កម្ពុជាដំណឹង

២ម៉ឺន​ផោន ៖ មិត្តស្រី​បុរសជាតិ​អង់គ្លេសថា ប្រជាជន​ខ្មែរ​មាន​ចិត្តល្អ​ណាស់

កញ្ញា «Alana Fonseca» មិត្តស្រី​របស់បុរសជាតិអង់គ្លេស ដែលកំពុងរង់ចាំ ប្រាក់រៃ​អង្គាស​ចំនួន ២ម៉ឺន​ផោន ដើម្បីប្រគល់ឲ្យមន្ទីរពេទ្យ នៅកម្ពុជានោះ បានថ្លែង​នៅថ្ងៃ​នេះ​ថា ប្រជាជនខ្មែរ មានទឹកចិត្តល្អណាស់ ហើយថា បុគ្គលិកនៅក្នុងមន្ទីរពេទ្យ ថែរក្សា​មិត្តប្រុស​របស់កញ្ញា បានយ៉ាងល្អ។

លោក «Anthony Igoe» ដែលជាគ្រូបង្រៀន ជាតិអង់គ្លេស (មកពីស្កុតឡេន) ក្នុង​សាលា​ឯកជនមួយ បាន​ចូល​សម្រាក ក្នុង​មន្ទីរពេទ្យ នារាជធានីភ្នំពេញ តាំងពីច្រើន​សប្ដាហ៍​ហើយ បន្ទាប់ពី​បុរស​អាយុ​ ៣១ឆ្នាំរូបនេះ មានជំងឺសួត យ៉ាងធ្ងន់ធ្ងរ។

ស្រង់សំដី ដោយសារព័ត៌មានអង់គ្លេស ឈ្មោះ «Daily Record» កាលពីសប្ដាហ៍មុន កញ្ញា «Alana Fonseca» បានថ្លែងថា៖

«ប្រសិនបើខ្ញុំអាច ខ្ញុំនឹងនាំគាត់ ទៅប្រទេសស្កុតឡែនវិញ ប៉ុន្តែគាត់មិនត្រូវបាន​អនុញ្ញាត ឱ្យជិះយន្ដហោះទេ។ យើងត្រូវបានគេប្រាប់ យ៉ាងជាក់លាក់ថា បើយើង​គ្មាន​ប្រាក់ទូទាត់ទេ វេជ្ជបណ្ឌិត​ក្នុងមន្ទីរពេទ្យនៅកម្ពុជា នឹងវះកាត់យកចេញ នូវសួតមួយ​ចំហៀង របស់ “Anthony” ដោយហេតុថា ថ្នាំ​ដែលត្រូវ​យកមក​ព្យាបាល មានតម្លៃ​ថ្លៃណាស់។»

ទឹកប្រាក់ដែលក្រុមគ្រួសារ​អះអាងថា ត្រូវបានទាមទារ ដោយមន្ទីរពេទ្យ នៅកម្ពុជានោះ មានទំហំ ២០ ០០០ ផោនអង់គ្លេស ដែលត្រូវជាប្រមាណ ជាង ២២ ០០០ អ៊ឺរ៉ូ ឬជិត ២៥ ០០០ ដុល្លារសហរដ្ឋអាមេរិក។ បើតាម​ឯកសារ ដែលទស្សនាវដ្ដី មនោរម្យ.អាំងហ្វូ បានចូល​ទៅពិគ្រោះ តម្លៃព្យាបាលសរុប ដើម្បី​គ្មាន​ការវះកាត់​យក​សួត​ចេញនោះ មានប្រមាណ​ជាង ២៦ ០០០ ដុល្លារអាមេរិក។

២ម៉ឺន​ផោន ? Fake News !

ការផ្សាយ របស់សារព័ត៌មានខាងលើ បានរងប្រតិកម្ម ពីអ្នកស្រី ឱ វណ្ណឌីន អ្នកនាំពាក្យ​ក្រសួង​សុខាភិបាលកម្ពុជា ដោយចាត់ទុក ការលើកឡើង អំពីការទាមទារ ឲ្យបង់ប្រាក់ ២ម៉ឺន​ផោន ពីសំណាក់មន្ទីរពេទ្យ នៅកម្ពុជា ថាជាព័ត៌មានបំភ្លៃ ឬ «Fake News» ដែល​ប្រឌិត​ឡើង ដើម្បីចោទ​ប្រកាន់ មកលើប្រព័ន្ធ​សុខាភិបាល​កម្ពុជា។

បើទោះជា នៅក្នុងរបាយការណ៍ របស់ «Daily Record»​ មិនបានលើកឡើង ពីឈ្មោះរបស់​មន្ទីរពេទ្យ ណាមួយ នៅក្នុងប្រទេសកម្ពុជានោះ តែសាក្សីជាច្រើន បានអះអាងថា លោក «Anthony Igoe» គឺពិតជា កំពុងសម្រាកព្យាបាល នៅក្នុងមន្ទីរពេទ្យមួយ ដែលមាន​ឈ្មោះ​ថា «រ៉ូយ៉ាល់ភ្នំពេញ» ក្នុងរាជធានីភ្នំពេញ។

វីដេអូមួយ របស់កញ្ញា «Alana Fonseca» ក៏បានបង្ហាញ​ដែរ ថា លោក «Anthony» បានពាក់អាវ​ពេទ្យ ជាមួយផ្លាកសញ្ញា «R» ដែលជារូបសញ្ញា របស់​មន្ទីរពេទ្យ​ខាងលើ។

ទស្សនាវដ្ដី មនោរម្យ.អាំងហ្វូ បានព្យាយាមទាក់ទងមន្ទីរពេទ្យ រ៉ូយាល់ភ្នំពេញ ដើម្បីសុំ​ការបកស្រាយ ជុំវិញករណីនេះ តែត្រូវបានស្ត្រីអ្នកទទួលទូរស័ព្ទ ឆ្លើយថា «មិនដឹង» និង​បញ្ជូនឲ្យអ្នកសារព័ត៌មាន ទៅទាក់ទងខាង «ទីផ្សារ» របស់មន្ទីរពេទ្យវិញ។

នៅភ្លាមៗ ក្រោយប្រតិកម្ម របស់អ្នកនាំពាក្យ ក្រសួងសុខាភិបាល កញ្ញា  «Alana Fonseca» បានបង្ហោះសារមួយ នៅលើបណ្ដាញសង្គម ទទូចឲ្យបណ្ដាជន​ទាំងឡាយ ឈប់​ចែក​រំលែកព័ត៌មាន របស់ «Daily Record» តទៅទៀត ដោយកញ្ញា​អះអាង​ថា សារព័ត៌មាន​បានបកស្រាយ ខុសអំពីអ្វី ដែលកញ្ញាបាននិយាយ ហើយដែល​ធ្វើ​ឲ្យយល់ថា ប្រទេស​កម្ពុជា ​មិនល្អ។

កញ្ញាបានសរសេរ នៅពេលនោះថា៖

«យើងសូមថ្លែងអំណរគុណ ដល់មន្ទីរពេទ្យ និងវេជ្ជបណ្ឌិត ដែលយកចិត្តទុកដាក់ ចំពោះ “Anthony” ជារៀងរហូតមក ហើយយើងក៏មិនមាន គំនិតអាក្រក់ ប្រឆាំងនឹង​នរណា​ម្នាក់ នៅទីនេះដែរ។ វាជាកំហុស របស់ក្រុមហ៊ុនធានារ៉ាប់រង ដែលធ្វើឱ្យយើង ស្ថិតក្នុង​ស្ថានភាពនេះ ហើយមិនមែនកម្ពុជា ឬមន្ទីរពេទ្យនោះទេ។»

«ប្រជាជនខ្មែរ ពិតជាអស្ចារ្យ មានចិត្តល្អ និងចេះជួយទុក្ខធុរះណាស់៕»



លំអិតបន្ថែមទៀត

ដំណឹង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។ តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ ...
កម្ពុជា

ABC TV គាស់​កកាយ​«ទ្រព្យ​មហាសាល​នៃ​ត្រកូល ហ៊ុន»​នៅ​អូស្ត្រាលី

បន្ទាប់ពីបណ្ដាញទូរទស្សន៍ «Al Jazeera» នៅថ្ងៃនេះគឺបណ្ដាញវិទ្យុ និងទូរទស្សន៍ «ABC» របស់ប្រទេស​អូស្ត្រាលី​តែម្ដង ដែលបានតាមស្រាវជ្រាវ រកឃើញពីទ្រព្យសម្បត្តិ ត្រកូល ហ៊ុន នៅក្នុងប្រទេសអូស្ត្រាលី ដែលមានតម្លៃរាប់លានដុល្លារ។ ...
កម្ពុជា

ហ៊ុន សែន ថា​ទទួលទាន​នំបញ្ចុក​ មាន​ប្រយោជន៍​ខ្លាំង​ដល់​សុខភាព

ក្រៅពីពង្រឹងសាមគ្គីភាព និងលើកតម្កើងអត្តសញ្ញាណជាតិ ការទទួលទាននំបញ្ចុក ក៏ផ្តល់គុណប្រយោជន៍ សម្រាប់សុខភាពអ្នកទទួលទានដែរ។ នេះ បើតាមការលើកឡើង របស់លោកនាយករដ្ឋមន្ត្រី ហ៊ុន សែន នៅលើបណ្តាញសង្គម កាលពីប៉ុន្មាននាទីមុន។ ទំព័រហ្វេសប៊ុកលោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...