កម្ពុជាដំណឹង

សកម្មជន​បរិស្ថាន​បបួល​រដ្ឋមន្ត្រី​បីរូប​ចុះ​ងូតទឹក​សមុទ្រ នៅក្រុង​ព្រះសីហនុ

រដ្ឋមន្ត្រីចំនួនពីររូប និងអភិបាលខេត្តមួយរូប ត្រូវបានសកម្មជនបរិស្ថាន យុវជន ថុន រដ្ឋា មកពីអង្គការមាតាធម្មជាតិ បបួលឲ្យចុះងូតទឹក នៅក្នុងតំបន់ឆ្នេរសមុទ្រ នៅក្នុងខេត្តព្រះសីហនុ បន្ទាប់ពីយុវជនរូបនេះ បានយកទឹកដែលបង្ហូរចូលសមុទ្រ ទៅធ្វើការពិសោធន៍ នៅវិទ្យាស្ថានប៉ាស្ទ័រ ក្នុងរាជធានីភ្នំពេញរួច។

រដ្ឋមន្ត្រីទាំងពីររូប មានលោក សាយ សំអាល់ រដ្ឋមន្ត្រីបរិស្ថាន និងលោក ថោង ខុន រដ្ឋមន្ត្រីទេសចរណ៍ ខណៈអភិបាលខេត្តមួយរូបទៀត គឺលោក យន្ដ មីន អភិបាលខេត្តព្រះសីហនុផ្ទាល់តែម្ដង។

យុវជន ថុន រដ្ឋា បានថ្លែងតាមរយៈវីដេអូខ្លីមួយ បង្ហោះនៅលើទំព័រហ្វេសប៊ុក របស់អង្គការមាតាធម្មជាតិ ដោយបង្ហាញពីឆ្នេរអូឈើទាល និងបំពង់ទុយោបង្ហូទឹកចោល ចំនួន២៩បំពង់ ដែលយុវជនបានរាប់ឃើញ នៅក្នុងតំបន់ឆ្នេរអូឈើទាលតែមួយ។ យុវជនថ្លែងថា បំពង់បង្ហូរទឹកចោលទាំងនេះ ត្រូវបានបង្កើតឡើង ដើម្បីបង្អូរទឹកស្អុយ ទឹកភ្លៀង ចូល ទៅក្នុងតំបន់ឆ្នេរសមុទ្រខ្មែរ «ដែលរបបលោក ហ៊ុន សែន តែងអួតសរសើរថា ជាឆ្នេរដែលស្អាត លំដាប់កំពូល នៅលើពិភពលោក»។

អមជាមួយនឹងវីដេអូនោះ ទំព័រហ្វេសប៊ុក«មាតាធម្មជាតិ» បានសរសេរពន្យល់ដែរថា៖ «ក្រុងព្រះសីហនុ​​​ដែលដាក់ឈ្មោះ យោងទៅតាមព្រះនាមសម្តេចតា ជាទីស្រលាញ់របស់យើង ពេលនេះកំពុងក្លាយ ទៅជាក្រុងអាណាធិបតេយ្យ ដែលសំបូរទៅដោយកាស៊ីណូរ​ សណ្ឋាគារ និងកន្លែងកំសាន្តនានាជាច្រេីន ដែលកំពុងរីកដូចផ្សិត ខណៈពេលរបបផ្តាច់ការរបស់ ហ៊ុន សែន ខ្វះសមត្ថភាព ក្នុងការគ្រប់គ្រងប្រព័ន្ធលូទឹកស្អុយ ជាយូរណាស់មកហើយ»។

ដើម្បីចង់ដឹងថា តើទឹកបង្ហូរចេញទាំងនេះ មានសារជាតិ និងមេរោគអ្វីខ្លះ យុវជនបានស្រង់ទឹកបង្ហូរចោលខាងលើ យកទៅកាន់វិទ្យាស្ថានប៉ាស្ទ័រ ក្នុងរាជធានីភ្នំពេញ ដើម្បីធ្វើការពិសោធន៍។ លទ្ធផលពិតជាគួរឲ្យ «ព្រឺព្រួច» ណាស់ ដោយសារតែសារធាតុ និងមេរោគ ដែលត្រូវបានវិទ្យាស្ថានរកឃើញ នៅក្នុងទឹកបង្ហូរចេញនោះ អាចបង្កគ្រោះថ្នាល់ដល់សុខភាពធ្ងន់ធ្ងរ ប្រសិនណាជាមនុស្ស បានចុះលេងទឹក ឬងូតទឹកសមុទ្រ ដែលលាយឡំដោយទឹកសំអុយទាំងនេះ។

ជាមួយនឹងឯកសណ្ឋានការពារខ្លួន និងប្រដាប់បិទមុខ-ច្រមុះ-ភ្នែកផង សកម្មជនបរិស្ថានខាងលើ បានថ្លែងឡើងថា៖ «ខ្ញុំមានសំនួរ ទៅកាន់ឯកឧត្ដមទាំងបីរូប រួមមានឯកឧត្តម សាយ សំអាល់ – ឯកឧត្ដម ថោង ខុន និងឯកឧត្ដម យន្ដ មីន ដែលតែងតែ​អួតពីស្នាដៃរបស់ខ្លួន តើឯកឧត្ដមទាំងបីរូប ហ៊ានមកហែលទឹកនៅទីនេះ ជាមួយខ្ញុំ ដោយ​មិនពាក់អាវការពារ ដែរឬទេ?»៕

វីដេអូទឹកស្អុយ ក្រុងព្រះសីហនុ

ទីក្រុងព្រះសីហនុ​​​ដែលដាក់ឈ្មោះ យោងទៅតាមព្រះនាមសម្តេចតាជាទីស្រលាញ់របស់យើង ពេលនេះកំពុងក្លាយទៅជាទីក្រុងអនាធិបតេយ្យ ដែលសំបូរទៅដោយកាស៊ីណូរ​ សណ្ឋាគារ និងកន្លែងកំសាន្តនានាជាច្រេីន ដែលកំពុងរីកដូចផ្សិត ខណៈពេលរបបផ្តាច់ការរបស់ ហ៊ុន សែន ខ្វះសមត្ថភាពក្នុងការគ្រប់គ្រងប្រព័ន្ធលូទឹកស្អុយជាយូរណាស់មកហើយ។សំណួរដែលគ្រប់គ្នាត្រូវគិតគឺ៖១. តើទឹកស្អុយដែលចេញពីលូ ហើយនាំមកជាមួយនូវលាមក និងទឹកនោម ត្រូវបានគេបង្ហូរទៅណា? ២. តើសារធាតុដែលបង្ករជំងឺមានផ្ទុកនៅក្នុងទឹកស្អុយនោះ អាចប៉ះពាលដល់សុខភាពមនុស្សយ៉ាងដូចម្ដេចខ្លះ?នៅក្នុងវីដេអូខាងក្រោមនេះ សកម្មជនបរិស្ថាន លោក ថុន រដ្ឋា និងបកស្រាយអំពីសំណួរទាំងអស់នេះ ហើយគាត់ក៏បានបបួលរដ្ឋមន្រ្ដីចំនួនបីរូប មកហែលទឹកសមុទ្រជាមួយគាត់ផងដែរ។Sihanoukville, named in honor of our former King Sihanouk, is sliding into anarchy, with countless casinos, hotels & other venues of entertainment being built right, left and center. All of this while the Hun Sen regime lacks the ability to effectively management waste water. Questions to consider:1. Where does the sewage water – containing faeces & urine – end up? 2. How can the toxins present in that sewage water affect our health? In this latest video by environmental activist Thun Ratha, he tackles these questions and invites those government officials responsible for this mess to go and swim with him in Sihanoukville waters.

Gepostet von Mother Nature Cambodia am Samstag, 8. Dezember 2018

Gepostet von Mala San am Dienstag, 9. Oktober 2018



លំអិតបន្ថែមទៀត

កម្ពុជា

អង្គការ​ពលកម្ម​អន្តរជាតិ​ថាគ្រោះ​«រលំអគារ»​ចិន ពិតជា​អាច​បង្ការបាន

ហេតុការណ៍​នៃការ«រលំអគារ» សាងសង់ដោយសហគ្រាសចិន នៅខេត្តព្រះសីហនុ ដែលបណ្ដាលឲ្យស្លាប់ និងរបួសច្រើនសិបនាក់ ជាការរំលឹកមួយ អំពីហានិភ័យ ដែលកម្មករកម្ពុជា ត្រូវប្រឈមជារៀងរាល់ថ្ងៃ ហើយទាមទារឲ្យមានវិធានការបន្ទាន់។ នេះ បើតាមសេចក្ដីថ្លែងការណ៍ របស់អង្គការពលកម្មអន្តរជាតិ ...
កម្ពុជា

ហ៊ុន សែន ប្រកាស​រៃអង្គាស​ថវិកា សម្រាប់​គ្រួសារ​នៃជន​រងគ្រោះ

បន្ទាប់ពីត្រឡប់ពីកិច្ចប្រជុំកំពូល នៃសមាគមអាស៊ាន លោកនាយករដ្ឋមន្ត្រី ហ៊ុន សែន បានប្រកាសនៅមុននេះ អំពាវនាវឲ្យមានការជួយជាថវិកា សម្រាប់​គ្រួសារ​នៃជន​រងគ្រោះ នៅក្នុងហេតុការណ៍រលំបាក់អគារ កំពស់៧ជាន់ កាលពីព្រឹកថ្ងៃសៅរ៍។ ការអំពាវនាវរបស់លោក ហ៊ុន ...
កម្ពុជា

គ្រួសារអង់គ្លេសមួយថាពេទ្យខ្មែរ​ទារ​ប្រាក់ ២ម៉ឺន​ផោន ដើម្បី​ព្យាបាល​ជំងឺ​​សួត

បើសិនជាគ្មានប្រាក់ ២ម៉ឺន​ផោន ឲ្យពេទ្យខ្មែរទេ នោះគ្រូបង្រៀន​​ជាតិ​អង់គ្លេស​ម្នាក់ ឈ្មោះ «Anthony Igoe» នឹងត្រូវ​គ្រូពេទ្យទាំងនោះ វះកាត់យកសួតមួយចំហៀងចេញ។ នេះ បើតាមការលើកឡើង របស់​ក្រុមគ្រួសារ​របស់លោក នៅតាមប្រព័ន្ធផ្សព្វផ្សាយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...