កម្ពុជាដំណឹង

កម្ពុជា​ទទួល​ការរំពឹង​ថា នឹង​ក្លាយជា​«ត្រយ៉ងសេដ្ឋកិច្ច»​នៅអាស៊ី!

បន្ទាប់ពី«ខ្លាសេដ្ឋកិច្ច» ឬ«ស្វីសនៅអាស៊ី» ពេលនេះជាវគ្គ«ហង្សសេដ្ឋកិច្ច»។ ប៉ុន្តែក្រុមអ្នកវិភាគ និងអ្នកឃ្លាំមើល បានរិះគន់តបវិញ​យ៉ាងចាស់ដៃ ដោយចំអកឡើងថា ក្នុងពេលខាងមុខ កម្ពុជាទទួលការរំពឹងថា នឹងក្លាយជាឥន្ទ្រីយ៍សេដ្ឋកិច្ច ឬ«ត្រយ៉ងសេដ្ឋកិច្ច» ជាក់ជាមិនខាន។

រលកនៃការរិះគន់ បានផ្ទុះឡើងក្នុងថ្ងៃនេះ បន្ទាប់ពីអ្នកជំនួញម្នាក់ ឈ្មោះ «ហង្ស» ប្រធានក្រុមហ៊ុនអចលនវត្ថុមួយ ដែលដាក់ឈ្មោះ «ហង្ស» ដែរនោះ អះអាងក្នុងពិធី ចុះកិច្ចសន្យារកស៊ីមួយ ជាមួយក្រុមហ៊ុនចិន នៅរាជធានីភ្នំពេញ ថាកម្ពុជានឹងក្លាយជា «ហង្សសេដ្ឋកិច្ច»។

ប្រព័ន្ធឃោសនាក្នុងស្រុក ស្រង់ក្ដីរំពឹងរបស់អ្នកជំនួញ ត្រកូល«ហង្ស»រូបនោះ មកផ្សាយថា កម្ពុជានឹងក្លាយជា «ហង្សផ្នែកសេដ្ឋកិច្ច​នៅអាស៊ី» នាពេលអនាគត ដ៏ខ្លីខាងមុខ បើគេមើលឃើញ ពី«សន្ទុះសេដ្ឋកិច្ចសព្វថ្ងៃ» របស់ប្រទេសនេះ ដែលកំពុងមាន«ការកើនឡើង ជាលំដាប់»។

ប៉ុន្តែការលើកឡើងនេះ មិនរំលងផុតពីក្រុមអ្នកតាមដានស្ថានភាពកម្ពុជា នៅលើបណ្ដាញសង្គមឡើយ។ ដូចអ្នកវិភាគឯករាជ្យ លោក អ៊ូ វីរៈ បានសំដែងការហួសចិត្តថា៖

«ខ្លាផង នាគផង ហង្សផង។ ដូចកំពង់សោមអញ្ចឹង មាកាវផង សាំងហ្គាពួរផង។»

ជួយស៊ៀអោយច្រើនច្រើន ខ្លាផង នាគផង ហង្សផង។ ដូចកំពង់សោម ចឹង មាកាវផង សាំងហ្គាពួរផង។

Posted by Virak OU on Friday, March 29, 2019


ខណៈអ្នកឃ្លាំមើលបញ្ហានយោបាយ និងសង្គម លោក ព្រហ្ម គិត បានចំអកឡើងដូច្នេះ៖

«នៅសល់ពាក្យច្រើនទៀត ដូចជាឥន្ទ្រីយ៍សេដ្ឋកិច្ច ស្ទាំងសេដ្ឋកិច្ច… ឬ ត្រយ៉ងសេដ្ឋកិច្ច !»

នៅសល់ពាក្យច្រើនទៀត ដូចជាឥន្ទ្រីយ៍សេដ្ឋកិច្ច ស្ទាំងសេដ្ឋកិច្ច… ឬត្រយ៉ងសេដ្ឋកិច្ច!

Posted by ព្រហ្ម គិត on Friday, March 29, 2019


ជាការតម្លើងខ្លួន ដែលមានលក្ខណៈ«ជ្រុលហួស»។ នេះ បើតាមលោក ម៉ែន ណាត ដែលសរសេរប្រៀបធៀបថា៖

«អស់ពី “ខ្លាសេដ្ឋកិច្ច” ឥឡូវឈានទៅ “ហង្សសេដ្ឋកិច្ច នៅអាស៊ីវិញម្តង! …​ អីក៏សម្បើមម្ល៉េះ? ប៉ុន្តែ ហ៊ុន សែន​ និយាយថ្ងៃនេះថា “សុំក្បាលរថភ្លើងចាស់ ពីថៃ​ យួន ចិន និងពី​ ជប៉ុន” ហើយថា “សរសេរសំបុត្រទៅ​យួន សុំទិញអគ្គីសនី​ ផ្គត់ផ្គង់បន្ថែម” ផង។»

អស់ពី “#ខ្លាសេដ្ឋកិច្ច” ឥឡូវឈានទៅ “#ហង្សសេដ្ឋកិច្ច នៅអាស៊ី” វិញម្តង! …​ អីក៏សម្បើមម្ល៉េះ? ប៉ុន្តែ ហ៊ុន សែន​…

Posted by ម៉ែន ណាត on Friday, March 29, 2019


ខ្លាសេដ្ឋកិច្ចវាពិបាកឆ្លងដែនទៅធ្វើកញ្ជេះគេពេក បើហង្សសេដ្ឋកិច្ចអាហ្នឹងវាមានស្លាបហោះហើយទៅកញ្ជេះគេបានច្រើន និងរហ័ស។

Posted by Svang Sochheang on Friday, March 29, 2019


និយាយពីអារឿងអួត គ្មានអ្នកណាជាងខ្មែរទេ! ពីខ្លាសេដ្ឋកិច្ច ទៅ នាគសេដ្ឋកិច្ច … អាលូវចេញហង្សអាស៊ី! 😁 👉ខណៈពេលនេះ យើងគឺជាខ្លាសេដ្ឋកិច្ច (ភ្លើងក៏ដាច់ ទឹកក៏ដាច់)🤣

Posted by កណ្តុរ ជើរី on Friday, March 29, 2019


ប្រទេសខ្លាសេដ្ឋកិច្ច ហើយអនាគតហង្សសេដ្ឋកិច្ច។

Posted by Yul Mao on Friday, March 29, 2019


រូបភាព​ប្រជាពលរដ្ឋ​ខ្មែរ​ ​ក្នុងប្រទេសខ្លាសេដ្ឋកិច្ច​ និង​ ហង្សសេដ្ឋកិច្ចប្រចាំអាសុី។ ពីជន​៖ជាតិ​និយម

Posted by Vanna Vorn on Thursday, March 28, 2019


You may also like

របាយការណ៍

«មនុស្ស​ជាង​៣០០​នាក់ ត្រូវ​បាន​សម្លាប់ ក្នុងរយៈពេល​២០ឆ្នាំ»

នៅតែប៉ុន្មានថ្ងៃមុនដំណើរមកដល់ នៃប្រធានាធិបតីអាមេរិក លោក បារ៉ាក់ អូបាម៉ា អង្គការឃ្លាំមើលសិទ្ធិមនុស្ស បានចេញ​របាយការណ៍មួយ ដែលលើកពីការសម្លាប់ និងការរំលោភធ្ងន់ធ្ងរ ក្នុងរយៈពេល​២០ឆ្នាំ ឬពីរទសវត្សរ៍ ក្រោមការកាន់អំណាច​ដោយ​ហឹង្សា របស់លោកនាយករដ្ឋមន្ត្រីហ៊ុន ...
កម្ពុជា

សម រង្ស៊ី ថា ហ៊ុន សែន រង់ចាំ​ដល់ថ្ងៃ​៣១កុម្ភៈ ទើបហ៊ាន​ចាក់​វ៉ាក់សាំងចិន

«ហ៊ុន សែន រង់ចាំ​ដល់ថ្ងៃ​៣១កុម្ភៈ ទើបហ៊ានចាក់វ៉ាក់សាំង របស់ចិន» នេះ ជាការចំអកឡើង របស់លោក សម រង្ស៊ី មេដឹកនាំប្រឆាំង នៅចំពោះផ្លាស់ប្ដូរ​ជំហររបស់នាយករដ្ឋមន្ត្រីកម្ពុជា ដែលបានសម្រេចថា ...
ដំណឹង

វៀតណាម​«លាង​ឈើ​កខ្វក់»​ពី​កម្ពុជា ដើម្បី​កំណើន​សេដ្ឋកិច្ច​ខ្លួន

ការ«លាង​ឈើ​កខ្វក់»លួចដឹកឈើដោយខុសច្បាប់ ចេញពីប្រទេសកម្ពុជា ទៅកាន់ប្រទេសវៀតណាម នៅតែមានជាបន្តនៅឡើយ និងមានចំនួនមិនតិចជាង ៣០ម៉ឺនម៉ែត្រគូបឡើយ។ នេះ បើតាមបានអានរបាយការណ៍មួយ របស់ «EIA» ទីភ្នាក់ងារស៊ើបអង្កេតអន្តរជាតិ ផ្នែកបរិស្ថានមួយ ដែលមានទីស្នាក់ការកណ្ដាលក្នុងរាជធានី ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...