ភាពយន្ដឯកសារ «HOME» (បកប្រែក្រៅផ្លូវការ ជាខេមរភាសា «ផ្ទះយើង») ចេញបញ្ចាំងជាសាធារណៈ នៅខែឧសភា ឆ្នាំ២០០៩ និងមានរយៈពេលសរុប ៩០នាទី (ភាពយន្ដបញ្ចាំងនៅតាមរោង មានរយៈពេល១២០នាទី)។
ជាសមិទ្ធិផលដឹកនាំដោយសមិទ្ធិករបារាំង លោក «Yann Arthus-Bertrand» និងផលិតដោយលោក «Luc Besson» ដោយមានការចូលរួម ពីផលិតករពីររូបទៀត នៅក្នុងផលិតកម្ម «EUROPA» ភាពយន្ដឯកសារនេះចង់បង្ហាញ ពីការទាក់ទងគ្នា ដែលមិនអាចកាត់ផ្ដាច់បាន រវាងមនុស្ស និងផែនដី។
ប៉ុន្តែទស្សនិកជន ដែលបានទស្សនាភាពយន្ដ «Home» ក៏ហាក់ដូចជាបានដើរកម្សាន្ដ នៅជុំវិញពិភពលោកដូច្នេះដែរ ជាពិសេសជាដំណើរកម្សាន្ដភាគច្រើន តាមយន្ដហោះ ដែលហោះពីលើតំបន់កម្រនានា។
ផលិតភាពយន្ដមួយនេះ ត្រូវចំណាយថវិកាប្រមាណជា ១២លានអ៊ឺរ៉ូ ក្នុងនោះ ១០លានអ៊ឺរ៉ូ ទទួលបន្ទុកដោយសហគ្រាស «KERING (អតីតសហគ្រាស PPR)»។
ភាពយន្ដឯកសារ ជាភាសាបារាំង (ដើម្បីទស្សនាភាពយន្ដ ជាភាសាអង់គ្លេស សូចចុចលើទីនេះ) ៖
