ដំណឹងអាស៊ី-ប៉ាស៊ីភិក

រដ្ឋសភា​ហុងកុង ​ត្រូវ​អាជ្ញាធរ​គ្រប់គ្រង​បានវិញ ក្នុងយប់​ថ្ងៃចន្ទ​នេះ

នគរបាលប្រឆាំងកុបកម្ម បានដណ្ដើមគ្រប់គ្រង រដ្ឋសភា​ហុងកុង បានមកវិញ ក្នុងយប់ថ្ងៃចន្ទ ចូលមកថ្ងៃអង្គារនេះ បន្ទាប់ពីស្ថាប័ននីតិបញត្តិមួយនេះ បានធ្លាក់ក្រោមការកាន់កាប់ របស់ក្រុមបាតុករអស់រយៈពេល ជាច្រើនម៉ោងរួច។

រូបភាពតាមកញ្ចក់ទូរទស្សន៍ បានឲ្យឃើញថា ក្រុមកងកម្លាំងអាជ្ញាធរ បានបាញ់គ្រាប់ឧស្ម័នបង្ហូរទឹកភ្នែក ចូលក្នុងចំណោមពួកអ្នកតវ៉ា ដែលក្រោយមក ត្រូវបង្ខំចិត្តនាំគ្នារត់ចេញ ពីក្នុងអគាររដ្ឋសភា។

ក្រុមនគរបាល់ ដែលមានពាក់របាំងមុខ​ដើម្បីដកដង្ហើម កាន់ដំបងឆក់ និងខែលការពារ បានបើកប្រតិបត្តិការដណ្ដើមយកអគារដ្ឋសភា មកកាន់កាប់វិញ ក្រោយពីនាយនគរបាលក្រុងហុងកុង បានថ្លែងព្រមានឲ្យក្រុមបាតុករ ត្រូវតែចាកចេញពីទីនោះ។ 

ទំព័រទ្វីសធើររបស់នគរបាលហុងកុង បានឲ្យដឹងថា៖

«អគាររដ្ឋសភា ត្រូវបានចូលទន្ទ្រាន និងវាយប្រហារដោយហិង្សា។ នគរបាលសូមថ្កោលទោស យ៉ាងម៉ឺងម៉ាត់បំផុត ចំពោះទង្វើនេះ (…) ហើយនឹងប្រើកម្លាំង ក្នុងករណីចាំបាច់។ ក្នុងពេលជាមួយគ្នា នគរបាលសូមអំពាវនាវឲ្យក្រុមបាតុករ ចាកចេញពីទីនោះភ្លាម។»

សម្រាប់រដ្ឋាភិបាលក្រុងហុងកុង ដែលមាននិន្នាការផ្អៀង ទៅលើរបបកុម្មុយនីស្ដិ៍ក្រុងប៉េកាំង បានបរិហារពី«អំពើហិង្សាដ៏ហួសពីការស្មាន» នៃការសម្រុកចូលទៅក្នុងអគាររដ្ឋសភា ពីសំណាក់ក្រុមបាតុករ។ រដ្ឋបាលដែលគ្រប់គ្រងកោះហុងកុង បានចាត់ទុកទង្វើនេះ ថា«មិនអាចទទួលយកបានឡើយ សម្រាប់សង្គមជាតិ»។

ក្នុងថ្ងៃចន្ទទី១ ខែកក្កដាម្សិលម៉ិញ ដែលត្រូវជាទិវាខួបលើកទី២២ នៃការភ្ជាប់ទឹកដីហុងកុង មកក្នុងប្រទេសចិនវិញនោះ ក្រុមបាតុករជាច្រើនពាន់នាក់ បាននាំគ្នាចុះដើរតាមដងផ្លូវសារជាថ្មី ដើម្បីទាមទារនូវសំណូមពរមួយចំនួន ជាពិសេស ការទម្លាក់ចោលទាំងស្រុង សេចក្ដីព្រាងច្បាប់មួយ ដែលអនុញ្ញាតឲ្យធ្វើបត្យាប័នអ្នកទោស ទៅឲ្យអាជ្ញាធរ​ចិន​កុម្មុយនីស្ដិ៍។

សេចក្ដីព្រាងច្បាប់នោះ ត្រូវបានរដ្ឋាភិបាលក្រុងហុងកុង ព្យួរទុកជាបណ្ដោះអាសន្ន ប៉ុន្តែត្រូវបានក្រុមបាតុករបន្តទាមទារថា ឲ្យទម្លាក់ចោលទាំងស្រុង និងជាស្ថាពរ។ ក្រុមបាតុករ ថែមទាំងទាមទារ ឲ្យមេដឹកនាំរដ្ឋាភិបាលក្រុង គឺអ្នកស្រី «Carrie Lam» លាលែងចេញពីតំណែង និងទម្លាក់ចោលរាល់បណ្ដឹង ក្នុងប៉ុន្មានសប្ដាហ៍ចុងក្រោយ ដែលប្ដឹងប្រឆាំងបណ្ដាអ្នកតវ៉ានោះផង។

កាលពីថ្ងៃទី១៦ ខែមិថុនាកន្លងទៅ ការតវ៉ាបានផ្ទុះឡើង និងមានសភាពខ្លាំងក្លាណាស់ រហូតមានមនុស្សចូលរួម ប្រមាណជា២លាននាក់។ ចំនួនបាតុករដ៏សម្បើម ជាតួលេខមិនធ្លាប់កើតមាន សម្រាប់ការតវ៉ាទាំងឡាយ ពីមុនមក នៅក្រុងហុងកុង ដែលមានចំនួនប្រជាជនសរុប ប្រមាណជា៧លាននាក់៕ 



លំអិតបន្ថែមទៀត

ដំណឹង

យន្ដហោះ​ក្រុមហ៊ុនចិន​មួយ​ធ្លាក់បោកខ្លួន ជាមួយ​អ្នកដំណើរ​១៣២នាក់

យន្ដហោះមួយគ្រឿង របស់ក្រុមហ៊ុនអាកាសចរណ៍ចិន «China Eastern Airlines» បានធ្លាក់បោកខ្លួន ជាមួយ​អ្នកដំណើរ​១៣២នាក់ នៅក្នុងតំបន់មួយ ស្ថិតក្នុងភាគខាងត្បូងនៃប្រទេសចិន។ ក្នុងពេលភ្លាមៗ មិនទានមានតុល្យភាពជាផ្លូវការ បង្ហាញឲ្យដឹងអំពីចំនួនជនរងគ្រោះ ឬយ៉ាងណាទេ។ ...
ដំណឹង

មេរោគ​«កូរូណា»​បាន​សម្លាប់​មនុស្ស​៦៩នាក់​ទៀត ក្នុង​តុល្យភាព​ថ្ងៃសុក្រ

មេរោគ«កូរូណា»ដ៏ប្រល័យ បានសម្លាប់បណ្ដាជនចិន ចំនួន៦៩នាក់បន្ថែមទៀត ក្នុងតុល្យភាពចុងក្រោយ ចេញផ្សាយនៅព្រឹកថ្ងៃសុក្រនេះ ដោយអាជ្ញាធរខេត្ត «Hubei» របស់ចិន ហើយបានធ្វើឲ្យតុល្យភាពសរុប នៃចំនួនមនុស្សស្លាប់ កើនឡើងដល់ទៅជាង ៦៣០នាក់។ នៅក្នុងរបាយការណ៍ ...
ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...