ដំណឹងអាស៊ី-ប៉ាស៊ីភិក

Covid-19 ៖ ឱសថការី​ឥណ្ឌា​ម្នាក់ ស្លាប់​ដោយសារ​សាកល្បង​ថ្នាំ​ខ្លួនឯង

ឱសថការី​ឥណ្ឌា​ម្នាក់ បានស្លាប់ និងប្រធាន​មន្ទីរពិសោធន៍​ម្នាក់ទៀត បានចូល​សម្រាក​ពេទ្យជាបន្ទាន់ បន្ទាប់ពីបានផឹកទឹកថ្នាំផ្សំ ដែលពួកគេបង្កើតឡើង ក្នុងក្ដីសង្ឃឹមថា ជាថ្នាំ​ព្យាបាលជំងឺ «Covid-19»។ នេះ បើតាមការអះអាង របស់នគរបាលឥណ្ឌា កាលពីថ្ងៃសៅរ៍ ម្សិលម៉ិញ។

អ្នកនាំពាក្យនគរបាល បានអះអាងថា លោក «K. Sivanesan» ឱសថការីអាយុ៤៧ឆ្នាំ បានស្លាប់ នៅនឹង​មន្ទីរ​ពិសោធន៍ ក្រោយពីលោកបានផឹកថ្នាំ ដែល​កើតចេញ​ពីរូបមន្ត នៃ​ការ​ស្រាវជ្រាវ របស់លោក​ខ្លួនឯង នៅតាមបណ្ដាញ​អ៊ិនធើណែត។ នគរបាលបន្តថា ដើម្បីចេញ​​ជារូបមន្ដ​​នោះ លោក «K. Sivanesan» បានទិញបណ្ដា​សារជាតិ​គីមី មកធ្វើ​ជាធាតុផ្សំ នៅតាម​ទីផ្សារ​ក្នុងស្រុក។

អ្នក​វិទ្យាសាស្ត្រ​ទាំងពីររូប ធ្វើការនៅក្នុងសហគ្រាសផលិតឱសថ មួយកន្លែង ស្ថិតនៅក្រុង «Chennai» ភាគអាគ្នេយ៍នៃប្រទេសឥណ្ឌា។ សហគ្រាសនោះ មានជំនាញ​ផលិតថ្នាំ ចេញពីរុក្ខជាតិ។

ចំពោះប្រធាន​មន្ទីរពិសោធន៍ លោក «Rajkumar» ដែលត្រូវបានបញ្ជូន ទៅសង្គ្រោះ​បន្ទាន់ នៅឯមន្ទីរពេទ្យ បានផុតពីគ្រោះថ្នាក់ហើយ។

មកដល់ថ្ងៃនេះ គេនៅមិនទាន់មាន​ថ្នាំព្យាបាល ឬថ្នាំវ៉ាក់សាំង សម្រាប់ព្យាបាល ឬបង្ការជំងឺរាតត្បាត «Covid-19» បាននៅឡើយ ខណៈការរាតត្បាត នៃជំងឺដ៏ចង្រៃ បានសម្លាប់មនុស្ស ជិត៣សែននាក់ នៅលើពិភពពលោក។

ដោយឡែក នៅក្នុងប្រទេសឥណ្ឌា ករណីឆ្លងជំងឺខាងលើ មានប្រមាណជាង ៦ម៉ឺននាក់ និងមនុស្សស្លាប់ មានប្រមាណជាង ២ពាន់នាក់៕



លំអិតបន្ថែមទៀត

កម្ពុជា

Covid-19៖ ជប៉ុន​ព្យួរ​ទិដ្ឋាការ​ចំពោះ​ប្រទេស​ជាច្រើន រួមទាំង​​កម្ពុជា

រាជាណាចក្រជប៉ុន បានប្រកាសបិទទឹកដីរបស់ខ្លួន ដោយព្យួរទិដ្ឋាការ និងផ្អាក​ការផ្ដល់​ទិដ្ឋាការ សម្រាប់ជនបរទេស មកពីច្រើនប្រទេស រួមទាំង​កម្ពុជា ដើម្បីអ្វីមួយ ដែល​ប្រទេស​នេះអះអាងថា ដើម្បីពង្រឹងវិធានការ បង្ការ និងទប់ស្កាត់ជំងឺ «Covid-19» ...
ដំណឹង

មន្ទីរពិសោធ​ក្រុង​វូហាន ​បដិសេធការបែកធ្លាយ​មេរោគ​«Covid-19»

មន្ទីរពិសោធ​ក្រុង​វូហាន (Wuhan – ចិន) ដែលរងការចោទ ពីប្រព័ន្ធផ្សព្វផ្សាយអាមេរិក ជុំវិញការបែកធ្លាយដំបូងគេ នៃមេរោគ «Covid-19» បានចេញមុខ កាលពីថ្ងៃអាទិត្យ ធ្វើការបដិសេធ រាល់ការទទួលខុសត្រូវ ...
ទស្សនៈប្រិយមិត្ត

លិខិតប្រិយមិត្ត៖ តើចិនអាចធ្វើដំណើរ ទៅដល់ណា?

តើចិនអាចធ្វើដំណើរ ទៅដល់ណា? ៖ ប្រទេសចិនកុំម្មុយនីស្ត ប្រឈមមុខនឹងគូប្រជែង និងគូសត្រូវមួយចំនួន ដើម្បី​សម្រេចបាន​នូវ​«មហិច្ឆតាខួប១០០ឆ្នាំ»នៃរបបនេះ នៅឆ្នាំ២០៥០៖ – គូប្រជែង​និងគូសត្រូវលេខ១ របស់ចិន​គឺ អាមេរិក សហគមន៍អឺរ៉ុប២៦ប្រទេស ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.