ដំណឹងពិភពលោក

ត្រាំ អបអរ​ជ័យជំនះ​ក្រុម​កីឡាការិនី​បាល់ទាត់​អាមេរិក… ជាង​ពីរម៉ោង​ក្រោយ

ប្រធានាធិបតីអាមេរិក លោក ដូណាល់ ត្រាំ (Donald Trump) បានប្រើពេលដល់ទៅ ជាង​ពីរម៉ោង​ក្រោយ ដើម្បីអបអរសាទរជ័យជំនះ របស់ក្រុមជម្រើសជាតិអាមេរិក ដែលបានលើកពានបាល់ទាត់ពិភពលោក ជាលើកទី៤ ក្នុងយប់ថ្ងៃនេះ បន្ទាប់ពីបានប្រកួតឈ្នះក្រុមបាល់ទាត់ហូឡង់ ក្នុងពិន្ទុ២-១។

លោក ត្រាំ បានសរសេរនៅលើទំព័រទ្វីសធើរ របស់លោកថា៖

«អបអរសាទរក្រុមកីឡាការិនីបាល់ទាត់អាមេរិក សម្រាប់ជ័យជំនះរបស់ពួកនាង នៅក្នុងព្រឹត្តិការណ៍បាល់ទាត់ពិភពលោក។ ជាការប្រកួតដ៏ធំ និងគួរឲ្យស្ងប់ស្ងែងណាស់។ ប្រទេសអាមេរិក ពិតជាមានមោទនភាពក្រៃលែង ចំពោះអ្នក។»

សំណេររបស់ប្រធានាធិបតី នៃប្រទេសមហាអំណាច ចំពោះជ័យជំនះរបស់ក្រុមជម្រើសជាតិខ្លួន បានធ្វើឡើងនៅ​«ជាង​ពីរម៉ោង​ក្រោយ» ពីការប្រកួតរបានបញ្ចប់ ពោលគឺសាររបស់លោក ត្រាំ បង្ហោះនៅម៉ោង២១និង១១នាទី ខណៈការប្រកួតបានបញ្ចប់ទៅ នៅម៉ោង១៨និង៥៥នាទី (ម៉ោងក្នុងប្រទេសបារាំង)។

ផ្ទុយទៅវិញ លោក បារ៉ាក់ អូបាម៉ា អតីប្រធានាធិបតីអាមេរិក មានភាពរហ័សរហួនជាងលោក ត្រាំ ដោយបានបង្ហោះសារអបអរសាទររបស់លោក នៅម៉ោង១៧និង២០នាទី។ លោក អូបាម៉ា បានសរសេរថា៖

«អបអរសាទរ សម្រាប់ក្រុមកីឡាការិនីដ៏ចែងចាំង របស់សហរដ្ឋអាមេរិក ដែលបានបំបែកឯកតកម្ម។ ជាក្រុមបាល់ទាត់ដ៏អស្ចារ្យ ដែលបន្តរីកលូតលាស់ជានិច្ច ក៏ដូចជាពួកយើងទាំងអស់គ្នាដែរ (…) ខ្ញុំស្រឡាញ់ក្រុមបាល់ទាត់មួយនេះ។»

អតីតប្រធានាធិបតីអាមេរិក បានបង្ហោះសារខាងលើ នៅម៉ោង១៩និង២០នាទី ពោលគឺ២៥នាទីក្រោយការប្រកួតបានបញ្ចប់។ តែអ្នកស្រី ម៉េឡានី ត្រាំ (Melania Trump) ភរិយាលោក ត្រាំ បានបង្ហោះសារ ដើម្បីថ្លែងពីការរីករាយរបស់អ្នកស្រី បានមុនលោក អូបាម៉ា ទៅទៀត។

អ្នកស្រី ត្រាំ បានសរសេរសារ នៅម៉ោង១៩និង១២នាទី ដូច្នេះថា៖

«ចូលរួមអបអរសាទរ សម្រាប់ម្ចាស់ជើងឯកបាល់ទាត់ពិភពលោក ផ្នែកស្ត្រី ឆ្នាំ២០១៩៕»



លំអិតបន្ថែមទៀត

ដំណឹង

អតីតអគារ​សណ្ឋាគារកាស៊ីណូ​មួយ ​របស់ ត្រាំ ត្រូវបាន​កម្ទេច

អតីតអគារ​សណ្ឋាគារកាស៊ីណូ​មួយ របស់លោក ដូណាល់ ត្រាំ (Donald Trump) និងសហគ្រាសរបស់លោក ស្ថិតក្នុងក្រុង អាត្លង់ទិក​ស៊ីធី (Atlantic City) នៃតំបន់ឆ្នេរខាងកើត សហរដ្ឋអាមេរិក ...
ដំណឹង

ប្រធានរដ្ឋសភា​អាមេរិក ត្រៀមបើកនីតិវិធី​បណ្ដេញ «ត្រាំ» ចេញពីតំណែង

អ្នកស្រី ណេនស៊ី ផេឡូស៊ី (Nancy Pelosi) ប្រធានរដ្ឋសភា​អាមេរិក ដែលមានអ្នកតំណាងរាស្ត្រភាគច្រើន មកពីគណបក្ស​ប្រជាធិបតេយ្យ បានប្រកាសត្រៀមបើកនីតិវិធី ដើម្បីបណ្ដេញលោក ដូណាល់ ត្រាំ (Donald ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...