រដ្ឋសភាអាល្លឺម៉ង់​បានប្រកាស ក្នុងចុងខែវិច្ឆិកានេះថា បើព្រះមហាក្សត្រថៃ​ ព្រះបាទ មហា វិជ្ជរាឡុងកន (Maha Vajiralongkorn) ត្រូវបានរកឃើញ ថាបាន«ដឹកនាំ​ព្រះរាជកិច្ច» ចេញពីទឹកដីអាល្លឺម៉ង់ នោះរដ្ឋអាល្លឺម៉ង់ មាន​អំណាច​ក្នុងការបណ្ដេញទ្រង់ ចេញពីប្រទេស។

ការប្រកាសរបស់ «Bundestag» (រដ្ឋសភា ហៅតាមភាសាអាល្លឺម៉ង់) ធ្វើឡើង​ក្រោយពីការគម្រាម របស់លោក «Heiko Maas» រដ្ឋមន្ត្រីការបរទេសអាល្លឺម៉ង់ ដែលបានថ្លែង​តាមរយៈ​ទីភ្នាក់ងារព័ត៌មាន «Reuters» កាលពីដើមខែតុលា។ លោក «Heiko Maas» បានថ្លែង​នៅពេលនោះថា៖

«យើងបានបញ្ជាក់ច្បាស់ហើយ ថាកិច្ចនយោបាយផ្ទៃក្នុង របស់ប្រទេសថៃ មិនអាចត្រូវបានដឹកនាំ ចេញពី​ទឹកដី​អាល្លឺម៉ង់​បានឡើយ។»

យ៉ាងណា ការិយាល័យសិក្សាធិការជាន់ខ្ពស់ នៃរដ្ឋសភាអាល្លឺម៉ង់ (ការិយាល័យនេះ ដឹកនាំដោយគណបក្សឆ្វេងនិយម) បានចេញ​សេចក្ដីវាយតម្លៃ ជាលក្ខណៈផ្លូវច្បាប់ថា ដោយសារព្រះមហាក្សត្រថៃ ​មានអភ័យឯកសិទ្ធិ​ការទូត ដូច្នេះហើយ រដ្ឋអាល្លឺម៉ង់មាន​សិទ្ធិអំណាច​តិចតួច ដើម្បីបើកការស៊ើបអង្កេត ទៅលើព្រះមហាក្សត្រថៃ ក្នុងបំណង់ស្វែងរកឲ្យឃើញ ថាតើព្រះអង្គបាន ដឹកនាំ​ព្រះរាជកិច្ច ពីប្រទេស​អាល្លឺម៉ង់ ឬយ៉ាងណានោះ។

ព្រះបាទ មហា វិជ្ជរាឡុងកន ឬព្រះបាទរាមា ទី១០ ដែលមានព្រះជន្ម ៦៨ព្រះវស្សា តែងគង់ប្រថាប់ ​ក្នុង​ប្រទេស​អាល្លឺម៉ង់ ច្រើនជាងគង់​ក្នុងប្រទេសថៃ ពោលគឺតាំងពីច្រើនឆ្នាំ មុនព្រះអង្គ​បានឡើងគ្រងរាជ្យសម្បត្តិ៍ ក្នុងឆ្នាំ២០១៦នោះមក។

ជាពិសេស នៅក្នុងរយៈពេល នៃការបិទប្រទេស (ទាំងនៅថៃ និងនៅអាល្លឺម៉ង់) ដើម្បី​ទប់ស្កាត់ជំងឺរាតត្បាត «Covid-19» ព្រះអង្គមិនមាន​វត្តមាន នៅក្នុងប្រទេសថៃ ដើម្បីនៅជិតប្រជារាស្ត្រ របស់ទ្រង់ទេ។ ផ្ទុយទៅវិញ ព្រះបាទរាមាទី១០ បានគង់ក្នុង​សណ្ឋាគារ​​ ដ៏ប្រណិតមួយ ស្ថិតក្នុងភាគខាងត្បូងអាល្លឺម៉ង់ ជាមួយនឹងស្រីស្នំ​ហែហម​ច្រើននាក់។

ព្រះរាជកាយវិការនេះ បានបង្កឲ្យផ្ទុះការក្ដៅក្រហាយ នៅក្នុងប្រទេសថៃ និងជាមូលហេតុមួយ នៃចលនាបាតុកម្ម ដែល​បានកើតឡើង ជាហូហែរៀងមក នៅរាជធានីបាងកក និងនៅតាមបណ្ដាខេត្តមួយចំនួន។ នៅក្នុងប្រទេសអាល្លឺម៉ង់ អ្នកតំណាងរាស្ត្រ​ច្រើននាក់ បានអំពាវនាវឲ្យរដ្ឋាភិបាលអាល្លឺម៉ង់ ចាត់វិធានការក្ដៅ ដោយហាមឃាត់ព្រះអង្គ យាងជាន់​ព្រះបាត លើទឹកដីអាល្លឺម៉ង។

អ្នកតំណាងរាស្ត្រ មកពីគណបក្សឆ្វេងនិយម ដូចយ៉ាងលោក «Sevim Dagdelen» និងលោក «Heike Hänsel» ជាដើម បានចេញ​សេចក្ដីប្រកាសព័ត៌មានរួម​មួយថា៖

«នរណាក៏ដោយ រាប់ទាំងស្ដេច ដែលឃុបឃិត​ ជាមួយមេដឹកនាំយោធា​ផ្ដាច់ការ ធ្វើការបង្ក្រាបដ៏ឃោឃៅ ទៅលើចលនាទាមទារ តាមបែប​ប្រជាធិបតេយ្យ មិនគួរត្រូវបានទទួលរង្វាន់ តាមរយៈការផ្ដល់ទិដ្ឋាការ ដើម្បីឲ្យមកស្នាក់នៅ យ៉ាងសោយសុខ នៅក្នុងប្រទេស​អាល្លឺម៉ង់​នោះឡើយ។»

ក្នុងដើមខែវិច្ឆិកា ក្រសួងការបរទេសអាល្លឺម៉ង់ បានអះអាងថា ខ្លួនមិនបានរកឃើញភស្ដុតាងណាមួយ បង្ហាញពីព្រះរាជកិច្ច របស់​ព្រះមហាក្សត្រថៃ ដែលធ្វើចេញ ពីទឹកដីអាល្លឺម៉ង់ទេ។ តែក្រុមអ្នកនយោបាយប្រឆាំង និងក្រុមសកម្មជនសិទ្ធិមនុស្ស បានច្រានចោល ការអះអាងនោះ ដោយពួកគេសំអាង ពីពេលវេលាច្រើនខែ នៃការគង់ប្រថាប់ ក្នុងប្រទេសអាល្លឺម៉ង់ និងឥទ្ធិពលដ៏ខ្លាំងក្លា របស់​ព្រះមហាក្សត្រ​អង្គនេះ នៅក្នុងមជ្ឈដ្ឋាននយោបាយថៃ៕



You may also like

ដំណឹង

តារាចម្រៀង​ថៃម្នាក់​ឡើង​សំដែង​​ពាក់អាវ​សញ្ញា​«ហ៊ីត្លែ»​ ​ផ្ទុះរឿង​អាស្រូវ

រឿងអាស្រូវ​បានផ្ទុះឡើង បន្ទាប់ពីស្ថានទូតអ៊ីស្ត្រាអែល ប្រចាំក្នុងប្រទេសថៃ កាលពីថ្ងៃសៅរ៍ បានសម្ដែង«ភាពតក់ស្លុត» និង«ការខ្វល់ខ្វាយ»របស់ខ្លួន នៅពេលបានឃើញតារាចម្រៀងម្នាក់ ដ៏មានប្រជាប្រិយ​របស់ប្រទេសថៃ បានឡើងហាត់សម​នៅលើឆាក ដោយពាក់អាវយឺតមួយ ដែលមានសញ្ញាទង់ជាតិ របស់ក្រុមណាស៊ី«ហ៊ីត្លែ»។ អ្នកចម្រៀង ...
កម្ពុជា

បន្ទាប់ពី​កូរ៉េខាងត្បូង តើ សម រង្ស៊ី គ្រោងទៅ​ប្រទេស​ណាទៀត​នៅអាស៊ី?

មន្ត្រីស្និតលោក សម រង្ស៊ី មេដឹកនាំប្រឆាំង បានអះអាងថា ការជួបជាមួយពលករខ្មែរ ក្នុងប្រទេសថៃ អាចជាជំហានក្រោយ បន្ទាប់ពី​កូរ៉េខាងត្បូង ដែលជាជំនួបជាមួយពលកររាប់ពាន់នាក់ កាលពីសប្ដាហ៍មុនរួច។ ប៉ុន្តែសម្រាប់អ្នកវិភាគ បានគិតថា ...
លោក កឹម សុខា ជួបជាមួយឯកអគ្គអង្គទូតសហភាពអ៊ឺរ៉ុប និងឯកអគ្គរដ្ឋទូតអាល្លឺម៉ង់ ប្រចាំនៅកម្ពុជា ក្នុងគេហដ្ឋានរបស់លោក។ (រូបថតលើហ្វេសប៊ុក)
កម្ពុជា

មន្ត្រី​ការទូត របស់​បស្ចឹមលោក «គាំទ្រ​ជំនួប​ ហ៊ុន សែន-កឹម សុខា»

យ៉ាងហោចណាស់ មន្ត្រី​ការទូត របស់សហភាពអ៊ឺរ៉ុប និងរបស់ប្រទេសអាល្លឺម៉ង់ ប្រចាំនៅ​ប្រទេសកម្ពុជា បានចូលសួរសុខទុក្ខលោក កឹម សុខា ប្រធានគណបក្សសង្គ្រោះជាតិ និងបាន​សម្ដែង​ការគាំទ្រ​របស់ផងខ្លួន ចំពោះ​«ជំនួប»​រវាងលោក ហ៊ុន សែន ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...