បន្ទាប់ពីបណ្ដាញទូរទស្សន៍ «Al Jazeera» នៅថ្ងៃនេះគឺបណ្ដាញវិទ្យុ និងទូរទស្សន៍ «ABC» របស់ប្រទេស​អូស្ត្រាលី​តែម្ដង ដែលបានតាមស្រាវជ្រាវ រកឃើញពីទ្រព្យសម្បត្តិ ត្រកូល ហ៊ុន នៅក្នុងប្រទេសអូស្ត្រាលី ដែលមានតម្លៃរាប់លានដុល្លារ។ ការគាស់បង្ហាញ ដែលធ្វើឲ្យសំនួរជាច្រើនបានផ្ទុះឡើង ជុំវិញប្រភពចំណូល នៃទ្រព្យសម្បត្តិទាំងនោះ ខណៈសមាជិកខ្លះនៃត្រកូល ហ៊ុន មានប្រាក់បៀវត្សន៍ប្រចាំខែ មិនដល់១០០០​ដុល្លារផងទេ។

លោក ឌី វិជ្ជា ស្វាមីអ្នកស្រី ហ៊ុន ម៉ាណា និងលោក ហ៊ុន តូ សាច់ឈាមជិតដិតបំផុត នៃ​បុរសខ្លាំងកម្ពុជា មានទ្រព្យសម្បត្តិច្រើនលានដុល្លារ នៅក្នុងប្រទេសអូស្ត្រាលី ហើយបើ​គ្រាន់​តែគណនា សម្រាប់ឆ្នាំ២០១៨នេះ ទ្រព្យសម្បត្តិត្រួសៗរបស់ពួកគេ មានយ៉ាងតិច ក៏១០លានដុល្លារដែរ។ នេះ បើតាមរបាយការណ៍ដ៏វែងអន្លាយមួយ របស់បណ្ដាញវិទ្យុ និង​ទូរទស្សន៍​«ABC»​របស់កោះអូស្ត្រាលី ដែលបានចេញផ្សាយជាសាធារណៈ កាលពីម្សិលម៉ិញ។

«ABC» បានអះអាងថា បានប្រើប្រាស់បញ្ជី នៃអចលនទ្រព្យ និងសហគ្រាសឯកជន ក៏ដូចជាឯកសារស្រាវជ្រាវមួយទៀត ដែលទទួលបានពីប្រទេសកម្ពុជា ដើម្បីរកឃើញពីទំហំ ដ៏មហាសាលនៃទ្រព្យសម្បត្តិ របស់ពួកគេទាំងនោះ ដែលភាគច្រើនបាន និងកំពុងរស់នៅ ក្នុងតំបន់ជាយក្រុងដ៏ប្រណិតៗ នៃក្រុងមែលប៊ន (ភាគខាងត្បូងអូស្ត្រាលី)។

អគ្គ​ស្នងការ​រង​នគរបាល​​​​​​​​​​​​​ជាតិ លោក ឌី វិជ្ជា ដែលជាកូនប្រសារ របស់លោក ហ៊ុន សែន និងជាកូនប្រុស របស់អតីត​អគ្គស្នងការ​នគរបាល​ជាតិ​ លោក ហុក ឡងឌី ត្រូវបាន​សារព័ត៌មាន អះអាងថា ​មាន​គេហដ្ឋានដ៏ធំមួយ (មាន៧បន្ទប់) ដែលមាន​តម្លៃ ប្រមាណ​ជា ១.៥ លាន​ដុល្លារ នៅក្នុងក្រុង «Point Cook» ចម្ងាយ​២៥គីឡូម៉ែត្រ ខាងលិចក្រុង មែលប៊ន។ ​

កាលពីខែឧសភា ក្រុមហ៊ុនរបស់​លោក ឌី វិជ្ជា បាន​លក់​ឃ្លាំង​មួយ​ មានតម្លៃ​ជាង ៥,០៨ លាន​ដុល្លារ នៅក្នុងសង្កាត់កិច្ចការជំនួញ ដ៏ល្បីមួយ ឈ្មោះ «Dandenong South»។

ប្រព័ន្ធផ្សព្វផ្សាយ​បាន​រក​ឃើញ​ថា ក្មួយ​ប្រុសលោក ហ៊ុន សែន គឺ​លោក ហ៊ុន តូ បានទិញ​ផ្ទះ ក្នុង​តម្លៃ​ប្រមាណជា ១,៣​លាន​ដុល្លារ នៅ​អូស្ត្រាលី​ដែរ ខណៈប្រពន្ធ​របស់​លោក ហ៊ុន តូ មានអចលនទ្រព្យ​មួយ​កន្លែង​ទៀត​ ដែលមានតម្លៃ​ជាង ៦​សែន​ដុល្លារ។

ក្រោយមក អចលនទ្រព្យនោះ ត្រូវបានផ្ទេរ​កម្មសិទ្ធិ ទៅឲ្យ​បងប្អូន​បង្កើត​របស់លោក ហ៊ុន តូ ជាអ្នក​គ្រប់គ្រង​វិញ។

» លោក ហ៊ុន តូ អង្គុយពីលើកេសស្រា (រូបថតលើហ្វេសប៊ុក)៖

នេះជាការគាស់កកាយថ្មីទៀត ពីសំណាក់ប្រព័ន្ធផ្សព្វផ្សាយបរទេស ទៅលើទ្រព្យសម្បត្តិ​រាប់លានដុល្លារ នៃក្រុមសាច់ឈាម​ជិតដិត​របស់លោក ហ៊ុន សែន នៅត្រឹមតែក្នុង​រយៈពេល​បីខែចុងក្រោយ។

កាលពីដើមខែកក្កដា បណ្ដាញទូរទស្សន៍ «Al Jazeera» បាន​អង្កេតរកឃើញ ការបង្វិល​និងការផ្ទេរប្រាក់ ដ៏គួរឲ្យសង្ស័យ ក្នុងកម្រិតរាប់​សិបលាន​ដុល្លារ​ផ្សេងទៀត ដែលទំនងជាជាប់ទាក់ទង នឹងលោក គង់ វិបុល អគ្គនាយក នៃ​អគ្គនាយកដ្ឋាន​ពន្ធដារកម្ពុជា។

ប៉ុន្តែតបនឹងការអង្កេត របស់ស្ថានីយ៍ទូរទស្សន៍នោះ លោក គង់ វិបុល បានបដិសេធថា ជាការរកឃើញមិនត្រឹមត្រូវ និងបានភ្ជាប់រឿងរ៉ាវផ្ទាល់ខ្លួនទាំងនេះ ទៅនឹងការប៉ុនប៉ង​បង្ខូច​ឈ្មោះរដ្ឋាភិបាលកម្ពុជា។

យ៉ាងណា លោក គង់ វិបុល នៅតែត្រូវបានបណ្ដាញវិទ្យុ និងទូរទស្សន៍ «ABC» អង្កេត​ជាថ្មី​ទៀត ដោយរកឃើញថា ​ទីប្រឹក្សាផ្ទាល់របស់​លោក ហ៊ុន សែន រូបនេះ មាន​ភាគហ៊ុនក្នុង​ដី​មួយ​កន្លែង ដែលត្រូវបានទិញ ​កាលពី​ខែ​មីនា ឆ្នាំ​២០០៧ ក្នុង​ទឹកប្រាក់ប្រមាណជា ២១,៤ លាន​ដុល្លារ។

«ABC» នៅបន្តរក​ឃើញទៀត​ថា លោក គង់ វិបុល មានអចលនទ្រព្យ​ជាច្រើន​កន្លែង​ទៀត ​នៅលើកោះ​អូស្ត្រាលី រួម​ទាំងគេហដ្ឋានដ៏ស្កឹមស្កៃរបស់លោក ដែលមាន​តម្លៃ ៦​សែន​ដុល្លារ នោះ​ផង។

» លោក គង់ វិបុល និងអ្នកស្រី ហ៊ុន ម៉ាណា (រូបថតលើហ្វេសប៊ុក)៖

ការទម្លាយចេញ​របស់​ប្រព័ន្ធផ្សព្វផ្សាយអូស្ត្រាលី ដែលបានពន្យល់ ពីលទ្ធភាពជាប់សង្ស័យ ទៅនឹងវិធីសាស្ត្រលាងលុយកខ្វក់ ពីប្រទេស​កម្ពុជា​ខាងលើ ត្រូវបានមន្ត្រីអ្នកនាំពាក្យ​ទីស្ដីការ​គណៈរដ្ឋមន្ត្រីកម្ពុជា លោក ផៃ ស៊ីផាន ច្រានចោល និងបញ្ជាក់ជំហរ មិនខ្វាយខ្វល់​អ្វីឡើយ ដោយហេតុថា នេះគ្រាន់តែជាការចុះផ្សាយ របស់សារព័ត៌មានប៉ុណ្ណោះ។

លោក ស៊ីផាន មានប្រសាសន៍ថា បើទោះជាមន្ត្រីរដ្ឋាភិបាលកម្ពុជា មានប្រាក់បៀវត្សរ៍​តិច​ក៏ដោយ តែពួកគេនៅតែអាចមានប្រាក់ និងទ្រព្យសម្បត្តិ រហូតដល់រាប់លានដុល្លារបាន ដោយសារមន្ត្រីទាំងនោះ រកស៊ីទិញលក់ដីធ្លី៕



លំអិតបន្ថែមទៀត

កម្ពុជា

ការសម្រេច​របស់ EU ក្នុង​ការយកពន្ធ​អង្ករខ្មែរ ជា«អាវុធ​​ធ្វើ​ឃាត»​ពលរដ្ឋ

ការសម្រេច​លប់ចោល ការអនុគ្រោះពន្ធ លើផលិតផលអង្ករកម្ពុជា មាន«​ឥទ្ធិពល​គ្រប់គ្រាន់» សម្រាប់​ដកហូត​ចំណូល ​របស់​ប្រជាកសិករ​ក្រីក្រ​កម្ពុជា និង​ជា​«អាវុធ​​ធ្វើ​ឃាត»​​ពួកគាត់ និង​ក្រុមគ្រួសារ ដែល​កំពុង​ជាប់បំណុល ជាមួយនឹង​ស្ថាប័ន​ឥណទាន ដែល​បាន​ផ្តល់​ប្រាក់​កម្ចី​ ដល់​ពួកគាត់។​ នេះ ...
កម្ពុជា

សម រង្ស៊ី និទានពី​រឿង​នាឡិកា​ជ័រ​របស់លោក​ដែលថ្លៃ​«តែ១៨ដុល្លារ»

នាឡិកាជ័រពណ៌ខ្មៅ នៅនឹងកដៃរបស់លោក សម រង្ស៊ី ត្រូវបានលោកអះអាងថា មានតម្លៃ តែ១៨ដុល្លារ ប៉ុណ្ណោះ។ បើទោះជាលោក រង្ស៊ី មិនព្រលយចេញក៏ដោយ តែអ្នកគាំទ្ររបស់លោកច្រើននាក់ បានធ្វើការប្រៀបធៀប ...
របាយការណ៍

ប្រ៊ែដ អាដាម៖ ភាព​ទន់ភ្លន់​របស់​អ៊ឺរ៉ុប​ចំពោះ ហ៊ុន សែន ជា​ពេលខ្ជះខ្ជាយ

នាយកអង្គការឃ្លាំមើលសិទ្ធិមនុស្ស ទទួលបន្ទុកតំបន់អាស៊ី លោក ប្រ៊ែដ អាដាម (Brad Adams) បានអះអាង​ថា ការប្រើប្រាស់​វិធីសាស្ត្រ​ការទូត តាមបែបទន់ភ្លន់ ជាមួយលោកនាយករដ្ឋមន្ត្រី ហ៊ុន សែន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...