កម្ពុជាដំណឹង

ហ៊ុន សែន ជូនពរ​«ចូលឆ្នាំចិន»​៤ថ្ងៃមុន ដោយធៀប​ទៅ​របបខ្មែរក្រហម

«ខ្ញុំនិងភរិយា សូមជូនពរបងប្អូនជនរួមជាតិបានសប្បាយរីករាយ នៅក្នុងឱកាសបុណ្យ”ចូលឆ្នាំចិន”ខាងមុខ និងមានលាភសំណាងគ្រប់ៗគ្នា។»

ខាងលើនេះ ជាការថ្លែងពាក្យជូនពរ សម្រាប់ពិធីចូលឆ្នាំចិន-វៀតណាម ពីសំណាក់នាយករដ្ឋមន្ត្រីកម្ពុជា ខណៈពិធីជាប្រពៃណីនេះ នឹងចូលមកដល់ ក្នុង៤ថ្ងៃខាងមុខ។ យ៉ាងណា បុរសខ្លាំងកម្ពុជា បានប្រើឱកាសនេះ ដើម្បីប្រៀបធៀបរបបលោក ទៅនឹងរបបដឹកនាំ របស់កម្ពុជាប្រជាធិបតេយ្យ។

ប៉ុន្តែលោក ហ៊ុន សែន មិនបានបញ្ជាក់ផងទេថា ពិធីចូលឆ្នាំមួយនេះ ក៏ជាផ្នែកមួយ នៃប្រពៃណី​របស់បណ្ដាជនវៀតណាម ឬបណ្ដាជនខ្មែរកាត់វៀតណាម ដែលកំពុងមាន​វត្តមានរស់នៅយ៉ាងច្រើន នៅក្នុងប្រទេស​កម្ពុជា​ដែរនោះទេ។

នៅលើបណ្ដាញសង្គម លោកនាយករដ្ឋមន្ត្រី បានសរសេរថា៖

«នៅសល់តែ៤ថ្ងៃទៀតប៉ុណ្ណោះ ថ្ងៃ”ចូលឆ្នាំចិន”នឹងមកដល់។ ទោះបីពិធីបុណ្យចូលឆ្នាំប្រពៃណីជាតិខ្មែរនៅក្នុងខែមេសា ក៏ពិតមែន តែយើងសង្កេតឃើញថា កម្ពុជាយើងចូលឆ្នាំទាំង៣ គឺឆ្នាំសកល ឆ្នាំចិន និងឆ្នាំខ្មែរ។ ជាពិសេសសព្វថ្ងៃនេះ មានបងប្អូនខ្មែរកាត់ចិន ឬក៏បានភ្ជាប់សាច់ឈាមខ្សែស្រឡាយចិន ក៏មានកាន់តែក៏ច្រើនផងដែរ។»

លោកបន្តថា៖

«កាលពីជំនាន់ប៉ុលពតប្រល័យពូជសាសន៍ (១៩៧៥ -១៩៧៩) គឺគ្មានពិធីបុណ្យសាសនាអ្វីទាំងអស់ ហើយពលរដ្ឋក៏គ្មានសិទ្ឋិសេរីភាពអ្វីដែរ គឺមានតែគេបង្ខំអោយធ្វើការទាំងយប់ទាំងថ្ងៃរស់នៅបែកបាក់ព្រាត់ប្រាស់គ្រួសារ និងរង់ចាំតែសេចក្តីស្លាប់តែមួយមុខប៉ុណ្ណោះ។ សូម្បីតែមានសាច់ឈាមពណ៍សម្បុរ “ស” ក៏គេចោទថាខ្មាំងដែរ។»

«ក្រោយពីប្រទេសជាតិ​យើង​មានសុខសន្តិភាព​ពេញលេញ បងប្អូនប្រជាពលរដ្ឋ មានសិទ្ឋិសេរីភាពគ្រប់យ៉ាង ក្នុងការជ្រើសរើស និងប្រតិបត្តិជំនឿសាសនា និងរៀបចំពិធីបុណ្យប្រពៃណីតូចធំ រួមទាំងពិធីបុណ្យចូលឆ្នាំ នៃជនជាតិនីមួយៗ ទៅតាមជំនឿរៀងៗខ្លួនដោយសេរី»៕



លំអិតបន្ថែមទៀត

ដំណឹង

សហគ្រាសចិន ទិញវ៉ាក់សាំងពីអាល្លឺម៉ង់ ខណៈប៉េកាំង​បង្ហាញវ៉ាក់សាំងខ្លួន

សហគ្រាសចិន ឈ្មោះ«FosunPharma» បានប្រកាសថាខ្លួន បានបញ្ជាទិញវ៉ាក់សាំងបង្ការជំងឺកូវីដ (Covid-19) ចំនួនយ៉ាងហោច១០០លានដូស ពីសហគ្រាស«BioNTech» របស់ប្រទេសអាល្លឺម៉ង ហើយថាវ៉ាក់សាំងទាំងនេះ នឹងនាំមកដល់ប្រទេសចិន ក្នុងដើមឆ្នាំ២០២១នេះ។ នេះ បើតាមសេចក្ដីប្រកាសព័ត៌មានមួយ ...
កម្ពុជា

សម រង្ស៊ី ប្រើពាក្យ​ខ្លាំងៗ​អំពាវនាវ​ឲ្យកងទ័ព​«កុំស្ដាប់បញ្ជា ហ៊ុន សែន»

«ចោរប្លន់អំណាច ជនផ្ដាច់ការ ក្បត់ជាតិ នាយករដ្ឋមន្ត្រីខុសច្បាប់ ក្លែងក្លាយ… ដែលចេញពីការបោះឆ្នោតក្លែងក្លាយ» ទាំងនេះ ជាខ្លឹមសារ ដែលដកស្រង់ចេញ ពីសេចក្ដីអំពាវនាវ​របស់លោក សម រង្ស៊ី ប្រធានស្ដីទីគណបក្សសង្គ្រោះជាតិ ...
កម្ពុជា

អ្នកនាំពាក្យ​រដ្ឋាភិបាល​ថា ត្រូវ​«គ្រប់គ្រង​ព័ត៌មាន» ដើម្បី​ថែរក្សាសន្ដិភាព

ប្រសិនជាប្រទេសកម្ពុជា ប្រកាន់យកប្រព័ន្ធដឹកនាំរដ្ឋ តាមបែបប្រជាធិបតេយ្យ និងមានរបបសារព័ត៌មានសេរីនោះ អង្គភាពអ្នកនាំពាក្យ​​នៃរបបក្រុងភ្នំពេញសព្វថ្ងៃ ដែលដឹកនាំដោយលោក ផៃ ស៊ីផាន បានអះអាងថា ខ្លួនមានកាតព្វកិច្ចក្នុងការ«គ្រប់គ្រង​ព័ត៌មាន» ដោយយកហេតុផល​មកពន្យល់ថា ដើម្បីចូលរួមថែរក្សាសន្តិភាព និងសណ្ដាប់ធ្នាប់សាធារណៈ។ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.