ឈ្មោះ​ប្រទេស និង​រដ្ឋធានីនានា នៅ​ជុំវិញ​ពិភពលោក ជា​ខេមរភាសា

ដើម្បីអនុញ្ញាតឲ្យអ្នកសរសេរ និងអ្នកអាន ឯកភាពគ្នា​ក្នុងការហៅ​ឈ្មោះប្រទេស និង​រដ្ឋធានីនានា នៅជុំវិញ​ពិភពលោក​នោះ គណៈកម្មការជាតិភាសាខ្មែរ (ហៅកាត់ គ.ជ.ភ.ខ ស្ថិតក្រោម​ឱវាទទីស្ដីការគណៈរដ្ឋមន្ត្រី) បាន​ចេញ​បញ្ជី​មួយ សរសេរឈ្មោះប្រទេស និង​រដ្ឋធានីនានា នៃបណ្ដាប្រជាជាតិទាំងនោះ។

បើមើលតាមបញ្ជី ដែលចេញផ្សាយ​តាំងពីឆ្នាំ២០១១នោះមក និងតាមអ្វី ដែលជាការនិយាយ និងការសរសេរ របស់អ្នកនិពន្ធខ្មែរ​មួយចំនួននោះ ការកំណត់​របស់ គ.ជ.ភ.ខ ក្នុងការសរសេរ និងហៅប្រទេស និង​រដ្ឋធានីនានា នៃបណ្ដាប្រជាជាតិ​នៅ​លើ​ពិភពលោកនេះ មានលក្ខណៈជាបណ្ដោះអាសន្ន និងគ្រាន់តែដើម្បីឲ្យ​ការសរសេរ មានការឯកភាពគ្នា​ប៉ុណ្ណោះ។

បណ្ដា​​អ្នក​​ស្នេហា​​អក្សរសាស្ត្រខ្មែរ បានគិតថា ការបោះពុម្ភផ្សាយ នូវវចនានុក្រមថ្មីមួយ សម្រាប់​ពាក្យ​ខ្មែរ (ជា​ពិសេស​​ពាក្យ​ថ្មីៗ) និងភាសាខ្មែរ ពិតជាមានភាពចាំបាច់ និងសំខាន់បំផុត ជាជាង​បញ្ជី​ប៉ុន្មាន​សន្លឹក ដែលមាន​លក្ខណៈ​បែកខ្ញែក​​ដូច្នេះ។

យ៉ាងណា ក៏បញ្ជីផ្សាយ​របស់គណៈកម្មការជាតិ ម្ដងមួយៗនេះ មានភាពប្រសើរជាង​ឯកសារដទៃ​ទៀត បើគិតមកត្រឹមពេលនេះ ហើយទស្សនាវដ្ដី​មនោរម្យ​.អាំងហ្វូ សូមលើកយកមកផ្សាយទាំងស្រុង ជូនប្រិយមិត្តដូចតទៅ៖