ដំណឹងពិភពលោក

អាល្លឺម៉ង់ថា​ចិន​ដាក់សម្ពាធ ឲ្យ​និយាយល្អ ពី​ប៉េកាំង​ជុំវិញ​​«Covid-19»

មន្ត្រីការទូតចិន បានជួបជាមួយ​អ្នកទទួលខុសត្រូវមួយចំនួន នៃរដ្ឋាភិបាលអាល្លឺម៉ង់ ដើម្បីបញ្ចុះបញ្ចូលអ្នកទទួលខុសត្រូវទាំងនោះ ឲ្យ​និយាយល្អ អំពីការគ្រប់គ្រង របស់ក្រុងប៉េកាំង ទៅលើការរាតត្បាត នៃជំងឺ«Covid-19»។ នេះ បើតាមការអះអាង របស់ក្រសួងមហាផ្ទៃអាល្លឺម៉ង់ តាមរយៈលិខិតមួយ ដែលទីភ្នាក់ងាររ៉យទ័រទទួលបាន។

លិខិតចុះថ្ងៃទី២២ ខែមេសានោះ បានសរសេរថា៖

«រដ្ឋាភិបាលអាល្លឺម៉ង់ បានដឹងអំពីទំនាក់ទំនង ជាលក្ខណៈបុគ្គល ដែលធ្វើឡើងដោយមន្ត្រីការទូតចិន នៅក្នុងគោលបំណង ឲ្យ​និយាយល្អ និងជាសាធារណៈ អំពីការគ្រប់គ្រង របស់សាធារណរដ្ឋប្រជាមានិតចិន ទៅលើការរាតត្បាត នៃជំងឺកូរូណាវីរុស។»

លិខិតខាងលើ ជាចម្លើយទៅនឹងសំនួរ របស់តំណាងរាស្ត្រអាល្លឺម៉ង់មួយរូប ឈ្មោះ «Margarete Bause» ដែលបានចោទសួរ ទាក់ទងហេតុការណ៍ទាំងនេះ។ លិខិតរបស់ក្រសួងមហាផ្ទៃអាល្លឺម៉ង បានបន្តថា៖

«រដ្ឋាភិបាលសហព័ន្ធ [អាល្លឺម៉ង់] មិនបានគោរព តាមសំណើរ​ទាំងនេះទេ។»

សារព័ត៌មានអាល្លឺម៉ង់មួយ ឈ្មោះ «Welt am Sonntag» ដែលបានផ្សាយ ពីលិខិតនេះដែរ បានលើកឡើងថា ស្ថានទូតចិន ប្រចាំនៅរដ្ឋធានី ប៊ែរឡាំង បានច្រានចោលដំណឹងខាងលើ ដោយវាយតម្លៃថា ជាការកុហក និងគ្មានការទទួលខុសត្រូវ។

ទីភ្នាក់ងាររ៉យទ័រ បានអះអាងបន្ថែមថា ខ្លួនទទួលបានលិខិត យ៉ាងហោចចំនួន៤ផ្សេងទៀត ដែលមានប្រភពពីមន្ត្រីការទូត នៃសហភាពអ៊ឺរ៉ុប។ លិខិតទាំងនោះ សុទ្ធតែបានបញ្ជាក់ថា ប្រទេសចិនព្យាយាមរាំងខ្ទប់ មិនឲ្យចេញផ្សាយ នូវរបាយការណ៍មួយ របស់សហភាពអ៊ឺរ៉ុប (EU) ដែលអះអាងពីការផ្សព្វផ្សាយ ព័ត៌មានបែបបំភ្លៃ របស់រដ្ឋាភិបាលក្រុងប៉េកាំង  ទៅលើការរាតត្បាត នៃជំងឺ«Covid-19»៕



លំអិតបន្ថែមទៀត

កម្ពុជា

ហ៊ុន សែន បញ្ជាតាម​សារបែកធ្លាយ​ឲ្យ«សម្លាប់ក្រុមប្រឆាំង»​ក្នុងស្រុក​ឲ្យអស់

មេដឹកនាំដ៏មានអំណាច របស់កម្ពុជា លោក ហ៊ុន សែន បានបញ្ជាទៅមនុស្សក្រោមបង្គាប់​លោក ឲ្យ«សម្លាប់ក្រុមប្រឆាំង» នៅក្នុងប្រទេសឲ្យអស់ ដោយលោកបានបញ្ជាក់ថា ការព្យួរប្រព័ន្ធអនុគ្រោះពន្ធ ពីសំណាក់សហភាពអ៊ឺរ៉ុប គឺជា«ឱកាស»​សម្រាប់​​របបដឹកនាំ​របស់លោក  ក្នុងការ«លត់​ពួកអានៅ​ខាងក្នុង»​ដូច្នេះ​ហើយ។ ...
ទស្សនៈប្រិយមិត្ត

លិខិតប្រិយមិត្ត៖ មូលហេតុ៥ ដែល​«អាមេរិកនិង​កម្ពុជា»​ត្រូវតែជិតស្និតគ្នា

គេតែងដឹង និងយល់ស្របជាទូទៅស្រាប់ហើយថា ទំនាក់ទំនងការទូតរវាង«អាមេរិកនិង​កម្ពុជា» ជាទំនាក់ទំនង​ដែល​រដាក់រដុប ជូរចត់ច្រើន​ជាងផ្អែមល្ហែម ក្នុងរយៈពេល៧០ឆ្នាំកន្លងមកនេះ។ យ៉ាងនេះក៏ដោយ គូភាគីរដ្ឋទាំងទ្វេរ នៅតែ​ប្រឹងប្រែង ធ្វើការ​កែលម្អរ ធ្វើអោយប្រសើរឡើង តាំងពីសម័យកាលសង្គ្រាមត្រជាក់ រហូតមកដល់សម័យកាល​សាកល​ភាវូបនីយកម្ម​បច្ចុប្បន្ន។ ...
កម្ពុជា

Covid-19៖ ហ៊ុន សែន ឲ្យបិទជើង​ហោះហើរ ពីម៉ាឡេស៊ី និង​ឥណ្ឌូនេស៊ី

នាយករដ្ឋមន្ត្រីកម្ពុជា លោក ហ៊ុន សែន បានបញ្ជាឲ្យបិទជើងហោះហើរទាំងឡាយ ពី​ប្រទេស​ម៉ាឡេស៊ី និង​ឥណ្ឌូនេស៊ី ដើម្បីបង្ការការរាតត្បាត ជំងឺ «Covid-19»។ បទបញ្ជា​នេះ នឹងត្រូវអនុវត្តន៍ ចាប់ពីថ្ងៃទី១ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.