កម្ពុជាដំណឹង

ទូត​អាមេរិក ថាបាន​ផ្ដល់​ការសម្ងាត់​ឲ្យ​អាជ្ញាធរ​ខ្មែរ​ចាប់​ភ្លុក​ដំរី​​​ជាង៣តោន

ស្ថានទូតសហរដ្ឋអាមេរិក ប្រចាំប្រទេសកម្ពុជា បានអះអាងថា ការស៊ើបអង្កេត របស់ផ្នែកជលផល និងសត្វព្រៃ សហរដ្ឋអាមេរិក រួមនឹងផ្នែកព័ត៌មានសំងាត់ របស់ក្រសួងសន្តិសុខមាតុភូមិអាមេរិក បានផ្ដល់ព័ត៌មាន ដល់នាយកដ្ឋានគយ និងរដ្ឋករកម្ពុជា រហូតនាំទៅដល់ការរិបអូសបាន នូវភ្លុកដំរីចំនួន [ជាង]១០០០ដុំ ដែលមានទំងន់ជិត ៣៥០០ គីឡូក្រាម។

ភ្លុកដំរីទាំង ១០២៦នោះ ត្រូវបានអាជ្ញាធរគយកម្ពុជា ឆែកឆេររកឃើញ ក្នុងថ្ងៃទី១៤ ខែធ្នូ ឆ្នាំ២០១៨ ម្សិលម៉ិញ នៅកំពង់ផែស្វយ័តភ្នំពេញ ក្នុងកុងតឺន័រមួយ ដែលស្ថិតនៅទីនោះ តាំង​ពី​ខែកក្កដា កន្លងមក។

លោក ស៊ុន ឆាយ ប្រធានសាខាគយ និងរដ្ឋាករកំពង់ផែស្វយ័តភ្នំពេញ ត្រូវបានសារព័ត៌មានក្នុងស្រុកស្រង់សំដី មកបញ្ជាក់ថា ភ្លុកដំរីទាំងនេះ ត្រូវបានឈ្មួញនាំចេញ ពីកំពង់ផែមួយ ឈ្មោះ «ម៉ាឡាកា» នៅប្រទេសមូសំប៊ិច ចូលមកប្រទេសកម្ពុជា ប៉ុន្តែលោកមិនបានដឹងថា តើក្រុមឈ្មួញ គ្រោងនាំយកចេញ ទៅកាន់ប្រទេសណា បន្តទៅទៀតទេ។

ស្ថានទូតអាមេរិក បានឲ្យដឹងទៀតថា៖ «ការស៊ើបអង្កេតរួមគ្នា ​របស់សហរដ្ឋអាមេរិក និងប្រទេសកម្ពុជា ​បាននាំដល់ការរឹបអូសបាន ​​នូវភ្លុកដំរីចំនួនជាង ១០០០» ។

ក្នុងអំឡុងពេលរង់ចាំការសម្រេច ពីថ្នាក់ដឹកនាំគយ និងរដ្ឋករកម្ពុជា ភ្លុកដំរីទាំងអស់ ត្រូវបានរក្សាទុកជាបណ្ដុះអាសន្ន ក្នុងពេលនេះ នៅកំពង់ផែស្វយ័តភ្នំពេញ៕



You may also like

តន្ត្រី

ចម្រៀង​«Cambodia»​ឆ្នាំ​១៩៨១ របស់​អ្នកចម្រៀង​ «Kim Wilde»

នៅខណៈប្រទេសកម្ពុជាបានចេញ ពីរបបប្រល័យពូជសាសន៍ បីថ្ងៃប្រាំបីខែម្ភៃថ្ងៃ ចូលមកក្នុងរបបកុម្មុយនីស្ដិ៍បែបថ្មីមួយទៀត នៅក្នុងទ្វីបអ៊ឺរ៉ុបខាងលិចឯណោះ អ្នកចម្រៀង «Kim Wilde» បានច្រៀងចម្រៀងមួយបទ ដែលមានចំណងជើងថា «កម្ពុជា (Cambodia)»។ បើទោះជាចម្រៀងនេះ ...
ដំណឹង

រដ្ឋមន្ត្រី​ការពារ​ជាតិ​អាមេរិក ជំទាស់ ត្រាំ ដែល​ចង់​ពង្រាយ​ទ័ព​​ទប់ស្កាត់​បាតុករ

លោក ម៉ាក អេស្ព័រ (Mark Esper) រដ្ឋមន្ត្រីការពារជាតិអាមេរិក បានប្រកាសក្នុងថ្ងៃពុធ ទី៣ ខែមិថុនានេះ «ជំទាស់»នឹងការដាក់ពង្រាយយោធា ដើម្បីទប់ស្កាត់ ចលនាបាតុកម្ម ដែលផ្ទុះឡើងយ៉ាងសន្ធោសន្ធៅ ...
ដំណឹង

អាមេរិក៖ ចូ បៃដេន ឈ្នះ ដូណាល់ ត្រាំ ក្លាយជា​«ប្រធានាធិបតីទី៤៦»

បេក្ខជនមកពីគណបក្សប្រជាធិបតេយ្យ លោក ចូ បៃដេន (Joe Biden) បានក្លាយ​ជា​«ប្រធានាធិបតីទី៤៦» នៃសហរដ្ឋអាមេរិក បន្ទាប់ពីលោកទទួលបានការគាំទ្រ លើសពី២៧០​សម្លេង នៃអង្គបោះឆ្នោត (អ្នកតំណាងម្ចាស់ឆ្នោត) ឈ្នះនាំមុខដាច់ ...

Comments are closed.

កម្ពុជា

អ្នកវិភាគ​ជើងចាស់ ប្រាប់អ្នកវិភាគ​ជំនាន់ថ្មី ឲ្យយកគំរូ​តាម«ធនញ្ជ័យ»

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអះអាងថា លោកមិនខ្វល់ចំពោះសំដី អ្នកទាំងឡាយណា ដែលនិយាយ​ជំនួសលោក កឹម សុខា ប្រធានគណបក្សនោះទេ បើទោះជាអ្នកនោះ ជា«កូនក្នុងខោ-កូនក្រៅខោ»របស់លោក ...
កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...