ដំណឹងអាស៊ី-ប៉ាស៊ីភិក

ខ្យល់ព្យុះ «Pabuk» មិនមាន​ឥទ្ធិពល​ខ្លាំង ដូច​ការរំពឹង​ទុក

យ៉ាងណា ខ្យល់ព្យុះ «Pabuk» បានបន្សល់ទុក នូវការបំផ្លិចបំផ្លាញជាច្រើន ក្នុងនោះរាប់ទាំងទឹកជំនន់ ការដាច់ចរន្តអគ្គិសនី និងការខូចខាត​អាគារសាធារណៈ ផ្ទះសម្បែងពលរដ្ឋ… ស្ថិតក្នុងភាគខាងត្បូង នៃប្រទេសថៃ។ មនុស្សជិត ៣០ ០០០នាក់ ត្រូវបានជម្លៀសឲ្យនៅជ្រកកោន នៅក្នុងមជ្ឈមណ្ឌលការពារមួយ ក្នុងភាគកណ្ដាល។

ខ្យល់ព្យុះ បានបក់ក្នុងព្រឹកថ្ងៃសៅរ៍ទី៥ ខែមករា ឆ្នាំ២០១៩នេះ ដោយមានកម្លាំងថមថយ  បើធៀបនឹងការរំពឹងទុក ក្នុងការព្យាករណ៍ឧត្តុនិយម របស់អាជ្ញាធរថៃ និងធៀបនឹងកម្លាំងរបស់វា នៅពេលឆ្លងកាត់ឈូងសមុទ្រ «Andaman» (ដែលស្ថិតនៅខាងកើត មហាសមុទ្រឥណ្ឌា)។

ព្រលានយន្ដហោះភាគច្រើន ក្នុងតំបន់ បានបើកឲ្យយន្ដហោះ អាចធ្វើចរាចរណ៍បានវិញ ក្នុងថ្ងៃសៅរ៍នេះដដែល ហើយទេសចរណ៍ជាច្រើនរយនាក់ ដែលបានជាប់ក្នុងព្រលាន​យន្ដហោះទាំងនោះ អាចនឹងធ្វើដំណើរ ត្រឡប់ទៅប្រទេស ឬគេហដ្ឋានរបស់ផងខ្លួនវិញ។

ខ្យល់ព្យុះ «Pabuk» ត្រូវបានចាត់ទុកថា ជាខ្យល់ព្យុះដ៏ខ្លាំងទីមួយ ដែលបានវាយបក់ ទៅលើប្រទេសថៃ រាប់ចាប់តាំង ពី៣០ឆ្នាំកន្លងមកហើយ។ ខ្យល់ព្យុះ បានបង្កឲ្យមាន កម្លាំងខ្យល់ដ៏ខ្លាំងក្លា ភ្លៀងធ្លាក់ដ៏ជោគជាំ និងរលកទឹកសមុទ្រ កំពស់រវាងពី៣ ទៅ៥ម៉ែត្រ។

មកដល់ម៉ោងនេះ មិនទាន់មានតួលេខ នៃតុល្យភាពណាមួយ ត្រូវបានអាជ្ញាធរ បង្ហាញឲ្យដឹងនៅឡើយ។

គ្រោះធម្មជាតិមួយនេះ បានបង្កការប៉ះពាល់ ទៅដល់សរសៃឈាម​សេដ្ឋកិច្ច របស់ប្រទេសថៃ ដែលមានកម្លាំងខ្លាំង ដោយសារទេសចរណ៍។ ប្រទេសអាស៊ីអាគ្នេយ៍មួយនេះ បានគ្រោងថា នឹងទទួលទេសចរណ៍ ដល់ទៅចំនួន ៤០លាននាក់ ក្នុងឆ្នាំនេះ៕



You may also like

កម្ពុជា

ហ៊ុន សែន គ្រោងឲ្យ​មន្ត្រី​ទៅស្នាក់​នៅ​«សៀមរាប» ជំនួស​អ្នក​ទេសចរណ៍

ដើម្បីដោះស្រាយវិបត្តិ មេរោគ«កូរូណា»ថ្មី ដែលកំពុងរួមរិតវិស័យទេសចរណ៍កម្ពុជា លោកនាយករដ្ឋមន្ត្រី ហ៊ុន សែន គ្រោងបើកកិច្ចប្រជុំគណៈរដ្ឋមន្ត្រី និងកិច្ចប្រជុំធំៗផ្សេងទៀត នៅក្នុងខេត្ត«សៀមរាប»។ គម្រោងបើកកិច្ចប្រជុំនេះ ត្រូវបានបុរសខ្លាំងកម្ពុជា ពន្យល់ថា គឺដើម្បីឲ្យក្រុមមន្ត្រីរាប់រយ-រាប់ពាន់នាក់ ...
ទិដ្ឋភាពដុតបំផ្លាញលំនៅដ្ឋានពលរដ្ឋ នៅចំពោះពលរដ្ឋ ដែលជាម្ចាស់លំនៅដ្ឋាន។ (រូបថតអង្គការសង្គមស៊ីវិល)
កម្ពុជា

តុលាការថៃ នឹងសម្រេចស្អែក​​លើ​បណ្ដឹង​ពលរដ្ឋខ្មែរ ដែលប្ដឹង​ក្រុមហ៊ុនស្ករ​​ថៃ

តុលាការថៃ ដែលស្ថិតក្នុងភាគខាងត្បូង រាជធានីបាងកក នឹងចេញសេចក្តីសម្រេច នៅថ្ងៃសុក្រ ទី៣១ ខែកក្កដាស្អែក លើបណ្តឹងជាសមូហភាពឆ្លងដែនដំបូងបង្អស់ នៅក្នុងតំបន់អាស៊ីអាគ្នេយ៍ ដែលប្ដឹងដោយពលរដ្ឋកម្ពុជា ប្រឆាំងក្រុមហ៊ុនស្ករថៃដ៏ធំមួយ ឈ្មោះ «Mitr ...
ខ្មែរនៅបរទេស

ស្ថានទូតកម្ពុជា​នៅថៃ​ប្រាប់ពលរដ្ឋខ្មែរ ពី​«ឥទ្ធិពលខ្យល់កខ្វក់»

ឥទ្ធិពលខ្យល់កខ្វក់ «PM2.5» នៅថៃ អាចបង្កគ្រោះថ្នាក់ដល់សុខភាពធ្ងន់ធ្ងរ ប្រសិនជាគេដកដង្ហើមយកខ្យល់នេះ ចូលទៅក្នុងសួត។ ស្ថានទូតកម្ពុជាក្នុងរាជធានីបាងកក បានប្រាប់ពលរដ្ឋខ្មែរ ដែលរស់នៅក្នុងប្រទេសថៃ ឲ្យប្រុងប្រយ័ត្នចំពោះវត្តមានខ្យល់ប្រភេទនេះ នៅក្នុងបរិយាកាស និងត្រូវពាក់ម៉ាសការពារប្រភេទ «N95»។ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...