ដំណឹងបារាំង

រូបភាព​ចុងក្រោយ នៅ​ពេល​ខ្មាន់កាំភ្លើង​ត្រូវ​បាន​បង្ក្រាប

ការតាមប្រមាញ់ជនសង្ស័យ ដែលមានរយៈពេល២ថ្ងៃ ត្រូវបានបញ្ចប់ កាលពីយប់ថ្ងៃព្រហស្បត្តិ៍ម្សិលម៉ិញ។ ជនសង្ស័យ ជាខ្មាន់កាំភ្លើង ឈ្មោះ «Chérif Chekatt» ត្រូវបានអាជ្ញាធរបង្ក្រាប ដោយបានបាញ់សម្លាប់ នៅនឹងកន្លែង។

រដ្ឋអាជ្ញាបារាំង ដែលទទួលបន្ទុកស៊ើបអង្កេត ក្នុងរឿងនេះ បានអះអាងថា ជនសង្ស័យបានបើកការបាញ់ប្រហារមុន មកលើកងកម្លាំងនគរបាល ដែលបានហៅជននេះ ដើម្បីធ្វើការត្រួតពិនិត្យ ក្រោយពីទទួលបាន​ការរាយការណ៍ ពីពលរដ្ឋ។ តែជននេះ បានដកកាំភ្លើងខ្លីរបស់ខ្លួន បាញ់សំដៅក្រុមនគរបាល ដែលជាហេតុធ្វើឲ្យកងកម្លាំង ត្រូវតបតរវិញ។

បើតាមការប្រកាសមួយ របស់ទីភ្នាក់ងារឃោសនា «Amaq» របស់អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS) បុរសឈ្មោះ «Chérif Chekatt» អាយុ២៩ឆ្នាំខាងលើ គឺជាយុទ្ធជនរបស់ខ្លួន។

ទីភ្នាក់ងារឃោសនា របស់ក្រុមរដ្ឋអ៊ីស្លាម បានពន្យល់ថា ជនសង្ស័យបានធ្វើសកម្មភាពបាញ់ប្រហារ កាលពីយប់ថ្ងៃអង្គារ គឺដើម្បីឆ្លើយតប នឹង«ការអំពាវនាវ របស់ក្រុមខ្លួន [ក្រុមរដ្ឋអ៊ីស្លាម] ឲ្យវាយប្រហារ ទៅលើប្រទេសមួយចំនួន  ដែលជាមុខសញ្ញាឃុបឃិតគ្នា ក្នុងសម្ព័ន្ធភាពអន្តរជាតិ សម្រាប់ធ្វើការវាយប្រហារ ទៅលើក្រុមរដ្ឋអ៊ីស្លាម នាប្រទេសស៊ីរី និងអៀរ៉ាក់»។

ប៉ុន្តែការប្រកាសរបស់ក្រុមរដ្ឋអ៊ីស្លាម ត្រូវបានរដ្ឋមន្ត្រីមហាផ្ទៃបារាំង លោក គ្រីស្ដូហ្វ៍ កាស្ដាណេរ (Christophe Castaner) ច្រានចោល ដោយហៅសេចក្ដីប្រកាសនោះ គ្រាន់តែជាការឆ្លៀតឱកាស របស់អង្គការភេរវនិយម មួយនេះប៉ុណ្ណោះ

ខាងក្រោមនេះ ជារូបភាពនៅពេលបុរស «Chérif Chekatt» ត្រូវបានបាញ់​សម្លាប់ ហើយដែល​ត្រូវបាន​សារព័ត៌មាន​មួយ ក្នុងប្រទេស​ប៊ែលហ្សិក យកទៅ​ផ្សព្វផ្សាយ​ដំបូងគេ៖



You may also like

ដំណឹង

អ្នកជំនាញ អ.ស.ប បរិហាររដ្ឋាភិបាល​បារាំងថា បាន​រឹតត្បិត​សិទ្ធិធ្វើ​បាតុកម្ម

សិទ្ធិធ្វើបាតុកម្មក្នុងប្រទេសបារាំង «រងការរឹតត្បិត ដោយគ្មានតុល្យភាពត្រឹមត្រូវ» នេះបើតាមការអះអាងឡើង ក្នុងរបាយការណ៍មួយ របស់ក្រុម«អ្នកជំនាញ»ឯករាជ្យ នៃអង្គការសហប្រជាជាតិ (អ.ស.ប) ដែលចេញផ្សាយកាលពីថ្ងៃទី១៤ ខែកុម្ភៈ ឆ្នាំ២០១៩នេះ ដើម្បីវាយតម្លៃ ពីបាតុកម្ម​រយៈពេល​៣ខែកន្លងមក ...
ដំណឹង

បារាំងបន្ត​ដាក់សម្ពាធ ខណៈ ត្រាំ ព្រមាន​បញ្ជូនទ័ព​ទៅ​វេណេស៊ុយអេឡា

បារាំងបន្ត​ដាក់សម្ពាធ ដោយបានរំឭកលោក នីកូឡា ម៉ាឌូរ៉ូ (Nicolas Maduro) ប្រធានាធិបតីវេណេស៊ុយអេឡា ក្នុងថ្ងៃអាទិត្យនេះ ជុំវិញឱសានវាទរបស់ខ្លួន ដែលបានដាក់ជាមួយប្រទេសជាច្រើន ក្នុងសហភាពអ៊ឺរ៉ុប កាលពីសប្ដាហ៍មុន។ សហរដ្ឋអាមេរិកវិញ ...
ដំណឹង

កងទ័ព​បារាំង​ប្រតិបត្តិការ​រំដោះ ចំណាប់ខ្មាំង​៤នាក់ តែ​ពលីទាហាន​២នាក់

ទាហានបារាំងពីរនាក់​បានបាត់បង់ជីវិត ក្នុងប្រតិបត្តិការដ៏សំខាន់មួយ នៅប្រទេសប៊ួគីណាហ្វាសូ (ទ្វីបអាហ្វ្រិកខាងលិច) ដើម្បីរំដោះ ចំណាប់ខ្មាំង​៤នាក់ ក្នុងនោះ២នាក់ជាតិបារាំង ម្នាក់ជាតិអាមេរិកាំង និងម្នាក់ទៀតជាតិកូរ៉េខាងត្បូង។ វិមានប្រធានាធិបតីបារាំង «Elysée» បានឲ្យដឹង នៅក្នុងសេចក្ដីប្រកាសព័ត៌មានមួយថា៖ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...