ដំណឹងពិភពលោក

ត្រាំ ព្រមានថា «ការគម្រាម»​របស់​​អៀរ៉ង នឹង​ត្រឡប់​មករក​អៀរ៉ង់​ខ្លួនឯង​វិញ

ប្រធានាធិបតីអាមេរិក លោក ដូណាល់ ត្រាំ (Donald Trump) បានបញ្ចេញសារព្រមានប្រទេសអៀរ៉ង់ថា «ការគម្រាម»ទាំងឡាយ ដែលប្រទេសនេះកំពុងធ្វើ នឹងវិលត្រឡប់ មករកប្រទេសអៀរ៉ង់ខ្លួនឯងវិញ យ៉ាងអាណោចអាធ័ម មិនដែលធ្លាប់មាន នៅក្នុងប្រវត្តិសាស្ត្រ។

កាលពីថ្ងៃពុធ ទី៣ ខែកក្កដា ឆ្នាំ២០១៩នេះ របបក្រុងតេអៀរ៉ង់ បានប្រកាសថា ខ្លួននឹងអនុវត្តន៍ចាប់ពីថ្ងៃអាទិត្យ ខាងមុខនេះតទៅ នូវការគម្រាមទាំងឡាយ ដែលបានលើកឡើងថា ប្រទេសអៀរ៉ង់នឹងធ្វើការចម្រាញសារធាតុ អ៊ុយរ៉ាញ៉ូម សម្រាប់កម្មវិធីនុយក្លេអ៊ែរឡើងវិញ ដោយមិនខ្វល់ពីកិច្ចព្រមព្រៀង ដែលបានចុះហត្ថលេខា កំហិតមិនឲ្យប្រទេសនេះ ធ្វើការចម្រាញ់សារជាតិខាងលើហួសកម្រិត។

ការប្រកាសរបស់ប្រទេសអៀរ៉ង់ បានតម្រូវឲ្យលោក ដូណាល់ ត្រាំ ចេញមុខធ្វើប្រតិកម្មតបវិញ។ ប្រធានាធិបតីអាមេរិក បានសរសេរសារ នៅលើបណ្ដាញសង្គមទ្វីសធើរ ដោយព្រមានប្រទេសអៀរ៉ង់ខ្លាំងៗថា៖

«ប្រទេសអៀរ៉ង់ ចូរប្រយ័ត្នប្រយែង ជាមួយការគម្រាមរបស់អ្នក។ ការគម្រាមទាំងនេះ អាចនឹងវិលត្រឡប់ ទៅរកអ្នកវិញ យ៉ាងអាណោចអាធ័ម មិនដែលធ្លាប់មាន នៅក្នុងប្រវត្តិសាស្ត្រ។»

ការគម្រាមរបស់ប្រទេសអៀរ៉ង់ ធ្វើឡើងចេញពីមាត់ផ្ទាល់ របស់ប្រធានាធិបតីអៀរ៉ង់ លោក «Hassan Rohani» ដោយចោទប្រកាន់សហរដ្ឋអាមេរិក សហភាពអ៊ឺរ៉ុប ប្រទេសចិន និងរ៉ុស្ស៊ី ថាជាអ្នកទទួលខុសត្រូវ ចំពោះភាពទ័លច្រក ក្នុងវិបត្តិសព្វថ្ងៃ ជុំវិញកិច្ចព្រមព្រៀង ដែលត្រូវបានចុះហត្ថលេខា នៅឆ្នាំ២០១៥ នារដ្ឋធានីវីយ៉ែន ប្រទេសអូទ្រីស។

ប៉ុន្តែប្រតិកម្មតបទៅអៀរ៉ង់ មិនមែនមានតែលោក ដូណាល់ ត្រាំ ប៉ុណ្ណោះទេ។ ប្រទេសបារាំង តាមរយៈក្រសួងការបរទេស ក៏បានចេញសេចក្ដីថ្លែងការណ៍ ព្រមានប្រទេសអៀរ៉ង់ ក្នុងថ្ងៃពុធនេះដូចគ្នាដែរ។ សេចក្ដីថ្លែងការណ៍ បានលើកឡើងថា អៀរ៉ង់ នឹងមិនចំណេញអ្វីសោះឡើយ បើប្រទេសនេះចេញពីកិច្ចព្រមព្រៀងខាងលើ ហើយវានឹងបង្កើនឡើង កាន់តែខ្លាំង នូវភាពតានតឹង ដែលកំពុងមានកម្ដៅស្រាប់ នៅក្នុងតំបន់៕



You may also like

ដំណឹង

ដូណាល់ ត្រាំ ប្រកាស​បេក្ខភាព​ប្រធានាធិបតី សម្រាប់​អាណត្តិ​ទី២

ប្រធានាធិបតីក្នុងតំណែង នៃសហរដ្ឋអាមេរិក លោក ដូណាល់ ត្រាំ (Donald Trump) បានប្រកាសនៅថ្ងៃសុក្រនេះ ថាលោកនឹងបើកយុទ្ធនាការឃោសនា ចាប់ពីថ្ងៃទី១៨ ខែមិថុនាខាងមុខ ក្នុងការបោះឆ្នោត ជ្រើសតាំងប្រធានាធិបតីអាមេរិក ...
ដំណឹង

ប្រធានាធិបតីបារាំង​អះអាង​មិន​តំឡើង​ពន្ធ​ដើម្បី​ទូទាត់​ ក្នុង​វិបត្តិ​«Covid-19»

គ្មានការតំឡើងពន្ធ ដើម្បីយកប្រាក់ មកទូទាត់ការចំណាយ ដ៏មហាសាល ក្នុង​វិបត្តិ​«Covid-19» នោះឡើយ។ នេះ ជាការអះអាងឡើង របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel ...
កម្ពុជា

ហ៊ុន សែន អះអាង​ចាត់វិធានការ​ទប់ទល់​ទណ្ឌកម្ម​អាមេរិក-អ៊ឺរ៉ុប

បុរសខ្លាំងកម្ពុជា បានប្រកាសថា លោកកំពុងចាត់វិធានការ ដើម្បីទប់ទល់នឹងការដកប្រព័ន្ធអនុគ្រោះពន្ធ របស់សហរដ្ឋអាមេរិក និងសហភាពអ៊ឺរ៉ុប ក្រោមអ្វីមួយ ដែលលោកហៅថា ជា«យុទ្ធនាការពង្រឹងឯករាជ្យ របស់កម្ពុជា»។ លោក​នាយករដ្ឋមន្ត្រី​ ហ៊ុន សែន ...

Comments are closed.

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

ដំណឹង

ជនសង្ស័យ​ក្នុងឃាតកម្ម​លើ សូភី ឡេថាន់ បានសារភាព​នៅទីបំផុត

បុរសវ័យ៦០ឆ្នាំ ដែលត្រូវបានសង្ស័យ ក្នុងសំនុំរឿងឃាតកម្មលើកញ្ញា សូភី ឡេថាន់ (Sophie Le Tan) បានសារភាព​នៅទីបំផុត ក្នុងថ្ងៃអង្គារទី១៩ ខែមករានេះ។ នេះ បើតាមស្ថាប័នអយ្យការបារាំង ...
ដំណឹង

សហគ្រាសចិន ទិញវ៉ាក់សាំងពីអាល្លឺម៉ង់ ខណៈប៉េកាំង​បង្ហាញវ៉ាក់សាំងខ្លួន

សហគ្រាសចិន ឈ្មោះ«FosunPharma» បានប្រកាសថាខ្លួន បានបញ្ជាទិញវ៉ាក់សាំងបង្ការជំងឺកូវីដ (Covid-19) ចំនួនយ៉ាងហោច១០០លានដូស ពីសហគ្រាស«BioNTech» របស់ប្រទេសអាល្លឺម៉ង ហើយថាវ៉ាក់សាំងទាំងនេះ នឹងនាំមកដល់ប្រទេសចិន ក្នុងដើមឆ្នាំ២០២១នេះ។ នេះ បើតាមសេចក្ដីប្រកាសព័ត៌មានមួយ ...