កម្ពុជាដំណឹង

សម រង្ស៊ី បន្តអំពាវនាវ​ឲ្យអ្នកគាំទ្រ និងពលរដ្ឋ ពង្រឹងជំហរ

លោក សម រង្ស៊ី មេដឹកនាំប្រឆាំង បានបន្តធ្វើសេចក្ដីអំពាវនាវ ឲ្យអ្នកគាំទ្រនិងពលរដ្ឋ ពង្រឹងជំហរ  និងស្មារតីតស៊ូ ទល់នឹងរបបដឹកនាំរបស់លោកនាយករដ្ឋមន្ត្រី ហ៊ុន សែន សព្វថ្ងៃ ដែលលោកហៅថា ជារបបផ្ដាច់ការព្រៃផ្សៃ នៅប្រទេសកម្ពុជា។

សេចក្ដីអំពាវនាវរបស់ប្រធានស្ដីទីគណបក្សសង្គ្រោះជាតិ ធ្វើឡើងពីប្រទេសបារាំង នៅប៉ុន្មានថ្ងៃ​ក្រោយ​មន្ត្រីជាន់ខ្ពស់ របស់គណបក្សសង្គ្រោះជាតិ ចំនួនបីនាក់ បានដាក់​លិខិតស្នើសុំរដ្ឋាភិបាលលោក ហ៊ុន សែន ដើម្បីបានសិទ្ធិធ្វើនយោបាយឡើងវិញ។

លោក សម រង្ស៊ី បានថ្លែងតាមវីដេអូមួយ បង្ហោះនៅលើបណ្ដាញសង្គម កាលពីមុននេះ ដោយលើកយកចំណុចបី មកពន្យល់។ នោះ គឺ(១)វិបត្តិក្នុងទំនាក់ទំនង រវាងកម្ពុជា និងសហគមន៍អន្តរជាតិ ជាពិសេសជាមួយលោកសេរី (២) វិបត្តិសេដ្ឋកិច្ច ដែលកើតឡើង ក្រោយ​ការព្យួរប្រព័ន្ធ​អនុគ្រោះពន្ធ «EBA» និងទី(៣) វិបត្តិនយោបាយ។

គូបដិបក្ខនយោបាយ ដ៏ស្រួចស្រាវរបស់លោក ហ៊ុន សែន បានថ្លែងឡើង នៅចុង​បញ្ចប់​វីដេអូ​ថា៖

«ខ្ញុំសូមអំពាវនាវ ឲ្យជនរួមជាតិទាំងអស់ អ្នកស្រឡាញ់សេរីភាព (…) កូនខ្មែរ​ដ៏ឆ្នើម​ទាំងអស់ សូមពង្រឹងស្មារតីតស៊ូរបស់យើង។ ព្រះអាទិត្យរះវិញហើយ បងប្អូន។ សូម​បងប្អូន​រួមកម្លាំងគ្នា ដើម្បីឲ្យលទ្ធិប្រជាធិបតេយ្យ រស់ឡើងវិញនៅប្រទេសកម្ពុជា ដើម្បីឲ្យទឹកដី​ប្រទេស​កម្ពុជា នៅឋិតឋេរគង់វង្ស ដើម្បីឲ្យជាតិខ្មែររុងរឿង ថ្កើនថ្កាន។»

យ៉ាងណា លោក សម រង្ស៊ី មិនបញ្ជាក់ទេថា ការតស៊ូរបស់ពលរដ្ឋ និងអ្នកគាំទ្រលោក និងគាំទ្រគណបក្សសង្គ្រោះជាតិ គួទទួលបានការដឹកនាំ ដោយផ្ទាល់ ពីរូបលោកឬយ៉ាងណាឡើយ។

សំនួរ​ដែលចោទសួរលោកថា តើលោកមានគម្រោងជាថ្មី ក្នុងការវិល​ចូល​ប្រទេស​វិញ នៅថ្ងៃណានោះ តែងត្រូវបានលោក សម រង្ស៊ី ​បដិសេធ ដោយលើកហេតុផលថា លោក ហ៊ុន សែន បានបិទផ្លូវ និងរាំងខ្ទប់រូបលោក តាមគ្រប់មធ្យោបាយទាំងអស់៕

០២ កញ្ញា ២០២០ / 02 September 2020លោក សម រង្ស៊ី ថ្លែងទៅកាន់ប្រជាជាតិខ្មែរ / Sam Rainsy addresses the Cambodian nation.

Gepostet von Sam Rainsy am Mittwoch, 2. September 2020


លំអិតបន្ថែមទៀត

របាយការណ៍

«សមិទ្ធិផល»នៃសម្តេច សីហនុ ត្រូវ​ខ្មែរក្រហម​បំផ្លាញ​អស់?

តើ«សមិទ្ធិផល»របស់សម្ដេច នរោត្ដម សីហនុ ណាខ្លះ ដែលបានបាត់បង់ និងសមិទ្ធិផល​ណាទៀត ដែល​នៅសេសសល់ ហើយក្លាយជាអ្វី នៅពេលបច្ចុប្បន្ននេះ? កាលពីថ្ងៃទី១៦ ខែតុលា ឆ្នាំ២០១២ ខណៈដែលប្រជាជនកម្ពុជាជាទូទៅ ...
កម្ពុជា

សម រង្ស៊ី បដិសេធ​ផ្ញើរ​សារសម្ងាត់​ ឲ្យ​ទៅ ហ៊ុន សែន

លោក សម រង្ស៊ី ប្រធានស្ដីទីគណបក្សសង្គ្រោះជាតិ ដែលកំពុងរស់នៅនិរទេសខ្លួន នៅក្រៅប្រទេស បានបដិសេធការបង្ហើបឡើង របស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលអះអាងថា លោកបានផ្ញើរសារសម្ងាត់មួយ ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...