កម្ពុជាដំណឹង

CNRP ថ្កោលទោស និងហៅ​ការចាប់​ខ្លួន រ៉ុង ឈុន ថា«រំលោភច្បាប់»

លោកសាស្ត្រាចារ្យ រ៉ុង ឈុន នៅក្នុងរថយន្ដនគរបាល នៅក្រោយលោកត្រូវបានចាប់ខ្លួន ក្នុងយប់ថ្ងៃសុក្រ ទី៣១ ខែកក្កដា ឆ្នាំ២០២០។ (រូបថតនគរបាល)
លោកសាស្ត្រាចារ្យ រ៉ុង ឈុន នៅក្នុងរថយន្ដនគរបាល នៅក្រោយលោកត្រូវបានចាប់ខ្លួន ក្នុងយប់ថ្ងៃសុក្រ ទី៣១ ខែកក្កដា ឆ្នាំ២០២០។ (រូបថតនគរបាល)

ការចាប់ខ្លួនលោកសាស្ត្រាចារ្យ រ៉ុង ឈុន ក្នុងយប់ថ្ងៃទី៣១ ខែកក្កដា ឆ្នាំ២០២០នេះ ទទួល​បានការថ្កោលទោស ពីគណបក្សសង្គ្រោះជាតិ ដោយហៅការចាប់ខ្លួននេះ ជាទង្វើ​«រំលោភច្បាប់»​យ៉ាងកម្រោល ពីសំណាក់របបក្រុងភ្នំពេញ។

សេចក្ដីថ្លែងការណ៍ របស់គណបក្សសង្គ្រោះជាតិ ដែលទស្សនាវដ្ដីបានទទួល នៅមុននេះ បានលើកឡើងថា សកម្មភាពរបស់លោក រ៉ុង ឈុន ក្នុងការចុះជួបពលរដ្ឋ នៅតាម​តំបន់​ជាប់ព្រំដែន កម្ពុជា-វៀតណាម ត្រូវបានធានាដោយច្បាប់ជាតិ និងអន្តរជាតិ ជាពិសេស​រដ្ឋធម្មនុញ្ញ របស់ប្រទេសកម្ពុជា។

គណបក្សប្រឆាំង ដែលត្រូវតុលាការរបបក្រុងភ្នំពេញ ចេញដីការំលាយ តាំងពី​ចុងឆ្នាំ​២០១៧ បានសរសេរថា៖

«សកម្មភាពទាំងនេះ របស់លោក រ៉ុង ឈុន គួរត្រូវបានគោរពគាំទ្រ និងការលើកទឹកចិត្ត នៃរបបក្រុងភ្នំពេញ តែផ្ទុយទៅវិញ បែរជារបបក្រុងភ្នំពេញធ្វើទុក្ខបុកម្នេញ និងចាប់ខ្លួន​លោក រ៉ុង ឈុន ដោយអយុត្តិធម៌ និងរំលោភបំពានច្បាប់ យ៉ាងកម្រោលទៅវិញ។»

នៅវេលាម៉ោង៩ និង៤០នាទី ក្នុងយប់​ថ្ងៃទី​៣១ ខែកក្កដា លោក​សាស្ត្រាចារ្យ រ៉ុង ឈុន ត្រូវបានក្រុមមន្ត្រីស្លៀកពាក់ស៊ីវិល ប្រមាណជា៣០នាក់ ចាប់ខ្លួន ពីក្នុង​គេហដ្ឋាន​របស់​លោក ដែលស្ថិតក្នុងសង្កាត់​ចាក់អង្រែក្រោម ខណ្ឌមានជ័យ រាជធានីភ្នំពេញ។ នេះ បើ​តាម​ដំណឹង ដែលផ្ដល់ដោយ​អ្នកជិតដិត​របស់​លោក​ នៅក្រោយការចាប់ខ្លួន មុននឹង​អះអាង​បន្ថែម ដោយប្រព័ន្ធឃោសនាក្នុងស្រុក។

គណបក្សសង្គ្រោះជាតិ បានអំពាវនាវទៅកាន់សហគមន៍អន្តរជាតិ ជាពិសេស​បណ្ដា​ប្រទេស​​ម្ចាស់​ហត្ថលេខី នៃកិច្ចព្រមព្រៀងក្រុងប៉ារីស ឆ្នាំ១៩៩១ ឲ្យចាត់វិធានការ​ជាក់លាក់ ពិតប្រាកដ និងបន្ទាន់ ដើម្បីជំរុញឲ្យមានការដោះលែងលោក រ៉ុង ឈុន និង​អ្នកទោស​មនសិការទាំងអស់៕



You may also like

កម្ពុជា

សម រង្ស៊ី ប្ដឹងឡើងទៅ EU ករណីអាជ្ញាធរគម្រាមមន្ត្រី CNRP នៅ​មូលដ្ឋាន

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានសរសេរលិខិតមួយ ដែលលោកអះអាងថា ជាពាក្យប្តឹង ឡើងទៅកាន់ មន្ត្រីទទួលខុសត្រូវជាច្រើននាក់ របស់សហភាពអឺរ៉ុប ដើម្បីពន្យល់បន្ថែមពីករណី ដែលអាជ្ញាធរកម្ពុជាធ្វើការគម្រាមកំហែង ទៅលើមន្ត្រី ...
កម្ពុជា

សម រង្ស៊ី បន្តផ្ញើរសារឲ្យ «ស ខេង វ៉ៃ ហ៊ុន សែន មុន ហ៊ុន សែន វ៉ៃ ស ខេង»

ជាថ្មីម្ដងទៀត មេដឹកនាំប្រឆាំងកម្ពុជា លោក សម រង្ស៊ី បានថ្លែងឲ្យដឹងថា រវាងលោក ហ៊ុន សែន នាយករដ្ឋមន្ត្រី និងលោក ស ខេង ...
លោក វ៉ា គឹមហុង (រូបអង្គុយខាងឆ្វេង) ប្រធានគណៈកម្មការចម្រុះកិច្ចការព្រំដែនកម្ពុជា និងលោក ឡឺ ហ្វាវត្រឹង សមភាគីវៀតណាម បានចុះហត្ថលេខារួមគ្នា ក្រោមអធិបតីរបស់នាយករដ្ឋមន្ត្រី នៃប្រទេសទាំងពីរ កាលពីថ្ងៃទី៣១ ខែមីនា ឆ្នាំ២០១៨។ (រូបថតកាសែតវៀតណាម)។
កម្ពុជា

វ៉ា គឹមហុង បានចុះ​ហត្ថលេខា​«សម្ងាត់»​ទទួលផែនទី​ព្រំដែន​ពី​វៀតណាម?

ខណៈលោកសាស្ត្រាចារ្យ រ៉ុង ឈុន ត្រូវបានអាជ្ញាធររបបក្រុងភ្នំពេញ ចាប់ខ្លួន​ឃុំក្នុង​ពន្ធនាគារ ព្រោះ​បានចុះ​ទៅមើលបញ្ហា​នៅ​ព្រំដែននោះ នៅថ្ងៃទី១ ខែសីហា ឆ្នាំ២០២០នេះ នៅ​ច្រក​អន្តរជាតិ ម៉ុកបៃ (Moc Bai) ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...