ដូចទស្សនាវដ្ដីមនោរម្យ.អាំងហ្វូ បានជូនដំណឹងនៅក្នុងអត្ថបទមុនរួច បាតុកម្មអាវកាក់លឿង ក្នុងថ្ងៃសៅរ៍ទី១៦ ខែមិនា ឆ្នាំ២០១៩នេះ បានយកយករដ្ឋធានីប៉ារីស ធ្វើជាទិសដៅនៃការជួបជុំគ្នា សម្រាប់ចលនាលើកទី១៨របស់ពួកគេ ដើម្បីសំដែងការខឹងសម្បារ​ទល់នឹងនយោបាយដឹកនាំ របស់រដ្ឋាភិបាលបារាំង។

ប៉ុន្តែនៅទីបំផុតទៅ ក្រុមបាតុករដែលមានសមាសភាចម្រុះគ្នា បានប្រែក្លាយការជួបជុំគ្នា តាមបែបប្រជាធិបតេយ្យនេះ ទៅជាហេតុការណ៍វាយបំបាក់-ឆក់ប្លន់-ដុតបំផ្លាញ ទៅលើទ្រព្យសម្បត្តិសាធារណៈ-ឯកជន ដូចជារថយន្ដនគរបាល តូប-ហាងលក់ទំនិញ និងភោជនីយដ្ឋាន ដែលសុទ្ធសឹងជានិមិត្តរូប នៃប្រទេសបារាំង និងរដ្ឋធានីប៉ារីស។

ហេតុការណ៍បានកើតឡើង ចាប់តាំងពីព្រឹកថ្ងៃសៅរ៍នេះ រហូតមកដល់ល្ងាចថ្ងៃដដែល។ ទស្សនាវដ្ដីមនោរម្យ.អាំងហ្វូ សូមដកស្រង់យកវីដេអូ ដ៏រន្ធត់ និងគួរឲ្យសោកស្ដាយមួយចំនួន នៃហេតុការណ៍ខាងលើ មកជម្រាបដូចខាងក្រោម៖

» តូបលក់កាសែតជាច្រើន ត្រូវបានវាយបំបាក់ និងដុតបំផ្លាញ៖

» សាខាធនាគារ «Tarneaud» ត្រូវបានដុតបំផ្លាញ។ ហេតុការណ៍នេះ តម្រូវឲ្យអាជ្ញាធរជម្លៀសអ្នករស់នៅ ជាន់ខាងលើៗធនាគារចេញ ក្នុងនោះមានទាំងស្ត្រី និងទារកផង៖

» ភោជនីយដ្ឋាន «Fouquet’s» នៅលើដងមហាវិថី «Champs-Elysées» ត្រូវបានវាយបំបាក់ និងដុតបំផ្លាញ។ ភោជនីយដ្ឋានមួយនេះ មានឈ្មោះ​នៅក្នុង​បញ្ជី​បេតិកភ័ណ្ឌប្រវត្តិសាស្ត្រ នៃប្រទេសបារាំង។


» ហាងលក់កាបូប នៃយីហោ «LongChamp» ដ៏ថ្លៃ ក៏ដូចជាហាងលក់សម្លៀកបំពាក់ នៃយីហោ «Zara» ឬយីហោ «Hugo Boss»



» ហាងលក់កាហ្វេ-ម៉ាស៊ីនធ្វើកាហ្វេ «Nespresso» និងហាងលក់គ្រឿងអលង្កាប្រណិត នៃយីហោ «Swarovski» ស្ថិតក្នុងចំណោមហាងលក់ទំនិញ ដ៏ប្រណិតៗទាំងឡាយ ដែលរងការវាយកំទេច និងឆក់ប្លន់៖

» ការដុតបំផ្លាញរថយន្ដនគរបាល នៅក្នុងសង្កាត់ «Les Halles» កណ្ដាលរដ្ឋធានី៖


តុល្យភាពជាផ្លូវការ នៃការបំផ្លិចបំផ្លាញ មិនទាន់ឲ្យដឹងនៅឡើយ។ អាជ្ញាធរបារាំងបានអះអាងថា មនុស្ស២៣៧នាក់ ត្រូវបានឃាត់ខ្លួន ហើយភាគច្រើនពីក្នុងចំណោមនោះ ត្រូវបានយកទៅដាក់ឃុំ ជាបណ្ដោះអាសន្ន។ នៅក្នុងការប្រឈមមុខគ្នា​នោះ ភ្នាក់ងារនគរបាល១៧នាក់ អ្នកជួយសង្គ្រោះម្នាក់ និងបាតុករ៤២នាក់ បានរងរបួស។

លោក គ្រីស្តូហ្វ៍ កាស្តាណេ (Christophe Castaner) រដ្ឋមន្ត្រីមហាផ្ទៃបារាំងបានលើកឡើងថា ក្រុមជនវាយបំបាក់ និងដុតបំផ្លាញទាំងនោះ សុទ្ធសឹងជាអ្នកជំនាញ និងមានការរៀបចំទុកជាមុន ដើម្បីបង្កើតហេតុការណ៍ទាំងនេះឡើង។ លោកបានបញ្ជាក់ថា រដ្ឋាភិបាលនឹងចាត់វិធានការតបតវិញ ប្រកបដោយភាពម៉ឺងម៉ាត់បំផុត។ 

គួបញ្ជាក់ដែរថា សម្រាប់ចលនាលើកទី១៨ នៃ«បាតុកម្មអាវកាក់លឿង» ក្នុងចុងសប្ដាហ៍នេះ ចំនួនបាតុករនៅទូទាំងប្រទេសបារាំង មានចំនួន ៣២ ៣០០នាក់ បានកើនឡើងបន្តិច ជាងសប្ដាហ៍កន្លងទៅ ដែលមានចំនួនតែ ២៨ ៦០០នាក់។ នេះបើតាមតួលេខ ផ្ដល់ដោយក្រសួងមហាផ្ទៃបារាំង៕



You may also like

ដំណឹង

«គ្រោះអគ្គិភ័យ»​នៅប៉ារីស​សម្លាប់មនុស្ស​១០នាក់ – សង្ស័យ​មានអ្នកដុត

មនុស្ស១០នាក់ បានស្លាប់ និងជាង៣០នាក់ផ្សេងទៀត បានរងរបួស នៅក្នុង«គ្រោះអគ្គិភ័យ»ដ៏ខ្លាំងមួយ កាលពីវេលាទៀបភ្លឺព្រឹកម៉ិញ ដែលបានឆេះកម្ទេចមួយផ្នែក នៃអាគារលំនៅដ្ឋានមួយ ក្នុងសង្កាត់ទី១៦ នៃរដ្ឋធានីប៉ារីស ប្រទេសបារាំង។ នេះ បើតាមតុល្យភាពបណ្ដោះអាសន្ន ...
ដំណឹង

រដ្ឋាភិបាល​បារាំង​គ្រោងធ្វើ​ច្បាប់​«ប្រឆាំង​ជនបំផ្លាញ»​ពេល​ធ្វើបាតុកម្ម

រដ្ឋាភិបាលបារាំងកំពុងសិក្សា ពីការបង្កើតច្បាប់មួយ បំពេញបន្ថែមទៅលើច្បាប់ធ្វើបាតុកម្ម ដើម្បីអនុញ្ញាតឲ្យចាត់វិធានការ ប្រឆាំង​ជនបំផ្លាញ និងប្រឆាំងបាតុកម្មទាំងឡាយ ដែលមិនបានជូនដំណឹង ទៅអាជ្ញាធរ។ នេះ បើតាមការអះអាងឡើង របស់លោក អេឌូអឆរ ហ្វីលីព ...
ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...

Comments are closed.

More in ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

សេក មនោរកុមារ
កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...