ឪពុកម្តាយ​ត្រូវ​ផ្តល់​រង្វាន់ និង​ដាក់​ពិន័យ​… ៖ ឪពុកម្តាយផ្សេងគ្នា នឹងមានទស្សនៈផ្សេងគ្នា អំពីវិធីល្អបំផុត ដើម្បីលើកទឹកចិត្តកូនៗ ឱ្យផ្លាស់ប្តូរអាកប្បកិរិយា របស់ពួកគេ។

ខណៈពេលដែលកុមារតូចៗ អាចនឹងធ្វើអ្វីមួយបានល្អ ហើយទទួលបានរង្វាន់ ហើយកូនៗធំៗ ខ្លះទទួលបានការឆ្លើយតប ពីឪពុកម្តាយ ក្នុងការចេញទៅលេងនៅខាងក្រៅ កុមារដទៃទៀត បែរជាមិនទទួលបាន នូវការផ្តល់ឱ្យរបៀបនេះទេ។

មានតែអ្នកទេ ដែលដឹងអំពីអ្វីដែលមានប្រសិទ្ធភាព សម្រាប់កូនៗរបស់អ្នក ប៉ុន្តែនៅទីនេះមានចំណុចចខ្លះ ដែលអ្នកត្រូវគិត៖

  • សរសើរកូនៗរបស់អ្នក ទោះបីជាពួកគេ បានធ្វើរឿងតូចតាច ក៏ដោយ។
  • ផ្តល់រង្វាន់ ចំពោះឥរិយាបថវិជ្ជមាន របស់កូនអ្នក ហើយសួរថា តើអ្វីទៅគួរតែជារង្វាន់ដ៏ល្អ សម្រាប់ពួកគេ។
  • ចៀសវាងនូវការសម្រេចចិត្ត ដោយតក់ក្រហល់ នៅពេលដែលអ្នកខឹង។
  • និយាយជាមួយកូនរបស់អ្នក អំពីហេតុផលនៃការផ្តល់រង្វាន់ និងផលវិបាក នៃអាកប្បកិរិយារបស់ពួកគេ ដើម្បីឱ្យពួកគេបន្តធ្វើ នូវសកម្មភាពល្អៗ ហើយកែប្រែនូវចំណុច ដែលមិនល្អ។
  • ចំណាយពេលស្តាប់នូវអ្វី ដែលកូនរបស់អ្នកកំពុងនិយាយ ហើយពន្យល់ពួកគេ អំពីអារម្មណ៍ដែលអ្នកកំពុងមាន។
  • ធ្វើជាគំរូសម្រាប់កូនៗ ហើយកុំធ្វើទង្វើណា ដែលអ្នកមិនឱ្យកូនរបស់អ្នកធ្វើ។

ការវាយកូនៗរបស់អ្នក មិនមែនជាគំនិតល្អនោះទេ

គំនិតស្តីពីការចិញ្ចឹមកូន បានផ្លាស់ប្តូរ ហើយឥឡូវយើងដឹងច្រើន អំពីផលប៉ះពាល់នៃការវាយកូនៗ។ ការវាយ អាចធ្វើឱ្យប៉ះពាល់ដល់អារម្មណ៍ក្មេង និងធ្វើឱ្យពួកគេឈឺចិត្ត។

កុមារដែលត្រូវបានឪពុកម្តាយវាយ ធ្វើឱ្យពួកគេតូចចិត្ត និងខឹង ហើយបំផ្លាញទំនាក់ទំនង រវាងឪពុកម្តាយនិងកូន។ វិធីនេះធ្វើឱ្យការចិញ្ចឹមកូន និងការដាក់ពិន័យកាន់តែលំបាកទៅៗ។ ការវាយកូន អាចធ្វើឱ្យឪពុកម្តាយ មិនអាចគ្រប់គ្រងអារម្មណ៍ខ្លួនឯងបាន ហើយវាយកូនកាន់តែខ្លាំងឡើងៗ។

វិធីនេះ នឹងទាញយើងឱ្យត្រឡប់ក្រោយ ទៅមើលអំពីការធ្វើជាគំរូ របស់កូនៗ។ ប្រសិនបើអ្នកវាយកូនរបស់អ្នក ពួកគេអាចគិតថា នេះជាអាកប្បកិរិយា ដែលអាចទទួលយកបាន ហើយគេនឹងធ្វើដាក់អ្នកដទៃទៀត ដោយប្រើវិធីនេះដែរ។ ដើម្បីគេចផុត ពីការដាក់ទណ្ឌកម្មលើរាងកាយ ក្មេងអាចនិយាយកុហក ឬលាក់បំាងនូវអារម្មណ៍ ដែលពួកគេមាន។ ហើយពួកគេអាចនឹងបាក់ទឹកចិត្ត និងមិនធ្វើការអភិវឌ្ឍន៍ នូវភាពជាឯករាជ្យនោះទេ។

ចូរចាំថា

  • នៅពេលដែលអ្នកផ្តល់ ក្តីស្រលាញ់ ទៅឱ្យកូនៗរបស់អ្នក អ្នកនឹងទទួលបាននូវក្តីស្រលាញ់ ពីពួកគេត្រឡប់មកវិញ។
  • នៅពេលដែលអ្នកផ្តល់ ការដាក់ពិន័យធ្ងន់ៗ ឬស្រែក គំហក ឬវាយដំកូនរបស់អ្នក ក៏មានន័យថា អ្នកនឹងទទួលនូវអារម្មណ៍ខឹង និងតូចចិត្ត ពីកូនៗរបស់អ្នកត្រឡប់មកវិញ៕


You may also like

កម្រមាន

វៀតណាម៖ ទារិកាអាយុ​២ខួប ធ្លាក់ពីជាន់​ទី១២​នៃអគារ តែនៅរស់…

ចយអើយ! បន្ទាប់ពីបានព្យាយាម​តោងរានហាល​មួយសន្ទុះ ទារិកាអាយុ​២ខួប មួយរូប បានផុតដៃពីជាន់ទី១២ ធ្លាក់ចុះមកក្រោម នៃអគាររស់នៅមួយ ក្នុងរដ្ឋធានីហាណូយ (ប្រទេសវៀតណាម) កាលពីថ្ងៃអាទិត្យ ទី២៨ ខែកុម្ភៈកន្លងមក។ ឈុតឆាកដ៏រន្ធត់ ...
ជីវិតប្រចាំថ្ងៃ

នៅលីវមានអីមិនល្អ? ស្រីៗត្រូវធ្វើខ្លួនឱ្យរឹងមាំ ហើយរីករាយឡើង!

នៅលីវមានអីមិនល្អ? សំណួរដដែលៗ ដែលសួរទៅមនុស្សស្រីនៅលីវថា “តើពេលណារៀបការ”? ហាក់ដូចជា ធ្វើឱ្យពួកនាងរអៀសខ្លួន ហើយមិនចង់ឆ្លើយនោះទេ ព្រោះខ្លាចគេមើលមកថា មួយឆ្នាំហើយ មួយឆ្នាំទៀត អាយុក៏ច្រើន នឹងក្លាយជាក្រមុំចាស់។ ទោះបីជាយ៉ាងណាក៏ដោយ ...
ទស្សនៈប្រិយមិត្ត

លិខិតប្រិយមិត្ត៖ «កាមតណ្ហា​មនុស្ស»

កាមតណ្ហា​មនុស្ស ៖ សត្វឈ្មោលវារកញី ដោយសារធម្មជាតិវាមានសភាវៈ តម្រូវឲ្យ​បន្តពូជ​សត្វ របស់ពួកវា។ មែនទែនទៅ​ វាមិនមានអារម្មណ៍ត្រេកត្រអាល តណ្ហាពុះកញ្ជ្រោល សប្បាយ​ភ្លើតភ្លើន ដូចមនុស្សលោកទេ។ ម​នុស្ស មិនថាភេទប្រុសឬស្រី ...

Comments are closed.

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២០-២០២១

តារាង«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២០-២០២១ សម្រាប់ ...
ជីវិតប្រចាំថ្ងៃ

រងការពង្រត់តាំងពីនៅតូច ទើប​ជួបជុំ​ ជាមួយ​ឪពុកម្ដាយ​វិញ​ នៅ​៣២ឆ្នាំ​ក្រោយ

បុរសជនជាតិចិនម្នាក់ ទើប​ជួបជុំ​ ជាមួយឪពុកម្ដាយបង្កើតខ្លួនវិញ នៅថ្ងៃនេះ បន្ទាប់ពីបានបែក ពីអ្នកមានគុណ ដោយការចាប់ពង្រត់មួយ តាំងពី៣២ឆ្នាំមុន។ ការជួបជុំ ឪម៉ែ-កូន វិញនេះ ធ្វើឡើងដោយសារ របាយការណ៍មួយរបស់​អាជ្ញាធរ ...