ពិធីបុណ្យសាសនា «Aïd al-Adha» ដ៏សំខាន់របស់មូស្លីម បានប្រព្រឹត្តទៅ ក្នុងស្ថានភាពដ៏តានតឹង បន្ទាប់ពីប្រទេសឥណ្ឌា បានធ្វើវិសោធនកម្មរដ្ឋធម្មនុញ្ញ កាលពីសប្ដាហ៍មុន លប់ចោលស្វ័យភាពនៃទឹកដីកាស្មៀរ មុននឹងបញ្ជូនកម្លាំងប្រដាប់អាវុធ យ៉ាងសន្ធឹកសន្ធាប់ ទៅកាន់ទីនោះ។ ពិធីបុណ្យនេះ តម្រូវឱ្យធ្វើការបូជាសត្វចៀម តាមទំនៀមទំលាប់រៀងមក។ តែឆ្នាំនេះ បណ្ដាជននៅកាស្មៀរ បានសំដែងភាពលំបាកលំបិន របស់ផងខ្លួន ក្នុងការប្រារព្ធពិធី ដោយសារពួកគេត្រូវបានហាមឃាត់ នូវរាល់ការជួបជុំគ្នា។ បុរសម្នាក់ ដែលរស់នៅចំងាយ ជាង១០គីឡូមែត្រ ពីក្រុង «Srinagar» នៃតំបន់កាស្មៀរ ត្រូវបានទីភ្នាក់ងារព័ត៌មានបារាំង «AFP» ស្រង់សំដីមកបញ្ជាក់ថា៖ «តម្លៃចៀមមួយក្បាល ថ្លៃខ្លាំងណាស់។ អ្នកលក់ចៀមនិយាយថា ...

ស្លាប់​យ៉ាងតិច​២៩នាក់ នៅក្នុងហេតុការណ៍ក្រឡប់រថយន្ដមួយ ដែលបានកើតឡើង ក្នុងព្រឹកថ្ងៃចន្ទនេះ នាសង្កាត់ «Agra» នៃរដ្ឋ «Uttar Pradesh» ភាគខាងជើងប្រទេសឥណ្ឌា។ រថយន្ដក្រុងដែលត្រូវចេញដំណើរ​ ពីទីនោះ បើកឆ្ពោះទៅកាន់រដ្ឋធានី ញូដេលី បានធ្លាក់ចេញពីផ្លូវ មុននឹងក្រឡាប់ជាច្រើនត្រឡប់ ចូលទៅក្នុងប្រឡាយទឹក នៅខាងក្រោម។ ពីក្នុងចំណោមអ្នកដំណើរ ៤៦នាក់ ដែលជិះក្នុងរថយន្ដក្រុងនោះ អាជ្ញាធរបានរកឃើញអ្នកបាត់បង់ជីវិត មានចំនួន២៧នាក់ នៅនឹងកន្លែង។ អាជ្ញាធរបានអះអាងទៀតថា មនុស្សពីរនាក់ទៀត បានស្លាប់នៅឯមន្ទីរពេទ្យ ខណៈមនុស្ស១៧នាក់ផ្សេង ដែលរងរបួស កំពុងស្ថិតក្រោមការព្យាបាល។ សារព័ត៌មានក្នុងស្រុកបានរាយការណ៍ថា អ្នកបើកបរបានងោក ក្នុងខណៈពេលខ្លួនបានកាន់ចង្កូតរថយន្ដ មកដល់ផ្លូវកោងមួយនេះ។ យ៉ាងណា ...

ស្ត្រីពីរនាក់ ម្ដាយនិងកូន ត្រូវបានចាប់«កោរត្រងោល» និងចាប់ឲ្យដើរ នៅតាមដងផ្លូវ បន្ទាប់ពីពួកនាង បានជំទាស់នឹងការប៉ុនប៉ងចាប់រំលោភ ពីសំណាក់បុរសមួយក្រុម។ នេះ បើតាមការអះអាង របស់នគរបាលឥណ្ឌា កាលពីថ្ងៃសុក្រ។ នគរបាលបន្តទៀតថា បុរសម្នាក់ឈ្មោះ «Mohommad Khurshid» ដែលត្រូវបានគេស្គាល់ មានមុខមានមាត់ នៅក្នុងភូមិមួយ នៃរដ្ឋ «Bihar»  (ភាគខាងកើតឥណ្ឌា) បាននាំគ្នីគ្នាខ្លួន ចូលទាំងកម្រោលទៅក្នុងផ្ទះរបស់ស្ត្រីខាងលើ ហើយបានព្យាយាមចាប់រំលោភ យុវតីវ័យ១៩ឆ្នាំ ដែលទើបនឹងរៀបការ កាលពីពេលថ្មីៗ។ ស្ត្រីជាម្ដាយ ដែលមានស្វាមីជាអ្នកសុំទាន បានរាយការណ៍ ប្រាប់នគរបាលថា នៅពេលយុវតីជាកូន និងរូបខ្លួន បានជំទាស់នឹងទង្វើព្រៃផ្សៃនេះ ពួកនាងត្រូវបានក្រុមបុរសទាំងនោះ ...

នៅប្រទេសឥណ្ឌា បុរសអ្នកមានប្រាក់ម្នាក់ ត្រូវបានតុលាការផ្ដន្ទាទោស ឲ្យបន្តរស់នៅក្នុងពន្ធនាគារ រហូតដល់ថ្ងៃស្លាប់។ បុរសអាយុ៣៨ឆ្នាំ ដែលជាអ្នកជំនួញខាងត្បូងពេជ្រ ត្រូវបានតុលាការរកឃើញថា ជាអ្នកទទួលខុសត្រូវ ក្នុងការប្រកាសអាសន្នមិនពិតមួយ ដែលថាមានចោរប្លន់យន្ដហោះ។ ទង្វើនេះ ធ្វើឡើងព្រោះមូលហេតុ«ស្នេហ៍​អូន»។ គេត្រូវវិលត្រឡប់ ទៅអំឡុងឆ្នាំ២០១៧ ដើម្បីដឹងពីរឿងដ៏អស្ចារ្យនេះ ឡើងវិញ។ គឺអាជ្ញាធរបានរកឃើញថា បុរសអ្នកមានខាងលើ បានចូលទៅសរសេរការប្រកាសអាសន្នមួយ នៅក្នុងបន្ទប់ទឹក នៃយន្ដហោះរបស់ក្រុមហ៊ុន «Jet Airways» ដែលភ្ជាប់ជើងហោះហើរ នៅក្នុងស្រុក។ ការប្រកាសអាសន្ននោះ អះអាងថា មានចោរ១២នាក់ នៅក្នុងយន្ដហោះ ហើយទាមទារឲ្យយន្ដហោះ ត្រូវបើកបង្ហោះទៅចុះចត នៅប្រទេសប៉ាគីស្ដង់ ដែលនៅជាប់ព្រំដែនឥណ្ឌា។ បន្ទាប់ពីអាជ្ញាធរ បានវែកមុខឃើញរួច ...

ក្នុងភូមិ «Sangrur» នៃខេត្ត «Pendjab» ភាគខាងជើងឥណ្ឌា កុមារអាយុ២ឆ្នាំម្នាក់ ដែលបានធ្លាក់ចូលក្នុងអណ្ដូងមួយ តាំងពីជាង៤ថ្ងៃមុន ត្រូវបានស្រង់ឡើងមកលើវិញ តែគ្មាន​ជីវិត កាលពីព្រឹកម៉ិញ។ នេះ បើតាមការអះអាងរបស់អាជ្ញាធរតំបន់ ដែលត្រូវបានដកស្រង់ យកមកចុះផ្សាយ ដោយសារព័ត៌មានក្នុងស្រុក។ តាំងពីថ្ងៃព្រហស្បត្តិ៍មុន កុមារតូចឈ្មោះ «Fatehvir Singh» បានធ្លាក់ចូលអណ្ដូង មានទំហំ២៣សង់ទីម៉ែត្រ និងជម្រៅ ៣៣ម៉ែត្រ ដែលជីកដោយក្រុមគ្រួសារកុមារ ដើម្បីយកទឹកស្រោចដំណាំ។ ប៉ុន្តែអណ្ដូងនោះ រីងទឹក និងត្រូវបានបោះបង់ចោល តាំងពីឆ្នាំ១៩៩១ មកម្លេះ។ បើតាមមន្ត្រីអាជ្ញាធរតំបន់ បានអះអាងថា អណ្ដូងតូចនោះ មានបាវខ្សាច់គ្របពីលើ តែកុមារទំនងជាបានដើរជាន់ ...

យ៉ាងហោចណាស់ និស្សិតក្មេងៗ ២០នាក់ បានបាត់បង់ជីវិត និងជាង២០នាក់ទៀត បានរងរបួស នៅក្នុងគ្រោះអគ្គិភ័យ ដែលបានឆាបឆេះអាគារសាកលវិទ្យាល័យមួយ ស្ថិតនៅភាគខាងលិច នៃប្រទេសឥណ្ឌា កាលពីថ្ងៃសុក្រ។ នេះបើតាមរបាយការណ៍ក្នុងថ្ងៃសៅរ៍ ដែលផ្ដល់ដោយអាជ្ញាធរតំបន់។ ក្នុងតុល្យភាពដំបូងឲ្យដឹងថា មនុស្ស១៥នាក់បានស្លាប់។ អ្នករបួសទាំងជាង២០នាក់ កំពុងសម្រាកព្យាបាល នៅក្នុងមន្ទីរពេទ្យ។ ស្រង់សំដីដោយសារព័ត៌មានក្នុងស្រុក គ្រូពេទ្យមួយរូបបានអះអាងថា ក្នុងចំណោមអ្នកស្លាប់​ទាំង ២០នាក់ មាន១៦នាក់ជាស្ត្រី ខណះមនុស្ស ១៦នាក់ បានស្លាប់ដោយភ្លើងឆេះខ្លួន និង៤នាក់ទៀត បានរបួស​ធ្ងន់ធ្ងរ ដោយសារបានលោតចេញពីអាគារ ហើយបានស្លាប់នៅឯមន្ទីរពេទ្យ។ សាកលវិទ្យាល័យនោះ ជាវិទ្យាស្ថានឯកជនមួយ នៅក្រុង«Surate» ក្នុងរដ្ឋ«Gujarat»។ ម្ចាស់អាគារម្នាក់ ...