្រូវរបបដឹកនាំលោក ហ៊ុន សែន ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.