កម្ពុជាដំណឹង

អង្គការ​មាតាធម្មជាតិ នឹង​បញ្ចេញ​វីដេអូថ្មី​​ស្ដីពី​«ភ្នំសម្រាម»​នៅ​ក្រុងព្រះសីហនុ

អង្គការ«មាតាធម្មជាតិ» ដែលមានលោក អាឡិច ហ្គន់សាឡេស ដេវិតសុន ជាស្ថាបនិក និងដែលត្រូវរបបដឹកនាំលោក ហ៊ុន សែន បណ្ដេញចេញពីកម្ពុជា បានប្រកាសថា នឹងចេញវីដេអូមួយទៀត នៅចុងសប្ដាហ៍ខាងមុខ ជាមួយនឹងប្រធានបទថ្មី៖ «ភ្នំសម្រាម» ដ៏គួរឲ្យភ្ញាក់ផ្អើល នៅក្រុងព្រះសីហនុ។

នៅលើទំព័រផ្លូវការ របស់អង្គការនេះ សេចក្ដី​ប្រកាសព័ត៌មានមួយ បានឲ្យដឹងថា៖

«ក្រុងព្រះសីហនុ ជាទីស្រលាញ់របស់យើង ដែលរបបក្រុងភ្នំពេញ តែងតែចូលចិត្ដអួតសរសើរថា ជាតារារះនាទិសនិរតី កំពុងតែដើរឆ្ពោះ ទៅជាទីក្រុង ដែលសំបូរទៅដោយ កាស៊ីណូច្រើនជាងគេ នៅលើពិភពលោក។»

«ក្រោមចក្ខុវិស័យ នៃការអភិវឌ្ឍន៍ របស់របបក្រុងភ្នំពេញ ទីក្រុងមួយនេះ ក៏បានប្រែក្លាយជាទីក្រុង ដែលពោរពេញទៅដោយគំនរសម្រាម ដ៏ច្រើននៅគ្រប់ទីកន្លែង ផងដែរ។»

អង្គការខាងលើ បានអះអាងថា នឹងបញ្ចេញវីដេអូនោះ នៅថ្ងៃសៅរ៍ ទី២៦ ខែមករា ឆ្នាំ២០១៩ខាងមុខ ដែលបង្ហាញជូន ដោយសកម្មជនបរិស្ថាន លោក ថុន រដ្ឋា។ វីដេអូស្ដីពី​«ភ្នំសម្រាម»​នោះ នឹងទាមទារឲ្យមានចម្លើយ ពីអាជ្ញាធរពាក់ព័ន្ធនោះផង។

សកម្មជនបរិស្ថាន លោក ថុន រដ្ឋា ធ្លាប់បានបញ្ចេញវីដេអូ កាលពីដើមខែធ្នូកន្លងទៅ ទាក់ទងទឹកសំអុយ ដែលត្រូវបានបង្ហូរចេញពីសណ្ឋាគារ កាស៊ីណូថ្មីៗ ចូលទៅក្នុងទឹកសមុទ្រ នៅក្រុងព្រះសីហនុ។ លោក រដ្ឋា បានរកឃើញថា ទឹកសមុទ្រដែលមានទទួលទឹកសំអុយនោះ មានផ្ទុកសារជាតិ និងមេរោគ ពោរពេញដោយគ្រោះថ្នាក់ ធ្ងន់ធ្ងរដល់សុខភាព ប្រសិនណាជាមនុស្ស បានចុះលេងទឹក ឬងូតទឹកសមុទ្រ។

លោក ថុន រដ្ឋា បានថ្លែង​នៅលើទំព័រហ្វេសប៊ុក​ផ្ទាល់ របស់លោកថា៖

«ដរាបណា បញ្ហានៅតែកើតមាន ចំពោះប្រទេស​ដ៏កំសត់មួយនេះ ខ្ញុំនៅតែបន្ដលាតត្រដាង ដើម្បីជំរុញ ឲ្យមានដំណោះស្រាយ ពីស្ថាប័នពាក់ព័ន្ធជាដាច់ខាត ហើយជាពិសេស ដំណោះស្រាយ គឺមិនមែនធ្វើឲ្យតែល្អមើលទេ គឺត្រូវតែមានគុណភាព និងអាចទទួលយកបាន។»៕

ដរាបណា បញ្ហានៅតែកើតមានចំពោះប្រទេសដ៏កំសត់មួយនេះ ខ្ញុំនៅតែបន្ដលាតត្រដាង ដើម្បីជំរុញឲ្យមានដំណោះស្រាយ…

Gepostet von ថុន រដ្ឋា am Mittwoch, 23. Januar 2019


លំអិតបន្ថែមទៀត

កម្ពុជា

ហ៊ុន សែន ស្នើឲ្យពលរដ្ឋ​«រក្សា​សុវត្ថិភាព​ផ្ទាល់ខ្លួន» ក្នុងវិបត្តិ​ទឹកជំនន់

សូមប្រជាពលរដ្ឋ «រក្សា​សុវត្ថិភាព​ផ្ទាល់ខ្លួន ក្រុមគ្រួសារ» ដោយត្រូវជម្លៀសខ្លួន ទៅរក​ទីទួលសុវត្ថិភាព។ នេះ ជាការលើកឡើងមេដឹកនាំកម្ពុជា ដើម្បីឆ្លើយតប​នឹងវិបត្តិទឹក​ជំនន់ ដែលកំពុងញាំញីខេត្តមួយចំនួន ស្ថិតនៅភាគខាងជើង និងភាគពាយ័ព្យ នៃប្រទេស។ លោក ...
កម្ពុជា

នេះជា​ផ្ទះ​ដែល​ឯកអគ្គរដ្ឋទូត​អាមេរិក​ស្នាក់នៅ ក្នុង​ចុង​សប្ដាហ៍​កន្លង​មក

ក្នុង​ចុង​សប្ដាហ៍​កន្លង​មក ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក ប៉ាទ្រីក ម័រហ្វី (Patrick Murphy) បានធ្វើដំណើរ​ទៅកាន់​ទឹកដីភាគឦសាន នៃប្រទេស​កម្ពុជា ជាពិសេសនៅក្នុងខេត្ត​មណ្ឌលគិរី ដោយស្នាក់ក្នុង​ក្រុង សែនមនោរម្យ ...
កម្ពុជា

ស្រុតអគារចិន៖ ហ៊ុន សែន បានចែកប្រាក់ជាង​១៥ម៉ឺន​ដុល្លារ ជូន​ក្រុមសង្គ្រោះ

នាយករដ្ឋមន្ត្រីកម្ពុជា លោក ហ៊ុន សែន បានអះអាងថា លោកបានយកថវិកាផ្ទាល់របស់លោក ចំនួនជាង១៥ម៉ឺនដុល្លារ​ចែក ជូន​ក្រុមសង្គ្រោះ សរុបចំនួន​១៤៨៧នាក់ ដែលបានធ្វើការរុករក និងជួយសង្គ្រោះជីវិត ក្នុងហេតុការណ៍រលំអគារ ដែលសង់ដោយសហគ្រាសចិន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...