ដំណឹងអាស៊ី-ប៉ាស៊ីភិក

ហុងកុង សម្រេចផ្អាក​គម្រោងច្បាប់​ធ្វើបត្យាប័ន​ដ៏ចម្រូងចម្រាស់

ទីបំផុតនៅថ្ងៃសៅរ៍នេះ រដ្ឋាភិបាលក្រុង ហុងកុង បានធ្វើតាមការទាមទារ របស់ពលរដ្ឋ​ហុងកុង ដោយបានសម្រេចព្យួរគម្រោងច្បាប់ ដ៏ចម្រូងចម្រាស់ ដែលអនុញ្ញាតឲ្យធ្វើបត្យាប័នអ្នកទោស ទៅឲ្យអាជ្ញាធរចិនកុម្មុយនីស្ដិ៍។

កាលពីមុននេះបន្តិច អ្នកស្រី «Carrie Lam» ខ្លួនឯងបានចេញមុខ មកអះអាង នៅចំពោះអ្នកសារព័ត៌មាន ពីការព្យួរគម្រោងច្បាប់នេះ តែបានអះអាងឡើងវិញ ថាសណ្ដាប់ធ្នាប់សាធារណៈ ជាអាទិភាពដ៏ចម្បង របស់អាជ្ញាធរ ក្នុងការទប់ទល់ នូវរាល់អំពើហិង្សាទាំងឡាយ។

សារព័ត៌មានក្នុងក្រុងហុងកុង ឈ្មោះ «South China Morning Post» និងបណ្ដាទូរទស្សន៍ជាច្រើន ដូចជា «Now TV» «TVB» និង «RTHK» បានស្រង់ប្រភព ពីមន្ត្រីរដ្ឋាភិបាលក្រុងហុងកុង មកបញ្ជាក់ថា រដ្ឋាភិបាលបានជ្រើសរើស ការលើកថ្ងៃ សម្រាប់​ការអនុម័ត​ច្បាប់​ខាងលើ ដោយសភាហុងកុង។

ប្រព័ន្ធផ្សព្វផ្សាយទាំងនោះ បានអះអាងបន្ថែមថា អ្នកស្រី «Carrie Lam» អភិបាលក្រុងហុងកុង (ដែលមានទំនោរ ទៅរករដ្ឋាភិបាលក្រុងប៉េកាំង) មិនត្រឹមតែប្រឈមនឹងរលកប្រឆាំង ពីសំណាក់ពលរដ្ឋហុងកុង ដែលមិនពេញចិត្ត នឹងនយោបាយអ្នកស្រីទេ បើសូម្បីសមាជិកមួយចំនួន ស្និតនឹងអ្នកស្រី ក៏បានប្រកាន់ជំហរ មិនចង់ឲ្យមានច្បាប់នេះ កើតឡើងដែរ។

បាតុកម្មដ៏ធំសម្បើម កាលពីថ្ងៃពុធកន្លងមក បានបញ្ចប់ទៅ ដោយការប្រឈមមុខ​ដាក់គ្នា​ដ៏ហិង្សា រវាងក្រុមបាតុករ និងកងកម្លាំងរបស់អាជ្ញាធរ។ ជាអំពើហិង្សា ដែលមានលក្ខណៈធ្ងន់ធ្ងរ ជាងពេលណាៗទាំងអស់ រាប់ចាប់តាំង​ពីទឹកដីអតីតអាណានិគមអង់គ្លេសមួយនេះ បានវិលត្រឡប់ មកស្ថិតក្រោមការគ្រប់គ្រង របស់ប្រទេសចិន ក្នុងឆ្នាំ១៩៩៧វិញ។

បើតាមសារព័ត៌មាន «South China Morning Post» បានអះអាងបន្ថែមថា ក្រុមអ្នករៀបចំបាតុកម្ម ដែលបានអំពាវនាវឲ្យបន្តជួបជុំគ្នា ធ្វើបាតុកម្ម​នៅថ្ងៃអាទិត្យ និងធ្វើកូដកម្ម នៅថ្ងៃចន្ទខាងមុខ នៅតែរក្សាជំហរ ក្នុងការធ្វើបាតុកម្ម-កូដកម្ម ដើម្បីបន្តដាក់សម្ពាធ លើរដ្ឋាភិបាលក្រុងហុងកុង។ សម្រាប់ពួកគេ បានពន្យល់ថា ត្រឹមតែការព្យួរគម្រោងច្បាប់នេះ នៅមិនគ្រប់គ្រាន់ទេ តែរដ្ឋាភិបាលត្រូវបោះបង់ចោល នូវគម្រោងច្បាប់នេះ ជាស្ថាពរ៕



លំអិតបន្ថែមទៀត

កម្ពុជា

ខ្លីៗ​ពីបារាំង៖ ចិនបោះទុន​សង់​ច្រើនជាងគេ​នៅ​កម្ពុជា មុន​វិបត្តិ​«Covid-19»

ការវិនិយោគផ្ទាល់ពីបរទេស «FDI /IDF» ក្នុងវិស័យអចលនទ្រព្យ នៅប្រទេសកម្ពុជា មុន​វិបត្តិ​«Covid-19» ត្រូវបានកត់សម្គាល់ ដោយការវិនិយោគរបស់ចិន ដែលមាន​ទំហំ​ធំ​ជាងគេ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៨ របស់ក្រសួងសេដ្ឋកិច្ច ...
ដំណឹង

យន្ដហោះ​ក្រុមហ៊ុនចិន​មួយ​ធ្លាក់បោកខ្លួន ជាមួយ​អ្នកដំណើរ​១៣២នាក់

យន្ដហោះមួយគ្រឿង របស់ក្រុមហ៊ុនអាកាសចរណ៍ចិន «China Eastern Airlines» បានធ្លាក់បោកខ្លួន ជាមួយ​អ្នកដំណើរ​១៣២នាក់ នៅក្នុងតំបន់មួយ ស្ថិតក្នុងភាគខាងត្បូងនៃប្រទេសចិន។ ក្នុងពេលភ្លាមៗ មិនទានមានតុល្យភាពជាផ្លូវការ បង្ហាញឲ្យដឹងអំពីចំនួនជនរងគ្រោះ ឬយ៉ាងណាទេ។ ...
កម្ពុជា

ហ៊ុន សែន ​ឲ្យប្រើ​វ៉ាក់សាំង«​ចិន» ទោះគ្មាន​ការទទួលស្គាល់​ពី«WHO»

ទោះជាគ្មានការទទួលស្គាល់ ពីអង្គការសុខភាពពិភពលោក (WHO /OMS) ក៏ដោយ តែលោក ហ៊ុន សែន នាយករដ្ឋមន្ត្រីកម្ពុជា បានប្រកាសឲ្យប្រើវ៉ាក់សាំង បង្ការជំងឺកូវីដ១៩ (Covid-19) ដែលស្រាវជ្រាវ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.