ស្ត្រីម្នាក់ ពីក្នុងចំណោមស្ត្រីពីរនាក់ បានទទួលមរណភាព បន្ទាប់ពី ត្រូវរថយន្ដពណ៌ស បើកបំបុកហ្វូងបាតុករ ពេញមួយល្បឿន លើផ្លូវ «I-5» នៅក្រុង «Seattle» សហរដ្ឋ​អាមេរិក កាលពីថ្ងៃសៅរ៍​សប្ដាហ៍មុន។ ម្ចាស់ចង្កូត នៃរថយន្ដបង្ក ត្រូវបានចាប់ខ្លួន និងយកទៅដាក់ឃុំ។

រូបភាពរបស់អ្នកសារព័ត៌មានមួយរូប ដែលថតព្រឹត្តិការណ៍នេះ ពីចំងាយបានបង្ហាញ ពីល្បឿនរថយន្ដ​ដ៏លឿន បើកបុកចូលហ្វូងបាតុករ និងបានបំប៉ើងស្ត្រីពីរនាក់ ឲ្យខ្ទាតឡើងលើ ដូចសំឡី។

នៅមុនពេលកើតហេតុ ស្ត្រីរងគ្រោះម្នាក់ កំពុងបង្ហោះរូបភាពផ្សាយផ្ទាល់ នៅលើទំព័រ​សង្គម ហ្វេសប៊ុក របស់នាង។ តែរំពេចនោះ នៅក្រោយសម្លេង​បាតុករ ដែលបានស្រែក​ឲ្យឮឡើងថា «ប្រយ័ត្ន! ឡាន! ឡាន!» រូបភាពផ្សាយផ្ទាល់​របស់នាង បានក្រឡប់ចាក់ ហើយបានដាច់ ជាមួយនឹងសន្ធឹក​ប៉ះទង្គិច​មួយដ៏ខ្លាំង។

ជនកាន់ចង្កូតរថយន្ដបង្ក ដែលមានតែជននេះម្នាក់ បានបើករថយន្ដគេចចេញ ពី​កន្លែង​កើតហេតុ តែត្រូវបាតុករម្នាក់ ជិះរថយន្ដដេញតាមទាន់ នៅចម្ងាយ​ប្រមាណជា ១គីឡូម៉ែត្រ​ ពីកន្លែងកើតហេតុ។

វិថី «I-5» បានបិទ​តាំងពី៣សប្ដាហ៍​មកហើយ បន្ទាប់ពីផ្ទុះបាតុកម្ម ជាបន្តបន្ទាប់ នៅ​សហរដ្ឋអាមេរិក ជាពិសេស នៅក្រុង «Seattle» ដើម្បីទាមទាររកយុត្តិធម៌ របស់​បុរស​ស្បែកខ្មៅ ជក ផ្លយ (George Floy) ព្រមទាំងសិទ្ធិស្មើភាព សម្រាប់បណ្ដាជន​ស្បែកខ្មៅ​ទូទៅ។

អ្នកស៊ើបអង្កេតរបស់អាជ្ញាធរ បានស្វែងរកអាថ៌កំបាំង ដែលនៅពីក្រោយ​ហេតុការណ៍​នេះ ថាតើជន​កាន់ចង្កូត មានបំណងជិះបុកបាតុករ (ជាការវាយប្រហារ ដោយមាន​គោលដៅ​ច្បាស់លាស់) ឬយ៉ាងណា៕



You may also like

ដំណឹង

បោះឆ្នោត​ប្រធានាធិបតីអាមេរិក៖ បៃដិន ឈ្នះអង្គបោះឆ្នោត ៣០៦សំឡេង

លទ្ធផលព្យាករណ៍ចុងក្រោយ បានចេញផ្សាយឲ្យដឹង នៅទីបំផុត៖ លោក ចូ បៃដិន (Joe Biden) បេក្ខជន​មកពីគណបក្សប្រជាធិបតី បាន«ឈ្នះអង្គបោះឆ្នោត (អ្នកតំណាង​ម្ចាស់ឆ្នោត) រហូតដល់៣០៦​សំឡេង» ទល់នឹងលោក ...
ដំណឹង

ត្រាំ បង់ពន្ធប្រកាស ៧៥០​ដុល្លារ តែចំណាយ​៧ម៉ឺនដុល្លារ​ដើម្បី​កាត់សក់

លោក ដូណាល់ ត្រាំ (Donald Trump) ប្រធានាធិបតីអាមេរិក បានបង់ពន្ធប្រកាស ត្រឺមតែ ៧៥០​ដុល្លារ ប៉ុណ្ណោះ ដែលខុសគ្នាឆ្ងាយ ពីតម្លៃកាត់សក់របស់លោកម្ដងៗ ដែល​មានកម្រិត ...
ដំណឹង

អាមេរិក៖ បក្សប្រជាធិបតេយ្យ​ឈ្នះក្នុងរដ្ឋ​«Georgia»​និងដឹកនាំព្រឹទ្ធសភា

បេក្ខជនមកពីគណបក្សប្រជាធិបតេយ្យ លោក «Jon Ossoff» បានឈ្នះយ៉ាងប្រផិតប្រផើយ លើលោក «David Perdue» សមាជិកព្រឹទ្ធសភាចប់អាណត្តិ និងជាបេក្ខជន​មកពីគណបក្សសាធារណរដ្ឋ នៅក្នុងការបោះឆ្នោតជ្រើសតាំង សមាជិកព្រឹទ្ធសភាជុំទីពីរ ក្នុងរដ្ឋ«Georgia» ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...