ដំណឹងអាស៊ី-ប៉ាស៊ីភិក

Covid-19៖ កូរ៉េខាងជើង មាន​ករណីឆ្លង… ០នាក់!

០នាក់ គ្មានសូម្បីតែម្នាក់ ! គ្មានអ្នកឆ្លងជំងឺ «Covid-19» នៅក្នុងប្រទេសកូរ៉េខាងជើងទេ រាប់ចាប់តាំងពីជំងឺនេះ បានរាតត្បាតពិភពលោក នៅចុងឆ្នាំ២០១៩នេះមក។ នេះ ជាតួលេខ ដែលផ្ដល់ដោយរបបកូរ៉េកុម្មុយនីស្ដិ៍ ហើយត្រូវបានអះអាងបន្ថែម ដោយអង្គការសុខភាពពិភពលោក (WHO /OMS) ក្នុងសប្ដាហ៍នេះ។

ទីភ្នាក់ងារព័ត៌មាន រ៉យទ័រ (Reuters) បានស្រង់របាយការណ៍ របស់ «WHO» មកផ្សព្វផ្សាយថា ប្រទេសកូរ៉េកុម្មុយនីស្ដិ៍ បានធ្វើតេស្ដិ៍ ជាទៀងទាត់ ទៅលើប្រជាជនរបស់ខ្លួន និងបានដាក់មនុស្ស ៥០០នាក់ ឲ្យរស់នៅដាច់ដោយឡែក ដើម្បីបង្ការការឆ្លងរាលដាល។

«០នាក់» គ្មានអ្នកឆ្លង គ្មានអ្នកស្លាប់ !

អង្គការខាងលើ បានបន្តឲ្យដឹងទៀតថា ដោយសារមន្ទីរពិសោធ ដែលមានទីតាំង ក្នុងរដ្ឋធានី ព្យុងយ៉ាង របបកុម្មុយនីស្ដិ៍កូរ៉េពិតជាមានលទ្ធភាព ក្នុងការធ្វើតេស្ដិ៍ ដើម្បីស្វែងរកករណីឆ្លង។ «WHO» បានឲ្យដឹងថា៖

«គិតមកត្រឹមថ្ងៃទី២ ខែមេសា មនុស្ស ៧០៩នាក់ ក្នុងនោះ៦៩៨នាក់ជាជនជាតិកូរ៉េ និង១១នាក់ ជាជនបរទេស ត្រូវបានឆ្លងកាត់ការធ្វើតេស្ដិ៍ ដើម្បីរកមេរោគ “Covid-19” ហើយគ្មានករណីឆ្លងណាមួយ ត្រូវបានរកឃើញទេ។ មនុស្ស៥០៩នាក់ ក្នុងនោះ២នាក់ជាជនបរទេស ត្រូវបានដាក់ឲ្យនៅដោយឡែក។»

វិទ្យុ-ទូរទស្សន៍រដ្ឋបារាំង «Franceinfo» បានរាយការណ៍ឲ្យដឹងដែរថា ប្រទេសកូរ៉េខាងជើង បានចាត់វិធានការ «យ៉ាងតឹងរឹងបំផុត» រាប់ចាប់ពីមេរោគ «Covid-19» បានផ្ទុះឡើងដំបូង។ ក្នុងនោះ មានដូចជាពាក់ម៉ាស់ នៅតាមផ្លូវ ធ្វើការសម្លាប់មេរោគ នៅតាមមធ្យោបាយដឹកជញ្ជូននានា និងស្ទង់សីតុណ្ហភាព របស់ពលរដ្ឋ នៅតាមទីសាធារណៈជាដើម។

ចាប់ពីថ្ងៃទី២២ ខែមករាមក របបកុម្មុយនីស្ដិ៍កូរ៉េ បានបិទព្រំដែន ជាមួយប្រទេសចិន ដែលជាសម្ព័ន្ធមិត្ត តែមួយរបស់ខ្លួន បន្ទាប់ពីប្រទេសចិន បានផ្ទុះជំងឺនេះ មុននឹងចិនបានចាត់វិធានការ ជាបន្តបន្ទាប់ ដើម្បីទាប់ស្កាត់ការរាតត្បាត នៅលើផ្ទៃប្រទេស។

យ៉ាងណា តួលេខខាងលើ បើទោះជាត្រូវបានអះអាងបន្ថែម ដោយអង្គការសុខភាពពិភពលោកក្ដី នៅតែមិនគួរឲ្យជឿសោះឡើយ សម្រាប់អង្គការអ្នកយកព័ត៌មានគ្មានព្រំដែន (RWB / RSF) ដែលមានភារកិច្ច ឃ្លាំមើលសេរីភាពសារព័ត៌មាន នៅគ្រប់ជ្រុងនៃផែនដី។ ហើយតួលេខនេះទៀតសោធ ក៏មានលក្ខណៈខុសគ្នាឆ្ងាយ ពីតួលេខដែលផ្សាយ ដោយសារព័ត៌មានផ្លូវការ របស់របបកុម្មុយនីស្ដិ៍ កាលពីសប្ដាហ៍មុនដែរ។

អង្គការ «RSF» បានអំពាវនាវឲ្យក្រុងព្យុងយ៉ាង ត្រូវបង្ហាញពីតម្លាភាព ជុំវិញតួលេខនៃករណីឆ្លងជំងឺ ដើម្បីជួយសង្គ្រោះជីវិត នៃអ្នកជំងឺនៅក្នុងប្រទេស។ ជាពិសេស ក្រុងព្យុងយ៉ាងត្រូវអនុញ្ញាត ឲ្យសារព័ត៌មានបរទេស អាចធ្វើការដោយគ្មានការរឹតត្បិត ដើម្បីអង្កេតពីករណីទាំងនោះ៕



លំអិតបន្ថែមទៀត

ដំណឹង

Covid-19៖ ចិន​ហាម​ពលរដ្ឋ​ខ្លួន បរិភោគ​សាច់សត្វ

រដ្ឋាភិបាលចិនកុម្មុយនីស្ដិ៍ បានចេញបម្រាម សម្រាប់ពលរដ្ឋទូទាំងប្រទេស ហាម«បរិភោគ​សាច់សត្វ»ព្រៃ និងបម្រាម សម្រាប់ពលរដ្ឋក្នុងតំបន់មួយចំនួន ហាម«បរិភោគ​សាច់សត្វ»ស្រុក។ ចិន ជាប្រទេសមួយ ក្នុងចំណោមប្រទេសជាច្រើន ដែលបរិភោគសាច់សត្វ ទាំងសត្វព្រៃ និងសត្វស្រុក ...
ដំណឹង

Covid-19 ៖ បារាំង​ឈានទៅ​ប្រកាស​ដាក់​ប្រទេស​ក្នុង​«ភាពអាសន្ន»

បារាំងកំពុងគ្រោង​ប្រកាស ដាក់ប្រទេស​ទៅក្នុង​«ភាពអាសន្ន»ផ្នែកសុខភាព ដើម្បី​ប្រយុទ្ធ​ប្រឆាំង​នឹងមេរោគ «កូរូណា» ឬ «Covid-19»។ នាយករដ្ឋមន្ត្រី​បារាំង​បានថ្លែង​ឡើងដូច្នេះ កាលពីយប់ម្សិលម៉ិញ នៅខណៈពេលដែលប្រទេសនេះ បានឈាន​មក​ដល់ថ្ងៃទី៣ នៃការដាក់ពលរដ្ឋ ឲ្យធ្វើការបង្ខាំងខ្លួន រស់នៅក្នុងផ្ទះ ...
កម្ពុជា

Covid-19៖ កម្ពុជាមាន៥​ករណី​បន្ថែម ក្នុងនោះមន្ត្រី​ការទូត​អាមេរិក២នាក់

ក្នុងថ្ងៃសុក្រនេះ ប្រទេសកម្ពុជាបន្តរកឃើញ ករណីឆ្លងជំងឺ«Covid-19» ចំនួន៥នាក់​បន្ថែមទៀត ក្នុងនោះមន្ត្រី​ការទូត​អាមេរិក២នាក់ បន្ទាប់ពីពួកគេទាំងនោះ បាន​ធ្វើ​ដំណើរចូលប្រទេសកម្ពុជា តាមផ្លូវយន្ដហោះ។ នេះ បើតាមការអះអាងរបស់ ក្រសួង​សុខាភិបាល​កម្ពុជា នៅក្នុងសេចក្ដីជូនព័ត៌មានមួយ ដែលចេញផ្សាយ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...