កម្រមានដំណឹង

សង្ឃព្រាហ្ម​អង្គនេះ​បាន​លាចាក​លោក បន្ទាប់ពី​«មិនឆី​មិនផឹក»​៨០ឆ្នាំ

បន្ទាប់ពីបានអះអាង តាំងពីច្រើនឆ្នាំមក ថា បានធ្វើការស្មឹងស្មាធ ដោយ​«មិនឆី​មិនផឹក» អស់រយៈពេល​៨០ឆ្នាំនោះមក សង្ឃព្រាហ្មដ៏ល្បីល្បាញ របស់ប្រទេសឥណ្ឌា ព្រះនាម «Prahlad Jani» បានទទួលមរណភាពហើយ នៅថ្ងៃទី២៦ ខែឧសភានេះ។

មានកំណើតក្នុងភូមិតូចមួយ នៃរដ្ឋ «Gujarat» ភាគខាងលិចឥណ្ឌា សង្ឃ «Prahlaf Jani» ធ្លាប់អះអាងថា មិនបានឆាន់អ្វីសោះ តាំងពីព្រះជន្ម១១ឆ្នាំ។

លោក «Sheetal Chaudhary» អ្នករស់នៅជិតខាង ត្រូវបានស្រង់សំដី ដោយ​ទីភ្នាក់ងារ​ព័ត៌មានបារាំង «AFP» មកបញ្ជាក់ថា៖

«លោកបានសុគត់ កាលពីព្រឹកថ្ងៃអង្គារ ក្នុងផ្ទះរបស់លោក។ គេបានមកលោក ទៅពេទ្យ​ដែរ តែពេលទៅដល់ គ្រូពេទ្យដែលពិនិត្យលោក ថាលោកបានសុគត់ រួចទៅហើយ។»

ឱសថជីវិត «មិនឆី​មិនផឹក»

សង្ឃ «Jani» ធ្លាប់មានដីកាថា លោកទទួលបាន «ពរជ័យ» ពីទេពធីតាមួយអង្គ តាំងពី​លោក​នៅក្មេង ដែលធ្វើឲ្យ​លោក មាន«កម្លាំងដ៏ពិសេស»។ លោកមានដីកា កាលពីឆ្នាំ​២០០៣ នៅពេលលោកមានជីវិត នៅឡើយថា៖

«ខ្ញុំទទួលបានឱសថជីវិត តាមរយៈប្រហោង នៃមហាគ្រឹះរបស់ខ្ញុំ។ ឱសថជីវិតនោះ បាន​អនុញ្ញាតឲ្យខ្ញុំ អាចរស់បាន ដោយ”មិនឆី​មិនផឹក”។»

យ៉ាងណា គ្មាននរណាដឹងពិតប្រាកដថា តើសង្ឃព្រាហ្មខាងលើ បានរស់នៅតាំងពី ៨០ឆ្នាំ​មុន ដោយមិនបានទទួលទាន អ្វីសោះនោះ។ សម្រាប់ក្រុមគ្រូពេទ្យ វាពិបាក​ធ្វើឲ្យ​ជឿជាក់​ណាស់។

ដោយហេតុនេះហើយ ទើបក្រុមគ្រូពេទ្យ បានធ្វើការឃ្លាំមើលសង្ឍ «Jani» ដោយផ្ទាល់ ចំនួន​ពីរលើក គឺក្នុងឆ្នាំ២០០៣ និងឆ្នាំ២០១០។

ក្នុងរយៈពេល​នៃឃ្លាំមើល ដោយប្រើកាម៉េរាថតផ្ទាល់ ពីទីអាស្រម​របស់លោកនោះ ក្រុម​គ្រូពេទ្យ មិនបានឃើញលោក ឆាន់ទឹក ឬអ្វីផ្សេងឡើយ ហើយក៏មិនឃើញលោក បន្ទោរបង់​តូច ឬធំអ្វីដែរ ក្នុងរយៈពេល២សប្ដាហ៍៕



លំអិតបន្ថែមទៀត

ទស្សនៈប្រិយមិត្ត

លិខិតប្រិយមិត្ត៖ តើចិនអាចធ្វើដំណើរ ទៅដល់ណា?

តើចិនអាចធ្វើដំណើរ ទៅដល់ណា? ៖ ប្រទេសចិនកុំម្មុយនីស្ត ប្រឈមមុខនឹងគូប្រជែង និងគូសត្រូវមួយចំនួន ដើម្បី​សម្រេចបាន​នូវ​«មហិច្ឆតាខួប១០០ឆ្នាំ»នៃរបបនេះ នៅឆ្នាំ២០៥០៖ – គូប្រជែង​និងគូសត្រូវលេខ១ របស់ចិន​គឺ អាមេរិក សហគមន៍អឺរ៉ុប២៦ប្រទេស ...
ដំណឹង

ឥណ្ឌា៖ កុមារ​ធ្លាក់ចូល​អណ្ដូង​តាំង​ពី៤ថ្ងៃ​ត្រូវបាន​យកចេញ តែគ្មាន​ជីវិត

ក្នុងភូមិ «Sangrur» នៃខេត្ត «Pendjab» ភាគខាងជើងឥណ្ឌា កុមារអាយុ២ឆ្នាំម្នាក់ ដែលបានធ្លាក់ចូលក្នុងអណ្ដូងមួយ តាំងពីជាង៤ថ្ងៃមុន ត្រូវបានស្រង់ឡើងមកលើវិញ តែគ្មាន​ជីវិត កាលពីព្រឹកម៉ិញ។ នេះ បើតាមការអះអាងរបស់អាជ្ញាធរតំបន់ ដែលត្រូវបានដកស្រង់ ...
ដំណឹង

វិបត្តិ​នៅ​កាស្មៀរ៖ បុណ្យ​សាសនា «Aïd» ប្រព្រឹត្តិទៅ​ក្រោម​ភាព​តានតឹង

ពិធីបុណ្យសាសនា «Aïd al-Adha» ដ៏សំខាន់របស់មូស្លីម បានប្រព្រឹត្តទៅ ក្នុងស្ថានភាពដ៏តានតឹង បន្ទាប់ពីប្រទេសឥណ្ឌា បានធ្វើវិសោធនកម្មរដ្ឋធម្មនុញ្ញ កាលពីសប្ដាហ៍មុន លប់ចោលស្វ័យភាពនៃទឹកដីកាស្មៀរ មុននឹងបញ្ជូនកម្លាំងប្រដាប់អាវុធ យ៉ាងសន្ធឹកសន្ធាប់ ទៅកាន់ទីនោះ។ ...

Comments are closed.

យល់ស៊ីជម្រៅផ្នែក កម្រមាន

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...
កម្រមាន

ឥណ្ឌា៖ ប្រកាសថាស្លាប់ ស្រាប់តែរស់ឡើងវិញ​ ពេលធ្វើ​កោសល្យវិច្ច័យ

ក្នុងរដ្ឋ​«Karnataka» (ភាគខាងត្បូងឥណ្ឌា) បុរសម្នាក់អាយុ២៧ឆ្នាំ ដែលត្រូវបានគ្រូពេទ្យ ប្រកាសថាស្លាប់ បន្ទាប់​ពីបានរងរបួសធ្ងន់ធ្ងរ នៅក្នុងគ្រោះថ្នាក់ដួលម៉ូតូ បានភ្ញាក់ដឹងខ្លួនមកវិញ នៅខណៈពេលសាកសព ត្រូវបានយកទៅ​ធ្វើកោសល្យវិច្ច័យ។ នេះ បើតាមមន្ត្រី​សុខាភិបាល​ឥណ្ឌា ដែលត្រូវបានស្រង់សំដី ...