«អ្នក​ឱប​លក្ខន្តិកៈ» ៖ ការខ្វែងគំនិតគ្នា រវាងក្រុមស្និតលោក កឹម សុខា និងក្រុមស្និតលោក សម រង្ស៊ី បានបង្ក​ឲ្យមាន​សង្គ្រាមប៉ាកកាមិនតិចទេ នៅក្នុងប៉ុន្មានថ្ងៃចុងក្រោយនេះ។ ម្នាក់ៗ ខិតខំស្វែងរកអំណះអំណាង មកបញ្ជាក់​តែរៀង​ខ្លួន ដើម្បីការពារបុព្វហេតុ របស់លោក កឹម សុខា ប្រធានគណបក្ស ដែលកំពុងជាប់ឃុំ នៅក្នុងគេហដ្ឋាន និងលោក សម រង្ស៊ី អតីតប្រធានគណបក្ស ដែលត្រូវបានសន្និសីទ​ក្រុងអាត្លង់តា ជ្រើសតាំងឲ្យឡើង​ធ្វើជាប្រធានស្ដីទី ដើម្បីអ្វី​មួយ ដែលពួកគេអះអាងថា ជាការទម្លុះភាពជាប់គាំង ដែលកំពុងកើតមាន នៅក្នុងចលនានយោបាយប្រឆាំង នៅ​កម្ពុជា។

លោក ជូង ជូងី មេធាវីដែលគេស្គាល់ថា ជាមានទំនោរទៅរកលោក សម រង្ស៊ី តាំងពីច្រើនឆ្នាំមកនោះ ក៏បានលូកមាត់ ចូលបង្ហាញ​អំណះអំណា​ងរបស់លោក នៅក្នុងជម្លោះពាក្យសំដី ដែលមិនចេះចប់ មិនចេះហើយនោះដែរ។ ខាង​ក្រោមនេះ ជាសំណេរទាំងស្រុងរបស់លោក ដែលត្រូវបាន​បង្ហោះ នៅលើបណ្ដាញសង្គម កាលពីប៉ុន្មាននាទីមុន៖

ទី១- លុះត្រាតែលោក កឹម សុខា លាលែងទើបដល់វេនអនុប្រធាន ជាបន្តបន្ទាប់។ ប៉ុន្តែលោក កឹម សុខា មិនលាលែងទេ ដូចនេះ មិនអាចដល់វេនអនុប្រធានទេ។

ទី២- លោក ប៉ុល ហម បាននិយាយច្បាស់ថា លោកចាស់ហើយ លោកមិនចង់ប្រកួតប្រជែងអ្វីទេ។ ក្នុងន័យនេះ លោកហាក់ដូចជា មិនចង់ទទួលបន្ត ជាប្រធានបន្ទាប់ ពីលោក កឹម សុខា ទេ។

ទី៣- មួយឆ្នាំហើយ តើអនុប្រធានទាំងបី ធ្វើអ្វីចេញ? ហើយក្រៅពីអនុប្រធានទាំង៣ តើមាននរណា មានសក្តានុពល អាចដឹកនាំកិច្ចការបក្សបាន?

ទី៤- បើនិយាយពីក្របខណ្ឌច្បាប់ បក្សត្រូវបានរំលាយ ដូចនេះ លក្ខន្តិកៈបក្ស ក៏ត្រូវបានរំលាយដែរ មិនអាចយកមកសំអាង ជាច្បាប់បានទេ។ បើគោរពលក្ខន្តិកៈបក្ស លុះត្រាតែលោក កឹម សុខា លាលែង ទើបអាចជ្រើសរើសអនុប្រធាន០១រូប មកធ្វើជាប្រធានបន្ត។ ប៉ុន្តែលោក កឹម សុខា មិនលាលែងទេ ហើយលោក ប៉ុល ហម មិនចង់ទទួលដំណែងប្រធាន ដូចនេះសួរថា តើដើម្បីគោរពលក្ខន្តិកៈបក្ស ទុកបក្សដេករហូតយ៉ាងនេះ ដល់ពេលណាលោក កឹម សុខា ត្រូវដោះលែង ទើបបក្សដំណើរការ ឬយ៉ាងណា? បើដូច្នេះមែន សកម្មជនបក្ស និងអ្នកគាំទ្របក្ស ដេកទាំងអស់គ្នាតែម្តងទៅ ឈប់ធ្វើនយោបាយ។

ទី៥- ក្នុងការធ្វើនយោបាយ គឺត្រូវនិយាយ ពីយុទ្ធសាស្ត្រឈ្មះ។ រកយុទ្ធសាស្ត្រយ៉ាងណា ទើបឈ្នះបាន មិនមែនឱបលក្ខន្តិកៈ ខ្ជាប់យ៉ាងនេះទេ ខណៈដែលបក្ស ត្រូវបានរំលាយហើយនោះ។ ខ្ញុំចង់ឃើញ អ្នកឱបលក្ខន្តិកៈបក្សទាំងនោះ ទៅបង្កើតបក្សថ្មី ហើយធ្វើឲ្យខ្លាំងជាងលោក សម រង្ស៊ី ទៅ ខ្ញុំនឹងឈប់គាំទ្រលោក សម រង្ស៊ី ទៅចូលរួម ជាមួយក្រុមលោកភ្លាម។

ពាក្យ «អ្នកឱបលក្ខន្តិកៈ» គ្រប់គ្រាន់នឹងធ្វើក្ដៅស្លឹកត្រជៀក ដល់ក្រុមស្និតនឹងលោក កឹម សុខា ដែលយក​អំណះអំណាង​នេះ មកបដិសេធការសម្រេច របស់សន្និសីទក្រុងអាត្លង់តា កាលពីម្សិលម៉ិញ៕

ទី១ លុះត្រាតែលោក កឹម សុខា លាលែងទ់ើបដល់វេនអនុប្រធានជាបន្តបន្តាប់។ ប៉ុន្តែលោក កឹម សុខា មិនលាលែងទេ…

Gepostet von Chou Ngy Choung am Montag, 3. Dezember 2018



លំអិតបន្ថែមទៀត

កម្ពុជា

បាតុកម្មខ្មែរនៅមុខ EU ស្នើឲ្យ​បង្កក​ទ្រព្យ​និងព្យួរ​ទិដ្ឋការ​មន្ត្រីស្និត ហ៊ុន សែន

ពលរដ្ឋខ្មែរ និងពលរដ្ឋមានដើមកំណើតខ្មែរ រួមនឹងមិត្តបរទេស ជាច្រើនរយនាក់ ដែលរស់នៅក្នុងទ្វីបអ៊ឺរ៉ុបខាងលិច បានជួបជុំគ្នាក្នុងថ្ងៃសុក្រ ទី១ ខែមិនា ឆ្នាំ២០១៩នេះ ដើម្បីធ្វើបាតុកម្មនៅខាងមុខអាគារនៃសហភាពអ៊ឺរ៉ុប (EU) ក្នុងបំណងស្នើទៅស្ថាប័នកំពូលអ៊ឺរ៉ុប ឲ្យបន្ថែមទណ្ឌកម្មផ្សេងទៀត ...
កម្ពុជា

ព្រះសង្ឃ ប៊ុត ប៊ុនតិញ មាន​សង្ឃដីកា​ចំអក​ឲ្យ ហ៊ុន សែន ដែល​នៅតែ​ឆ្លងឆ្លើយ​ជាមួយ សម រង្ស៊ី

ការអះអាង របស់លោកនាយករដ្ឋមន្ត្រី ហ៊ុន សែន ថាឈប់ឆ្លើយឆ្លង ជាមួយលោក សម រង្ស៊ី មិនមែនជារឿងថ្មីទេ តែការអះអាងដូច្នេះ របស់បុរសខ្លាំងកម្ពុជា បានកើតមាន ជាច្រើនដងរួចមកហើយ។ ...
កម្ពុជា

សម រង្ស៊ី ថា EU ដាក់កម្ពុជា​ចូល​«បញ្ជីខ្មៅ»​ព្រោះ​«ប្រព័ន្ធពុករលួយ»

សម្រាប់ប្រធានស្ដីទីគណបក្សប្រឆាំង បានលើកឡើងថា ការដាក់កម្ពុជា​ចូលក្នុង​«បញ្ជីខ្មៅ» ពីសំណាក់​សហភាព​អ៊ឺរ៉ុប ឬ «EU»  គឺមានជាប់ទាក់ទង នឹង​ឧស្សាហកម្ម​ល្បែងស៊ីសង ដែលរីកដុះដាលដូចផ្សិត នៅកម្ពុជា និងការផ្ទេរប្រាក់ ដ៏គួរឲ្យសង្ស័យ ដើម្បីទិញ​អចលនទ្រព្យ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...