ដំណឹងពិភពលោក

ចូ បៃដេន៖ «យើងគិតថា យើងនឹងឈ្នះការបោះឆ្នោត»

«ខ្ញុំមកកាន់ទីនេះ មិនមែនដើម្បីនិយាយថា យើងបានឈ្នះហើយទេ។ តែខ្ញុំមក ដើម្បីនិយាយថា នៅពេលការរាប់សន្លឹកឆ្នោត បានបញ្ចប់ យើងគិតថា យើងនឹងឈ្នះ​ការបោះឆ្នោត។»

ឃ្លាខាងលើ ជាការអះអាងឡើង របស់លោក ចូ បៃដេន (Joe Biden) បេក្ខជន​ប្រធានាធិបតី មកពីគណបក្សប្រជាធិបតេយ្យ ក្នុងរសៀលថ្ងៃពុធនេះ ទៅកាន់អ្នកគាំទ្រ​របស់លោក ក្នុងក្រុង «Wilmington» នៃរដ្ឋ «Delaware» (ភាគខាងកើត)។

តាមលទ្ធផលស្ទាបស្ទង់ ដែលប្រមូលបាន ដោយបណ្ដាញព័ត៌មានធំៗ នៅសហរដ្ឋអាមេរិក បានឲ្យដឹងថា លោក បៃដេន ទទួលបាន២៦៤សម្លេង នៃអ្នកតំណាងម្ចាស់ឆ្នោត ទល់នឹង​២១៤សម្លេង ទទួលបានដោយប្រធានាធិបតីចប់អាណត្តិ លោក ដូណាល់ ត្រាំ (Donald Trump)។

លទ្ធផលខាងលើ ធ្វើឲ្យលោក បៃដេន នៅសល់តែ៦សម្លេងទៀតប៉ុណ្ណោះ ដើម្បីបម្រប់​ចំនួន​អ្នកតំណាងម្ចាស់ឆ្នោត ២៧០សម្លេង ក្នុងការប្រកាសខ្លួន ថាបានឈ្នះ​ការបោះឆ្នោត ជ្រើសតាំងប្រធានាធិបតី ក្នុងឆ្នាំ២០២០នេះ។

តែលោក បៃដេន នៅតែសំដែង ការប្រយ័ត្នប្រយែង ចំពោះការប្រកាស​ជ័យជំនះ​របស់លោក ។ លោកថ្លែងថា៖

«ពិតហើយថា យើងកំពុងឈ្នះបានរដ្ឋជាច្រើន ដើម្បីឈានទៅទទួលបាន ២៧០សម្លេង នៃអ្នកតំណាងម្ចាស់ឆ្នោត សម្រាប់ឈ្នះការបោះឆ្នោត ជ្រើសតាំងប្រធានាធិបតីនេះ។»

សម្រាប់លោក ដូណាល់ ត្រាំ វិញ កំពុងត្រៀមប្ដឹងឡើងទៅ តុលាការធម្មនុញ្ញអាមេរិក ជុំវិញការលើកឡើង របស់ប្រធានាធិបតីផុតតំណែងរូបនេះ ដែលថា មានការលួចបន្លំ នៅក្នុងការបោះឆ្នោត និងស្នើសុំឲ្យបញ្ឈប់ ការរាប់សន្លឹកឆ្នោត។ ប៉ុន្តែការអះអាង​របស់លោក ត្រាំ មិនបានភ្ជាប់មកជាមួយ នូវភស្ដុតាងណាមួយទេ។

លោក បៃដេន បានអំពាវនាវ ទៅកាន់លោក ត្រាំ ឲ្យងាកមករកហេតុផលវិញ ហើយអះអាងថា ពលរដ្ឋអាមេរិក នឹងមិនត្រូវបាននរណាបំបាត់សម្លេង ហើយក៏​គ្មាននរណា លួចបន្លំសម្លេង របស់នរណាដែរ។

អតីតអនុប្រធានាធិបតី ជំនាន់លោកប្រធានាធិបតី បារ៉ាក់ អូបាម៉ា (Barack Obama) បានថ្លែងបន្តថា៖

«ដើម្បីបោះជំហានទៅមុខ យើងត្រូវឈប់ចាត់ទុកគូប្រជែង ថាជាសត្រូវរបស់យើង។ យើងមិនមែនជាសត្រូវ នឹងគ្នាទេ (…) ខ្ញុំធ្វើយុទ្ធនាការបោះឆ្នោត ក្នុងនាម​ជាបេក្ខជន មកពីគណបក្សប្រជាធិបតេយ្យ តែខ្ញុំនឹងដឹកនាំ ក្នុងនាមជាប្រធានាធិបតី នៃសហរដ្ឋ​អាមេរិកទាំងមូល៕»



លំអិតបន្ថែមទៀត

កម្រមាន

កើតមក«គ្មានភ្នែក​គ្មានច្រមុះ» តែទើប​ទទួល​សញ្ញាប័ត្រពី​សាកលវិទ្យាល័យ

ថ្ងៃនេះ យុវតី «Cassidy Hooper» មានអាយុ២២ឆ្នាំហើយ។ នាងបានចាប់កំណើតមក «គ្មានភ្នែក​គ្មានច្រមុះ» ដូចគេឯងឡើយ។ យុវតីជាតិអាមេរិកាំងរូបនេះ តែងព្យាយាមចង់ដឹងពីមូលហេតុ ដែលនាងចាប់កំណើតមកដូច្នេះ តែគ្មានអ្នកវិទ្យាសាស្ត្រណា អាចពន្យល់នាងបានទេ។ ...
និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
កម្ពុជា

ក្នុង​ទិវា​សិទ្ធិ​មនុស្ស អាមេរិក​ស្នើ​ឲ្យ​ដោះលែង​អ្នក​ទោស​នយោបាយ

ស្ថានទូតសហរដ្ឋអាមេរិក ប្រចាំនៅកម្ពុជា បានឆ្លៀតឱកាស នៃទិវាសិទ្ធិមនុស្សអន្តរជាតិ ថ្ងៃទី១០ ខែធ្នូ ឆ្នាំ២០១៨នេះ ដើម្បីអំពាវនាវជាថ្មី ទៅកាន់របបក្រុងភ្នំពេញ ឲ្យទម្លាក់ចោលបទចោទប្រកាន់ ទៅលើបណ្ដា​អ្នកទោស​នយោបាយ​ទាំងអស់។ ជាមួយនឹងរូបថតលោក កឹម ...
ដំណឹង

ត្រាំ ភ្ជាប់​បាតុកម្ម​អាវកាក់​លឿង ជាមួយ​កិច្ច​ព្រមព្រៀង​ប៉ារីស​ស្ដីពី​អាកាសធាតុ

អ្នកផងត្រូវនាំគ្នា​និយាយ ពីប្រធានាធិបតី​អាមេរិកទៀតហើយ! ខណៈបាតុកម្មរបស់​បណ្ដាជន​បារាំង ពាក់អាវកាក់ពណ៌លឿង កំពុងធ្វើឲ្យពិភពលោក​ចាប់អារម្មណ៍នោះ លោក ដូណាល់ ត្រាំ (Donald Trump) បានបង្ហោះសារមួយ នៅល្ងាចថ្ងៃសៅរ៍នេះ តាមរយៈទំព័រទ្វីសធើររបស់លោក ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...