ដំណឹងអាស៊ី-ប៉ាស៊ីភិក

ប៉ាគីស្ដង់​ប្រកាស​ដោះលែង​អ្នក​«បើកបរយន្ដហោះ»​ឥណ្ឌា ដើម្បីសន្តិភាព

ប្រទេសប៉ាគីស្ដង់ នឹងដោះលែងទាហាន«បើកបរយន្ដហោះ» នៃកងទ័ពជើងអាកាសឥណ្ឌា ដែលត្រូវបានប្រទេសនេះចាប់ខ្លួនបាន កាលពីថ្ងៃពុធ។ ការដោះលែងនេះ ត្រូវបានប្រទេសប៉ាគីស្ដង់អះអាងថា ជាកាយវិការ«សន្តិភាព»ជាមួយប្រទេសឥណ្ឌា ដែលនៅជាប់ព្រំប្រទល់គ្នា តែជារឿយៗ តែងមិនមុខគ្នាមិនចំ បើនិយាយពីតំបន់កាស្មៀរ នៅភាគខាងជើង។

គឺលោក អ៊ីមរ៉ាន ខាន់ (Imran Khan) នាយករដ្ឋមន្ត្រីប៉ាគីស្ដង់ ជាអ្នកប្រកាសពីការដោះលែងនេះ កាលពីថ្ងៃព្រហស្បត្តិ៍ម្សិលម៉ិញ។ លោកបានថ្លែង នៅក្នុងរដ្ឋសភាជាតិប៉ាគីស្ដង់ថា៖

«ជាកាយវិការសម្រាប់សន្តិភាព យើងនឹងដោះលែងទាហានបើកបរយន្ដហោះ [នៅថ្ងៃស្អែក]។»

ភាពតានតឺងបានផ្ទុះឡើង ចាប់ពីថ្ងៃអង្គារដើមសប្ដាហ៍នេះ បន្ទាប់ពីកងទ័ពជើងអាកាស របស់ប្រទេសឥណ្ឌា បានបើកការវាយប្រហារ ទៅលើក្រុមអ៊ីស្លាមមួយ ដែលមានទីតាំងនៅក្នុងជ្រលងភ្នំ នៃប្រទេសប៉ាគីស្ដង់។

ការប្រឈមមុខគ្នាខាងលើ ដែលបានបង្កក្ដីបារម្ភដ៏ធំធេង សម្រាប់សហគមន៍អន្តរជាតិនោះ បាននាំទៅដល់ការបាញ់ទម្លាក់យន្ដហោះ ទាំងសងខាង និងអ្នកបើកបរយន្ដហោះ យ៉ាងហោចណាស់ចំនួនម្នាក់ ត្រូវបានកងទ័ពប៉ាគីស្ដង់ចាប់ខ្លួនបាន។

កងទ័ពប៉ាគីស្ដង់ បានបង្ហោះរូបភាពពីទាហានម្នាក់នោះ ដែលគេស្គាល់ថា ជាលោកមេបញ្ជាការរង «Abhinandan Varthaman» របស់កងទ័ពជើងអកាសរបស់ប្រទេសឥណ្ឌា។ កងទ័ពប៉ាគីស្ដង់ អះអាងថា បានថែរក្សាលោក «Abhinandan Varthaman» យ៉ាងត្រឹមត្រូវ ខណៈភាគីឥណ្ឌាវិញ​បានទាមទារ ឲ្យមានការដោះលែងរូបលោក «Abhinandan Varthaman» «ជាបន្ទាន់ និងដោយសុវត្ថិភាព»។

គួរបញ្ជាក់ដែរថា បន្ទាប់ពីហេតុការណ៍ប្រឈមមុខគ្នានោះ អាជ្ញាធរគ្រប់គ្រងដែនអាកាស របស់ប្រទេសប៉ាគីស្ដង់ បានប្រកាសបិទលំហមេឃរបស់ខ្លួន រហូតដល់មានបទបញ្ជាថ្មី។ យន្ដហោះដឹកអ្នកដំណើរ មកពីប្រទេសផ្សេងមួយចំនួន ដូចយ៉ាងយន្ដហោះរបស់ក្រុមហ៊ុន ថៃអ៊ែរវេស (Thai Airways) របស់ប្រទេសថៃជាដើម បានលុបចោលការហោះហើរ​ជាច្រើន​របស់ខ្លួន នៅក្នុងថ្ងៃពុធ និងថ្ងៃព្រហស្បត្តិ៍។

យ៉ាងណា ក្រុមហ៊ុនអាកាសចរណ៍ថៃមួយនេះ បានប្រកាសឲ្យដឹងថា ខ្លួនកំពុងបើកការហោះហើរឡើងវិញហើយ ចាប់ពីល្ងាចថ្ងៃព្រហស្បត្តិនេះមក៕



លំអិតបន្ថែមទៀត

ដំណឹង

វិបត្តិ​នៅ​កាស្មៀរ៖ បុណ្យ​សាសនា «Aïd» ប្រព្រឹត្តិទៅ​ក្រោម​ភាព​តានតឹង

ពិធីបុណ្យសាសនា «Aïd al-Adha» ដ៏សំខាន់របស់មូស្លីម បានប្រព្រឹត្តទៅ ក្នុងស្ថានភាពដ៏តានតឹង បន្ទាប់ពីប្រទេសឥណ្ឌា បានធ្វើវិសោធនកម្មរដ្ឋធម្មនុញ្ញ កាលពីសប្ដាហ៍មុន លប់ចោលស្វ័យភាពនៃទឹកដីកាស្មៀរ មុននឹងបញ្ជូនកម្លាំងប្រដាប់អាវុធ យ៉ាងសន្ធឹកសន្ធាប់ ទៅកាន់ទីនោះ។ ...
កម្រមាន

ប្រឌិតរឿងប្លន់យន្ដហោះ ព្រោះ​«ស្នេហ៍​អូន»… ឥឡូវជាប់គុកមួយជីវិត!

នៅប្រទេសឥណ្ឌា បុរសអ្នកមានប្រាក់ម្នាក់ ត្រូវបានតុលាការផ្ដន្ទាទោស ឲ្យបន្តរស់នៅក្នុងពន្ធនាគារ រហូតដល់ថ្ងៃស្លាប់។ បុរសអាយុ៣៨ឆ្នាំ ដែលជាអ្នកជំនួញខាងត្បូងពេជ្រ ត្រូវបានតុលាការរកឃើញថា ជាអ្នកទទួលខុសត្រូវ ក្នុងការប្រកាសអាសន្នមិនពិតមួយ ដែលថាមានចោរប្លន់យន្ដហោះ។ ទង្វើនេះ ធ្វើឡើងព្រោះមូលហេតុ«ស្នេហ៍​អូន»។ ...
ដំណឹង

ប៉ាគីស្ដង់៖ យុវតីជំទង់​ពីរនាក់ ត្រូវបាន​សម្លាប់​ព្រោះថត​វីដេអូ​ជាមួយ​«ប្រុស»

យុវតីជំទង់​ពីរនាក់ ត្រូវបានសម្លាប់ កាលពីដើមសប្ដាហ៍ កន្លងមក ក្នុងភាគពាយ័ព្យ នៃ​ប្រទេស​ប៉ាគីស្ដង់ ដើម្បី«លាងសម្អាត»កិត្តិយស ឲ្យគ្រួសារ បន្ទាប់ពីពួកនាង បាន​បង្ហោះ​វីដេអូ នៅលើបណ្ដាញសង្កម ឃើញពួកនាង នៅជាមួយយុវជនម្នាក់។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...