កម្រមានដំណឹង

តុលាការចិនកាត់ទោសប្រហារជីវិត អ្នកគ្រូម្នាក់ ពីបទបំពុល​កុមារ

រូបថតជំនួស៖ កុមារចិនមួយរូប កំពុងលេងល្បែង តាមបែបវិទ្យាសាស្ត្រ។ (រូបថត Jerry Wang/Unsplash)
រូបថតជំនួស៖ កុមារចិនមួយរូប កំពុងលេងល្បែង តាមបែបវិទ្យាសាស្ត្រ។ (រូបថត Jerry Wang/Unsplash)

អ្នកគ្រូម្នាក់ ត្រូវបានតុលាការក្រុង «Jiaozuo» នៃខេត្ត «Henan» កាត់ទោស​ប្រហារជីវិត បន្ទាប់ពីបានរកឃើញថា ស្ត្រីរូបនេះចាក់ម្សៅនីទ្រីច ចូលក្នុង​ឆ្នាំងបបរ ដែលត្រូវយក​ទៅឲ្យកុមារតូចៗ​ទទួលទាន ក្នុងថ្នាក់មួយ គ្រប់គ្រង​ដោយសហជីវិនី​ម្នាក់ទៀត។

ហេតុការណ៍បានកើតឡើង តាំងពីខែមីនា ឆ្នាំ២០១៩ ហើយស្ត្រីជាប់ចោទ អ្នកស្រី «Wang Yun» បានទទួលស្គាល់ថា អ្នកស្រីបានធ្វើទង្វើនេះ ដើម្បីសងសឹកដាក់សហជីវិនី ដែលគ្រប់គ្រងថ្នាក់បង្រៀននោះ។

ជាលទ្ធផល កុមារថ្នាក់​សា​លាម​ត្តេ​យ្យ​ ប្រមាណ២៥នាក់ បានទទួលទានបបរ ដែលមានជាតិពុល បណ្ដាលឲ្យពួកគេពុល ក្អួតចង្អោរ ច្រងាប់ច្រងិល ហើយកុមារម្នាក់ ពីក្នុងចំណោមនោះ បានស្លាប់។

ម្សៅនីទ្រីច ជាសារជាតិគីមី ដែលគេតែងប្រើ ដាក់នៅលើម្ហូបចំណី ជាពិសេសដើម្បី​ឲ្យសាច់សត្វ នៅមានសភាពស្រស់បំព្រង។ តែម្សៅនីទ្រីច (ដូចគេតែងហៅថា ជាអាស៊ីត​នីទ្រីច) នឹងក្លាយជាសារជាតិពុលដ៏ខ្លាំងមួយ បើគេប្រើវាហួសកម្រិត។

ក្នុងថ្ងៃទី២៨ ខែកញ្ញា ឆ្នាំ២០២០កន្លងទៅថ្មីៗ តុលាការក្រុង «Jiaozuo» ភាគខាងជើង​នៃប្រទេសចិន បានប្រកាសសាលក្រម កាត់ទោសអ្នកស្រី «Wang Yun» ដោយប្រហារ​ជីវិត។

បើតាមអង្គជំនុំជម្រះ បានបញ្ជាក់ថា ស្ត្រីជាប់ចោទ ពិតជាដឹងថា ម្សៅនីទ្រីចជា​សារជាតិពុល តែអ្នកស្រីនៅតែសម្រេចចិត្ត ដាក់ម្សៅនេះ យ៉ាងច្រើនលើសលប់ ទៅក្នុងឆ្នាំ​បបរ ដើម្បីបំពុលក្មេងតូច «ទាំងមិនខ្វល់ ពីផលវិបាកធ្ងន់ធ្ងរ ដែលនឹងកើតឡើង»។

អង្គជំនុំជម្រះ បានឲ្យដឹងទៀតថា អ្នកស្រី «Wang Yun» ធ្លាប់ព្យាយាមបំពុល​ស្វាមី​អ្នកស្រី​​ម្ដងហើយ កាលពីឆ្នាំ២០១៧ ក្នុងទំនាស់គ្រួសារមួយ នៅពេលនោះ៕



You may also like

ដំណឹង

ចិន​ដាក់​បម្រាម​ជាថ្មី លើ​ប្រជាជន​​១០៨លាន​នាក់ ក្នុង​ភាគ​ឦសាន​ប្រទេស

តំបន់ជាច្រើន ក្នុងភាគឦសានប្រទេស ដែលមានចំនួនប្រជាជនរស់នៅ ១០៨លាននាក់ ត្រូវបានអាជ្ញាធរចិន ប្រកាសដាក់បម្រាម សារជាថ្មី បន្ទាប់ពីបានរកឃើញករណីឆ្លង ជំងឺ«Covid-19» ចំនួន៣៤នាក់ នៅក្នុងក្រុង «Shulan» តែប៉ុន្មានថ្ងៃចុងក្រោយប៉ុណ្ណោះ។ ...
ដំណឹង

ត្រាំ ហៅ​អង្គការ​សុខភាព​ពិភពលោក ថាជា​«អាយ៉ង»​របស់​ចិន

ប្រធានាធិបតីអាមេរិក លោក ដូណាល់ ត្រាំ (Donald Trump)បានចោទអង្គការសុខភាព​ពិភពលោក (WHO / OMS) ថាជា«អាយ៉ង»របស់ចិន ដោយធ្វើការអះអាងជាថ្មី អំពីការរិះគន់របស់លោក ចំពោះការដឹកនាំ ...
កម្ពុជា

ផៃ ស៊ីផាន ភ្ជាប់សារ​របស់​ស្ថានទូត​អាមេរិក ទៅនឹង​ប្រវត្តិ​«ដកទូត»​ពីកម្ពុជា

នៅមុននេះបន្តិច អ្នកនាំពាក្យរដ្ឋាភិបាលក្រុងភ្នំពេញ លោក ផៃ ស៊ីផាន បានហៅមន្ត្រីស្ថានទូតសហរដ្ឋអាមេរិក ប្រចាំនៅរដ្ឋធានីភ្នំពេញ ថាកំពុងធ្វើកិច្ចការ ហួសពីកាតព្វកិច្ចការងារទូត នៅចំខែមេសានេះ ដែលលោកបានភ្ជាប់ ទៅនឹងកាលវេលា​«ដកទូត»​របស់ប្រទេសមហាអំណាច ចេញពីកម្ពុជា​កាលពីឆ្នាំ១៩៧៥។ ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...