ទាហាន​កូរ៉េខាងជើង​ម្នាក់ បានផ្ដាច់ខ្លួន ចូលមកក្នុងទឹកដី នៃប្រទេសកូរ៉េខាងត្បូង នៅថ្ងៃសៅរ៍នេះ។ នេះ បើតាមការប្រកាស របស់កងទ័ពកូរ៉េខាងត្បូង ហើយត្រូវបានដកស្រង់ យកមកផ្សព្វផ្សាយបន្ត ដោយទីភ្នាក់ងារព័ត៌មានបារាំង «AFP»។

សេចក្ដីរាយការណ៍ បានអះអាងបន្ថែមថា ការផ្ដាច់ខ្លួនលើកនេះ មិនទទួលបានប្រតិកម្មអ្វីសោះ ពីសំណាក់កងទ័ពកូរ៉េខាងជើង ដែលខុសពីទម្លាប់មុនៗ តែវាជាការផ្ដាច់ខ្លួន ដែលធ្វើឡើង ក្នុងពេលដែលទំនាក់ទំនង នៃប្រទេសទាំងពីរ កំពុងមានសភាពធូរស្រាល ជាងពេលណាៗទាំងអស់។

កាលពីចុងខែតុលា នៅក្នុងជំនួបកំពូលមួយ ដែលធ្វើឡើងនារដ្ឋធានី ព្យុងយ៉ាង (កូរ៉េខាងជើង) ប្រធានាធិបតីកូរ៉េខាងត្បូង លោក មូន ជេ-អ៊ីន (Moon Jae-in) និងមេដឹកនាំកូរ៉េខាងជើង លោក គីម ជុង-អ៊ុន (Kim Jong-Un) បានសម្រេចរួមគ្នា អំពីកិច្ចព្រមព្រៀងយោធាមួយ ដាក់បញ្ចប់នូវ «ទង្វើអមិត្រទាំងឡាយ – តំបន់ហាមឃាត់ការហោះហើរ នៅតាមបណ្ដោយព្រំដែន» និងលប់ចោល នូវប៉មយាមចំនួន ២២កន្លែង ដែលដាក់ពង្រាយ នៅនៅក្បែរព្រំដែន។ ប៉មយាម១១កន្លែង ពីក្នុងចំណោម២២កន្លែង នឹងត្រូវកំទេចចោល ពីពេលនេះ រហូតដល់ចុងខែវិច្ឆិកា។

កាលពីខែវិច្ឆិកា ឆ្នាំកន្លងទៅ (២០១៧) ទាហានកូរ៉េខាងជើងម្នាក់ អាយុ២៤ឆ្នាំ បានរងរបួសធ្ងន់ធ្ងរ ដោយសារគ្រាប់កាំភ្លើង របស់កងកម្លាំងល្បាតព្រំដែន របស់ប្រទេសកូរ៉េខាងជើង បន្ទាប់ពីទាហានរូបនោះ បានផ្ដាច់ខ្លួន និងរត់ឆ្លងបន្ទាត់ព្រំដែន ចូលមកក្នុងទឹកដីកូរ៉េខាងត្បូង។ ការផ្តាច់ខ្លួនផ្សេងទៀត ក៏បានកើតឡើងដែរ នៅក្នុងខែធ្នូ ឆ្នាំកន្លងទៅនោះដដែល៕



លំអិតបន្ថែមទៀត

ដំណឹង

ក្រុមមួយ​ប្រកាស​បង្កើត​«រដ្ឋាភិបាល​កូរ៉េខាងជើង​និរទេសខ្លួន»

អង្គការមួយ ដែលគ្មានរចនាសម្ព័ន្ធច្បាស់លាស់ បានប្រកាសបង្កើត នៅថ្ងៃសុក្រទី១ ខែមិនា ឆ្នាំ២០១៩នេះ នូវ«រដ្ឋាភិបាល​កូរ៉េខាងជើង​និរទេសខ្លួន»មួយឡើង ដើម្បីជម្រះបញ្ជី ជាមួយរបបដឹកនាំក្រុងព្យុងយ៉ាងសព្វថ្ងៃ។ ដោយធ្លាប់ចេញមុខ​ការពារកូនប្រុស របស់លោក គីម ជុង-ណាំ ...
វិភាគ អត្ថាធិប្បាយ

តើមានអ្វី​នៅពីក្រោយ ពាក្យចចាមអារាម​ដែលថា គីម ជុងអ៊ុន ស្លាប់ ?

តើពាក្យចចាមអារាម ដែលអះអាង ម្ដងហើយម្ដងទៀត ថាមេដឹកនាំកូរ៉េកុម្មុយនីស្ដិ៍ លោក គីម ជុងអ៊ុន «ស្លាប់»នោះ អាចជឿជាក់បានដល់កម្រិតណា? បើវាមិនពិត ថាតើហេតុអ្វីក៏មេដឹកនាំរូបនេះ មិនបង្ហាញខ្លួនជាសាធារណៈ ដើម្បីរំងាប់ពាក្យចចាមអារាមនេះភ្លាមទៅ? ...
ដំណឹង

គីម អួតអាង​ថា ទំនាក់ទំនង​ចិន-​កូរ៉េខាងជើង «មិនអាចបំបាក់»​បានឡើយ

ទំនាក់ទំនងរវាងប្រទេសចិន និងកូរ៉េខាងជើង «មិនអាចបំបាក់»បានឡើយ។ នេះ ជាការអះអាងឡើងរបស់លោក គីម ជុងអ៊ុន (Kim Jong-un) មេដឹកនាំរបបកុម្មុយនីស្ដិ៍កូរ៉េ ដែលត្រូវបាន​ទីភ្នាក់ងារ​ព័ត៌មានផ្លូវការ «KCNA» ស្រង់យកមកចុះផ្សាយ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.