ដំណឹងអាស៊ី-ប៉ាស៊ីភិក

បាតុកម្មហុងកុង៖ ជើងហោះហើរ ចាប់ផ្ដើមមានដំណើរការឡើងវិញ

ជើងហោះហើរ នៅព្រលានយន្ដហោះ ហុងកុង ដែលត្រូវបានលប់ចោល កាលពីម្សិលម៉ិញ ព្រោះការចូលកាន់កាប់ របស់ក្រុមបាតុករនិយមលទ្ធិប្រជាធិបតេយ្យនោះ បានចាប់ផ្ដើមមានដំណើរការឡើងវិញ នៅព្រឹកថ្ងៃអង្គារនេះ។

អ្នកនាំពាក្យព្រលានយន្ដហោះ ហុងកុង បានថ្លែងឲ្យដឹងថា ការចុះឈ្មោះអ្នកដំណើរ បានបើកធ្វើជាថ្មី ខណៈការបង្ហាញព័ត៌មាន ស្ដីពីការហោះចេញ និងការចុះចត នៅលើកញ្ចក់ទូរទស្សន៍ ក្នុងព្រលានយ​ន្ដហោះ ក៏មានជាធម្មតាបន្តិចម្ដងៗវិញដែរ។

បើតាមតួលេខផ្ដល់ដោយអាជ្ញាធរ បានឲ្យដឹងថា បាតុករប្រមាណជា៥០០០នាក់ បានបន្តកាន់កាប់ព្រលានយន្ដហោះ កាលពីថ្ងៃចន្ទម្សិលម៉ិញ ដើម្បីអ្វីមួយ ដែលបណ្ដាបាតុករអះអាងថា គឺដើម្បីទាក់ទាញចំណាប់អារម្មណ៍ របស់បណ្ដាអ្នកដំណើរទាំងឡាយ នៅលើពិភពលោក ឲ្យយល់​និងដឹងឮ អំពីបុព្វហេតុរបស់ពួកគេ។

ជាមួយនឹងបដា-ខិត្តប័ណ្ណនៅនឹងដៃ ក្រុមបាតុករបានបរិហារ ពីទង្វើហិង្សា របស់កងកម្លាំងនគរបាល ដែលធ្វើការបង្ក្រាប ទៅលើ«ការតស៊ូ​ដោយសន្តិវិធី»របស់ពួកគេ ប្រឆាំងនឹងលូកដៃជ្រៀតជ្រែក ពីសំណាក់រដ្ឋាភិបាលក្រុងប៉េកាំង និងប្រឆាំង​ការដើរថយក្រោយ នៃសិទ្ធិសេរីភាព នៅក្រុងហុងកុង

ការកាន់កាប់ព្រលានយន្ដហោះ បានបណ្ដាលឲ្យការហោះហើរទាំងឡាយ ត្រូវបានលប់ចោលទាំងអស់ ចាប់ពីរសៀលថ្ងៃចន្ទម្សិលម៉ិញ រហូតមកដល់វេលាព្រឹកថ្ងៃអង្គារ។

យ៉ាងណា ក្រុមបាតុករបាននាំគ្នា ចាកចេញពីព្រលានយន្ដហោះ បន្តិចម្ដងៗ នៅវេលាយប់ ដោយបន្សល់ទុកគ្នីគ្នា តែបន្តិចបន្តួចប៉ុណ្ណោះ នៅវេលាព្រឹកថ្ងៃអង្គារ ជាមួយនឹងបុគ្គលិក​បោសសម្អាតព្រលាន នៅនឹងកន្លែង។ ប៉ុន្តែបាតុករបានអះអាងថា ពួកគេមានបំណងបន្តបាតុកម្ម របស់ពួកគេ ក្នុងថ្ងៃអង្គារនេះទៀត។

សម្រាប់រដ្ឋាភិបាលក្រុងប៉េកាំងវិញ បានប្រតិកម្មខ្លាំងៗ ចាត់ទុកសកម្មភាព របស់ក្រុមបាតុករថា ជា«សញ្ញានៃភេរវនិយម»។ ការបញ្ចេញសម្លេង របស់ក្រុងប៉េកាំង ធ្វើឡើងស្របគ្នា នឹងការសម្រេចរបស់អាជ្ញាធរក្រុងហុងកុង ឲ្យបិទព្រលានយន្ដហោះ ដែលជាប់ឈ្មោះ ជាព្រលានយន្ដហោះទី៨ ក្នុងការទទួលអ្នកដំណើរ បានច្រើនជាងគេ នៅលើពិភពលោក៕



You may also like

ដំណឹង

ចិន​ដាក់​បម្រាម​ជាថ្មី លើ​ប្រជាជន​​១០៨លាន​នាក់ ក្នុង​ភាគ​ឦសាន​ប្រទេស

តំបន់ជាច្រើន ក្នុងភាគឦសានប្រទេស ដែលមានចំនួនប្រជាជនរស់នៅ ១០៨លាននាក់ ត្រូវបានអាជ្ញាធរចិន ប្រកាសដាក់បម្រាម សារជាថ្មី បន្ទាប់ពីបានរកឃើញករណីឆ្លង ជំងឺ«Covid-19» ចំនួន៣៤នាក់ នៅក្នុងក្រុង «Shulan» តែប៉ុន្មានថ្ងៃចុងក្រោយប៉ុណ្ណោះ។ ...
រូបថតជំនួស៖ កុមារចិនមួយរូប កំពុងលេងល្បែង តាមបែបវិទ្យាសាស្ត្រ។ (រូបថត Jerry Wang/Unsplash)
កម្រមាន

តុលាការចិនកាត់ទោសប្រហារជីវិត អ្នកគ្រូម្នាក់ ពីបទបំពុល​កុមារ

អ្នកគ្រូម្នាក់ ត្រូវបានតុលាការក្រុង «Jiaozuo» នៃខេត្ត «Henan» កាត់ទោស​ប្រហារជីវិត បន្ទាប់ពីបានរកឃើញថា ស្ត្រីរូបនេះចាក់ម្សៅនីទ្រីច ចូលក្នុង​ឆ្នាំងបបរ ដែលត្រូវយក​ទៅឲ្យកុមារតូចៗ​ទទួលទាន ក្នុងថ្នាក់មួយ គ្រប់គ្រង​ដោយសហជីវិនី​ម្នាក់ទៀត។ ហេតុការណ៍បានកើតឡើង តាំងពីខែមីនា ...
កម្ពុជា

អ្នកវិភាគ​ឆ្ងល់​ថា គ្មាន​អាជ្ញាធរ​ណា​អើពើ ពេលចិន​«បង្ហាញ​កាំភ្លើង»

រូបភាពដែលបណ្ដាជនចិន«បង្ហាញកាំភ្លើង»នៅក្នុងដៃ ត្រូវបានបង្ហោះចែករំលែកតៗគ្នា នៅពាសពេញបណ្ដាញសង្គម និងបានបង្កឲ្យមានប្រតិកម្មចម្រុះ អះអាងថា «បណ្ដា​ជន​ចិន​កាន់តែព្រហើន» ដែលចូលមកនៅក្នុងទឹកដីខ្មែរ តែបែរជាបង្ហោះរូបភាព យ៉ាងហ៊ឺហាដូច្នេះ។ សម្រាប់លោកបណ្ឌិត មាស នី អ្នកវិភាគនយោបាយ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...