ថ្នាំវ៉ាក់សាំងរបស់ចិន ពិតជាមាន«ប្រសិទ្ធិភាព និងសុវត្ថិភាព»។ នេះ ជាប្រតិកម្ម​របស់រដ្ឋាភិបាលក្រុង ប៉េកាំង ដើម្បីឆ្លើយតប​ទៅនឹង​ការរិះគន់ របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ដែលលើកឡើង​​កាលពីថ្ងៃព្រហស្បត្តិ៍ អំពី​«ភាពស្រពិចស្រពិល»​នៃថ្នាំវ៉ាក់សាំងចិន និងហៅការផ្ដល់ជំនួយ ថ្នាំវ៉ាក់សាំងទាំងនេះ ទៅឲ្យបណ្ដាប្រទេសកំពុងអភិវឌ្ឍន៍ ថាជា​«ជំនួញការទូត»។

លោក វ៉ាង វេនប៊ីង (Wang Wenbin) អ្នកនាំពាក្យក្រសួងការបរទេសចិន បានថ្លែងទៅកាន់ក្រុមអ្នកយកព័ត៌មាន ក្នុងព្រឹកថ្ងៃសុក្រនេះថា៖

«រដ្ឋាភិបាលចិន យកចិត្តទុកដាក់យ៉ាងខ្លាំង ចំពោះសុវត្ថិភាព និងប្រសិទ្ធភាព នៃវ៉ាក់សាំងបង្ការជំងឺកូវីដ-១៩ (Covid-19)។ ដោយផ្អែកលើ​ការសាកល្បង ក្នុងដំណាក់កាលទី៣ បង្ហាញថា វ៉ាក់សាំងចិន ពិតជាមានប្រសិទ្ធភាព និងសុវត្ថិភាព។»

នៅចំពោះសំនួរ អំពីការលើកឡើងរបស់ប្រធានាធិបតីបារាំង មន្ត្រីអ្នកនាំពាក្យបានបញ្ចេញប្រតិកម្មថា៖

«សហគមន៍អន្តរជាតិ គួរណាស់ត្រូវរួបរួមគ្នា ជាជាងប៉ះទង្គិចគ្នា ជុំវិញចំណោទអំពីថ្នាំវ៉ាក់សាំង។»

នៅក្នុងជំនួបប្ដូរយោបល់ ជាមួយក្រុមអ្នកជំនាញ ផ្នែកវេជ្ជសាស្ត្រអាមេរិក ហៅថា «Atlantic Council» កាលពីថ្ងៃព្រហស្បត្តិ៍ លោក អេម៉ានុយអែល ម៉ាក្រុង បានថ្លែងឲ្យដឹងថា រដ្ឋាភិបាល​ក្រុង​ ប៉េកាំង ​បាន​យក​វ៉ាក់សាំង​បង្ការ​កូវីដ១៩ ធ្វើ​ជា​«ជំនួញការទូត​» ទៅ​លើ​បណ្តា​ប្រទេស​កំពុង​អភិវឌ្ឍ​ជា​ច្រើន​ ដោយ​មិន​បាន​ផ្តល់​ព័ត៌មាន​ ប្រកបដោយតម្លាភាព ស្តីពី​ប្រសិទ្ធភាព និង​សុវត្ថិភាព ​របស់ថ្នាំ​វ៉ាក់សាំង​ទេ។

ប្រធានាធិបតី​បារាំងបញ្ជាក់ថា៖

«នៅ​ក្នុង​រយៈពេល​មធ្យម និង​រយៈពេល​វែង​ នាពេលខាង​មុខ វា​ស្ទើតែប្រាកដហើយ​ថា បើ​វ៉ាក់សាំង​នេះ​គ្មាន​ប្រសិទ្ធិភាព និង​សុវត្ថិភាពទេ នោះវា​នឹងបង្កភាពងាយស្រួល ​នូវការបំប្លែងខ្លួនថ្មីៗ នៃមេរោគ​កូវីដ១៩ (ដែលកាន់តែពិបាកព្យាបាល) ហើយវាពិតជា​មិនអាចដោះស្រាយ​បញ្ហា នៅក្នុងប្រទេសទាំងនោះ​បានទេ។»

មកដល់ម៉ោងនេះ រដ្ឋអំណាចចិនបានទទួលស្គាល់ កាលពីចុងខែធ្នូ តែថ្នាំ​​វ៉ាក់សាំងមួយគត់ ដែលផលិត​ដោយ​មន្ទីរពិសោធន៍​ចិន ឈ្មោះ «SinoPharm»។ មន្ទីរពិសោធន៍នេះ បានលើក​ឡើង ​ពី​អត្រា​ប្រសិទ្ធិភាព​នៃថ្នាំវ៉ាក់សាំង​របស់ខ្លួន ថាមានចំនួន ៧៩%។

ក្រៅ​ពី​វ៉ាក់សាំង​ខាងលើ ប្រទេសចិននៅ​មាន​វ៉ាក់សាំង​មួយ​ទៀត ដែល​ផលិត​ដោយ​មន្ទីរពិសោធន៍ «Sinovac»។ ឆ្លងតាមការធ្វើ​តេស្ត៍​ ទៅលើ​មនុស្ស​រាប់​ម៉ឺននាក់ ​នៅ​ក្នុង​ប្រទេស​ជា​ច្រើន ពិសេស​នៅប្រទេស​ប្រេស៊ីល បានបង្ហាញថា អត្រា​ប្រសិទ្ធិភាព​របស់​វ៉ាក់សាំង «Sinovac» មាន​ត្រឹមតែ «៥០,៣៨%» ប៉ុណ្ណោះ៕



លំអិតបន្ថែមទៀត

កម្ពុជា

Covid-19៖ កម្ពុជាថា មន្ត្រីទូត​អាមេរិក​ម្នាក់ទៀត បានឆ្លងជំងឺ

មន្ត្រីទូត​អាមេរិក​ម្នាក់ទៀត ត្រូវបាន​អាជ្ញាធរ​សុខាភិបាល​កម្ពុជា អះអាងថា បានឆ្លង​ជំងឺ «Covid-19» និង​កំពុង​ដាក់ឲ្យ​ព្យាបាល នៅក្នុងបន្ទប់​ដោយឡែកមួយ នៃស្ថានទូត​អាមេរិក ប្រចាំក្នុងរាជធានីភ្នំពេញ។ ករណី​មន្ត្រីការទូត​​នេះ បានបន្ថែម​ពី​លើករណី នៃ​មន្ត្រី​ការទូត​អាមេរិកពីរនាក់មុន ដែលត្រូវបានរកឃើញថា ...
កម្ពុជា

GDP ៖ គឺ​ថ្ងៃ៧មករា និង​បំណុលចិន ដែល​ប៉ះពាល់​ដល់​អធិបតេយ្យជាតិ

សម្រាប់គណបក្សប្រជាធិបតេយ្យមូលដ្ឋាន «GDP» ការទាមទាររបស់សហភាពអ៊ឺរ៉ុប តាមរយៈកិច្ចព្រមព្រៀងអ៊ឺរ៉ុប-កម្ពុជា នៃប្រព័ន្ធអនុគ្រោះពន្ធ «EBA» ក្នុងការលើកស្ទួយលទ្ធិប្រជាធិបតេយ្យ និងសិទ្ធិមនុស្សនៅកម្ពុជា មិនប៉ះពាលដល់អធិបតេយ្យភាពកម្ពុជា ជាដុំកំភួនទេ។ ផ្ទុយទៅវិញ គឺការដឹងគុណ និងសងគុណប្រទេសវៀតណាម ...
ដំណឹង

ធនាគារ​ជាតិ​បារាំង​បញ្ជាក់ថា ជំងឺ​«Covid-19»​កម្រឆ្លង​តាមលុយ

ធនាគារ​ជាតិ​បារាំង​បញ្ជាក់ថា ខ្លួនរកមិនឃើញហនិភ័យ គួរឲ្យកត់សម្គាល់ណាមួយ អំពី​ការឆ្លងជំងឺ «Covid-19» តាមរយៈចរាចរណ៍ នៃរូបិយប័ណ្ណនានានោះឡើយ។ ការអះអាង​​របស់ស្ថាប័នកំពូល របស់ប្រទេសបារាំង ធ្វើឡើង ដើម្បីឆ្លើយតប ទៅនឹង​ការបារម្ភ​ទាំងឡាយ ជុំវិញការកាន់ក្រដាសប្រាក់ ...

Comments are closed.

យល់ស៊ីជម្រៅផ្នែក ដំណឹង

ដំណឹង

ក្រុមប្រទេស​«G7»​ថ្កោលទោស​រ៉ុស្ស៊ី ក្នុងការផ្លោងគ្រាប់​ដាក់ផ្សារ​អ៊ុយក្រែន

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ស្លាប់យ៉ាងតិច​១៩នាក់ ក្នុងនោះ១៨នាក់​ជាកុមារ នៅក្នុងព្រឹត្តិការណ៍បាញ់រះមួយ ក្នុងព្រឹកថ្ងៃអង្គារនេះ (ទី២៤ ខែឧសភា ឆ្នាំ២០២២) បង្កឡើងដោយយុវជនអាយុ១៨ឆ្នាំម្នាក់ ស្ថិតនៅក្នុងបរិវេណ នៃសាលាបឋមសិក្សាមួយកន្លែង នៃរដ្ឋតិចសាស (ភាគខាងត្បូង សហរដ្ឋអាមេរិក)។ ...
ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...