ដំណឹងអាស៊ី-ប៉ាស៊ីភិក

Covid-19៖ រកឃើញ​១៧ករណីថ្មី​នៅចិន ខណៈ​៦នាក់​រកឃើញ​នៅ វូហាន

ក្រុង វូហាន (Wuhan) ដែលជាបេះដូងដំបូងគេ នៃការរាតត្បាតជំងឺ «Covid-19» អាច​នឹងផ្ទុះ​ករណីឆ្លងជំងឺនេះ​ឡើងវិញ បន្ទាប់ពីបានរកឃើញជាថ្មី នូវករណីឆ្លង ចំនួន​៦នាក់​ទៀត រាប់តាំងពីម្សិលម៉ិញ មកទល់នឹងថ្ងៃនេះ។

អាជ្ញាធរសុខភាព ប្រចាំតំបន់របស់ប្រទេសចិន បានអះអាងថា ករណីឆ្លងជាថ្មី ត្រូវបាន​រកឃើញ ចំនួន៥នាក់ នៅថ្ងៃចន្ទ ទី១១ ខែឧសភានេះ និងចំនួន១នាក់ កាលពី​ថ្ងៃអាទិត្យ​ម្សិលម៉ិញ ដែលជាតួលេខ នៅក្នុងក្រុង វូហាន តែមួយ។

ស្លាប់ ៤៦៣៣នាក់នៅ វូហាន

ការរកឃើញ ករណីឆ្លង​ជាថ្មី ឡើងវិញខាងលើ បានកើតឡើង បន្ទាប់ពីអាជ្ញាធរចិន រកមិនឃើញ​ករណីឆ្លង នៅក្នុងក្រុង វូហាន នេះ តាំងពីជាង១ខែមកហើយ។

ក្រុង វូហាន និងតំបន់ជុំវិញក្រុង ដែលមានប្រជាជនរស់នៅ ជាង១១លាននាក់ ត្រូវបាន​បិទ អស់រយៈពេលជាង២ខែ រាប់ពីចុងខែមករាមក។ ក្រុងនេះបានរងគ្រោះ នឹងជំងឺ «Covid-19» បណ្ដាលឲ្យមានមនុស្សឆ្លង ប្រមាណជា៨៣ ០០០នាក់ និងមនុស្សស្លាប់ ប្រមាណជា៤ ៦៣៣នាក់។ នេះ បើតាមតួលេខផ្លូវការ ដែលផ្សាយដោយអាជ្ញាធរចិន។

បិទក្រុង «Shulan»

ក្រៅពីក្រុង វូហាន នៅមានករណីឆ្លង ចំនួន១១នាក់ផ្សេងទៀត ក៏ត្រូវបានរកឃើញ និងប្រកាសជាផ្លូវការ ក្នុងថ្ងៃចន្ទដដែលនេះដែរ ដែលធ្វើតួលេខសរុប នៃករណីឆ្លងថ្មី ក្នុងប្រទេសចិនទាំងមូល​ មាន​ចំនួន ១៧នាក់។ ពីក្នុងចំណោមនោះ ១០ករណីជាការឆ្លង នៅក្នុងស្រុក។

នៅចំពោះការរកឃើញ នូវករណីឆ្លងជាថ្មីនេះ អាជ្ញាធរបានបិទក្រុង «Shulan» ដែលស្ថិត​នៅ​ភាគខាងជើង ក្បែរព្រំដែនប្រទេសរ៉ុស្ស៊ី និងកូរ៉េខាងជើង។ ទូរទស្សន៍រដ្ឋចិន «CCTV» បានផ្សាយ ពីដំណឹងបិទក្រុងនេះ បន្ទាប់ពីអាជ្ញាធររដ្ឋ បានរកឃើញករណីឆ្លងថ្មី ថាមាន​មិនតិច ជាង១១​ករណី នៅក្នុងក្រុងមួយនេះ គ្រាន់តែក្នុងរយៈពេល​ចុងសប្ដាហ៍ កន្លងមក៕



You may also like

កម្ពុជា

Covid-19៖ បុរសពីរនាក់ រត់ចេញ​ពីមណ្ឌល​ធ្វើ​ចត្តាឡីស័ក ក្នុង​ខេត្ត​ព្រៃវែង

ហេតុការណ៍បានកើតឡើង នៅវេលាម៉ោងប្រមាណជា ៤ល្ងាចថ្ងៃទី៣ ខែសីហា ឆ្នាំ២០២០​នេះ។ បុរសពីរនាក់ ម្នាក់មានអាយុ២១ឆ្នាំ និងម្នាក់ទៀតអាយុ៣២ឆ្នាំ បានរត់ចេញ​ពីមណ្ឌលធ្វើចត្តាឡីស័ក វិទ្យាល័យ​កំពង់លាវ ក្នុងខេត្តព្រៃវែង និងបានគេចខ្លួន​បាត់​ស្រមោល ខណៈក្រុម​អាជ្ញាធរ ...
ដំណឹង

ស្ថានទូត​អាមេរិក​និយាយ​ពី «ការ​ទូត​អន្ទាក់​បំណុល»​របស់​ចិន

រដ្ឋាភិបាល​និងស្ថានទូតអាមេរិក បានចែករំលែករបាយការណ៍ស្រាវជ្រាវមួយ របស់ក្រុមអ្នកជំនាញ មកពី​សាកល​វិទ្យាល័យ «ហាវើដ៍ (Harvard)» ដែលនិយាយពី​«ការទូតអន្ទាក់បំណុល»​របស់ប្រទេសចិន ដែលជា​រឿយៗ ទទួលបានលទ្ធផល ជាផ្លែផ្កា​ត្រឡប់​មកវិញ ដោយប្រទេស​កូនបំណុល ត្រូវលុតជង្គង់​នៅទីបំផុត នៅចំពោះ​ប្រទេសចិន ...
ដំណឹង

ដូណាល់ ត្រាំ ថា​បានលេប​ថ្នាំ​ការពារ​«គ្រុនចាញ់»​តាំងពី​១០ថ្ងៃ​ហើយ

លោក ដូណាល់ ត្រាំ (Donald Trump) បានបង្ហើបប្រាប់គេឯង ក្នុងថ្ងៃចន្ទនេះ ថាលោកបានលេបថ្នាំ អ៊ីឌ្រូស៊ីក្លរូគីន (Hydroxychloroquine) ដែលជាថ្នាំប្រឆាំងជំងឺ«គ្រុនចាញ់» តាំងពីច្រើនថ្ងៃមកហើយ ខណៈរូបលោក ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...